हिब्रु 12:13 - बान्‍तावा राई

¹³ आम्‍नुओ लाङ्‌चिओ निम्‍पाङ लाम्‌चि ऩऱक्‍निन्‍लो मुवानुम्‍च़म, खोन्‌ओसा पेसोला लाङ्‌चि ऩलुक्‍निन्‍खात्‍निन्‍ने, मेन मोचि म़नुने।

हिब्रु 12:13 Referans Kwoze

गलाति 6:1

ब़ब़, नाना खोन्‍कि निछाचि ओ, खाक्‍को म़ना अ़त्‍लोदा लाप्‍खावाचानालो खानानिन साङ लावामि त़याइन्‌येन, सिम्‍नान्‍चिन्‍सा मो अ़नुवाक लासामुवानुम। खानानिन आप्‍पि खानिन्‍चिन माङ्‌लो खानानिन्‌छाङ चिन्‍माखाङ्‌मादा त़छुक्‍तिन।

याकुब 5:16

खोन्‌ओसा अ़क्‍छा निएदा आम्‍नुओ हेवा खालुसानुम, खोन्‍कि अ़क्‍छा निओ निम्‍पाङ यामारानिन, खोवात्‍निनालो खानानिन त़नुन। साम्‌योक्‍मि म़नाओ अ़यामात्‍मा सावापोरि खोन्‍कि नुलोक काचि मु।

लुका 3:5

झारा खोङ्‌पाखाङ्‌पिचि भुक्‍माचिदोत, झोन्‍खिलोङ-झान्‍खिलोङ भ़ऱचि मेम्‍माचिदोत। ऱक्‌याङ्‌ओ लाम अ़ऱक्‍निन्‍लो लिमादोत, खोन्‍कि अ़त्‌याङ्‍ओ लाम नुलोक लिमादोत।

गलाति 2:14

मोदा नुय़ङ्‌खान्‌ओ अ़छ़ङ्‌वा मोचि मान्‍च़याङ्‌चिओ अ़ङ्‌का खाङ्‌च़ङ, खोन्‍किना मोचि झारासोओ अ़चुबुदा अ़ङ्‌का केफास लोङ, “खानानिन अ़क्‍छा यहुदि त़लिसिन खोन्‍नुछाङ निरावावात्‍नि त़च़न्‌येन, देत्‍नि निरावाचि यहुदिचिवात्‍नि ह़ङ्‌मा राकाङ्‌थेत्‍नि त़मुम्‍च़म?”

१ पत्रुस 2:24

हेवाओ अ़सावा आन्‍कान्‌एदा दित्‍छाङ अ़युङ्‌निन्‍ने, खोन्‍कि साम्‌योक्‍मिओ निम्‍पाङ ह़ङिन्‍ने निकिना क्रुस्‌दा खोक्‍कोसाआ आप्‍पि आन्‍हेवा अ़खुया। खोक्‍कोसोओ अ़चुखेन्‍चिलाम्‍पा खानानिन त़नुन्‌युङ्‌सिन।