हिब्रु 11:27 - बान्‍तावा राई

²⁷ हाङ्‌ओ अ़माइसुङ्‌दा मान्‍क़माङ साकोङ्‌छ़ङ्‌लाम्‍पा खोसाआ मिस्र हेन्‍कोप छिरुदो। देकिनालो खोसाआ अ़दात्‍निन्‌ओ निनाम्‍हाङ खान्‌वात्‍नि खो लामान्‍चिन छुन्‍ता।

हिब्रु 11:27 Referans Kwoze

हिब्रु 11:13

ओ झारा म़नाचि निनाम्‍हाङ्‌आ प़नानिन निकिना म़हिप्‍तुचिओ य़ङ मान्‍तोक्‍माङ निनाम्‍हाङ साकोङ्‌छ़ङ मुयाङ्‌सा म़सुवादा। खोन्‍नुछाङ निनाम्‍हाङ्‌आ म़हिप्‍तुचिओ य़ङ मोचिआ अ़थायाङ्‌काङा अ़खाकि अ़चुऩङानुवा। मोवात्‍नि मोचिआ खोचि ओ हेन्‍खामादा तावाङ्‌चि खोन्‍कि काहुलुक्‌चि म़मित्‍तान्‍चिन।

२ कोरिन्‍थि 4:18

खोन्‌ओसा, आन्‍कान्‍का दात्‌याङ्‍ओ सामाचि अ़खान्‍मिन्‍चिन्‍का, मेन ऩदात्‍निनिन्‌ओ सामाचि आन्‍कान्‍का खाम्‍च़म्‍का। देकिनालो दात्‌ओ सामा अ़क्‍दुओ ओन्‍ङा मु, मेन अ़दात्‍निन्‌ओ अ़धुन युङ्‌युङ।

हिब्रु 11:1

हान साकोङ्‌छ़ङ मुमानिओ निनाम्‍हाङ्‌आ म़हिप्‍ताओ अ़नुछ्‍या आन्‍कान तोक्‍तुम निकिना अ़छ़ङ मुमा, खोन्‍कि आन्‍कान अ़खान्‍मिन्‌ओ य़ङ्‌ओ अ़नुछ्‍याओ सोम्‍कुवा मुमा ओ।

याकुब 5:11

खानानिन त़सिन्‍तुम्‌योम, काहुङ्‌चि आन्‍कान आलाङ्‌मिओनि लोम्‍च़म। खानानिन्‌आ अय्‍युब्‌ओ अ़हुङ्‌माय़ङ खोन्‍कि हाङ्‌पाओ अ़चुमित्‍चिऩङ त़एनुम्‌युङ्‌सुम। आदेङ हाङ्‌पाआ देत्‍नि नुलोक अ़मुवा मो त़सिन्‍तुम्‌योम। देकिनालो हाङ्‌पा अ़न्‍नुनु नुलोक कामित खोन्‍कि सोमाकातुक म़मुयाङ।

१ पत्रुस 1:8

खानानिन्‌आ खोक्‍को मान्‍खाङ्‌त़युक्‍तुम्‌नुछाङ सोमात़तुक्‍तुम। खोन्‍कि ओन्‍ग़रि खानानिन त़खान्‍मिन्‌नुछाङ खोक्‍कोएदा साकोङ्‌छ़ङ त़मुन, खोन्‍किना य़ङ्‌मा अ़ऱन्‍मिन्‌ओ खोन्‍कि साम्‍स़रिओ छेमाआ आम्‍नुओ ऩङानु।

हिब्रु 10:32

मो बुयाओ लेन्‌चि मित्‍तानुम्‍च़म। मोन्‍ग़रि अ़छ़ङ्‌य़ङ त़सिन्‍तुम्‌किछाङ खानानिन ब़द्‍धे अ़चाअ़त्‍माचिएनान दुखा आङ्‌मा दोरा, खोन्‍नुछाङ खानानिन नुलोक त़युङिन।

१ तिमोथि 1:17

हान दुङ-दुङ्‌तारिओ हाङ, अ़लुक्‍निन्‌ओ खोन्‍कि अ़खान्‍मिन्‌ओ अ़क्‍छा ओन्‍ङा निनाम्‍हाङ्‌ओ अ़धुन-अ़धुन्‌तारि साया खोन्‍कि अ़चुऩङ लोङ्‌ने। मोवात्‍निङा लिने।

१ कोरिन्‍थि 13:7

सोम्‍तुक्‍माआ झारा य़ङ्‌चि दिप्‍तुचि, झारा य़ङ्‌चिदा साकोङ्‌छ़ङ मु, झारा य़ङ्‌चिदा सोम्‍कुवा मु, झारा य़ङ्‌चि आङ्‌तुचि।

मत्‍ति 10:22

अ़ङ्‌का कात़ङ्‌चिओसा झारासा खानानिन ऩङाऩछिरिन। मेन साङ आदेङ्‌तारि आङ्‌तुकि युङ, खो लेन।

हिब्रु 6:15

खोन्‍किना अब्राहाम आङ्‌याङ्‌सा खाहुङाकि निनाम्‍हाङ्‌आ अ़हिप्‍ताओ तोक्‍तु।

१ तिमोथि 6:16

खोक्‍को ओन्‍ङा अ़धुन काह़ङ्‌युङ म़युङ्‌याङ, खोन्‍कि खोक्‍को साम्‌दा म़याक, खोक्‍कोसोओ अ़चुसाम्‌दा साङ्‌छाङ खात्‍मा अ़ऱन्‍मिन। खोक्‍को साङ्‌आछाङ देम्‍खाछाङ मान्‍खाङ्‌युक्‍तु माङ्‌लो साङ्‌आछाङ खोक्‍को खाङ्‌मा अ़ऱन। खोक्‍कोसोओ अ़चुसाऩङ्‌वा लिने खोन्‍कि खोक्‍को अ़धुन सावापोरिओ म़मुने! मोवात्‍निङा लिने।

छाम्‍माय़ङ 2:25

दाउद हाङ ब़द्‍धेकादोङ बुया येसुओ अ़तुक्‌वादा य़ङायुङ्‌सा, ‘अ़ङ्‌का अ़ङ्‌ङेङ्‌चिदाङ्‌का अ़क़ऩङ, देकिनालो अ़ङ्‌हाङ्‌पा अ़धुन अ़ङ्‌बुदा म़युङ्‌याङ्‌ओ अ़ङ्‌का खाङ्‌योङ। देकिनालो खोक्‍को अ़ङ्‌चुप्‍ताङ छुक्‌लिप्‍पा म़युयाङ।

मर्कुस 13:13

अ़ङ्‌का कात़ङ्‌चिओसा झारासा खानानिन ऩङाऩछिरिन। मेन साङ आदेङ्‌तारि साकोङ्‌छ़ङ मुयुङ, मो लेन।

मर्कुस 4:17

मेन मोसोओ अ़भेन अ़मेत्‍तुन्‌ओसा मो अ़क्‍चित लेन ओन्‍ङा ह़ङ, खोन्‍कि निनाम्‍हाङ्‌ओ अ़चुय़ङ्‌दा साकोङ्‌छ़ङ मुवाओसा अ़चाअ़त्‍मा माङ्‌लो ल़क्‍मा ताहिदा निनाम्‍हाङ्‌ओ अ़चुय़ङ साकोङ्‌छ़ङ मुमादा मो च़क्‍नि देङ्‌ला।

मत्‍ति 24:13

मेन साङ आदेङ्‌तारि साकोङ्‌छ़ङ मुयुङ, मो लेन।

कलस्‍सि 1:15

ख्रिस्‍त अ़दात्‍निन्‌ओ निनाम्‍हाङ्‌ओ दात्‌ओ अ़चुकात्‍मा खोन्‍कि झारा मुन्‍माय़ङ्‌चिओदाङ्‌का बुयाङा म़युङाङा। खोन्‍कि खोक्‍को झारादाङ्‌का तोक्‍पो म़मुवाङा