हिब्रु 10:35 - बान्‍तावा राई

³⁵ खोन्‌ओसा अ़ङ्‌का चाप्‍चेत्‍नानिन, आम्‍नुओ सोम्‍कुवा मान्‍छित्‌दानुम, ओसाआ अ़धिवा सिरिफा तारु।

हिब्रु 10:35 Referans Kwoze

१ कोरिन्‍थि 15:58

खोन्‌ओसा, अ़ङ्‌का सोमातुक्‍नाङ्‌नानिन्‌ओ अ़ङ्‍ब़ब़, नाना खोन्‍कि निछाचि ओ, नुलोक युङानिन। दिसाआछाङ ओह्‍यात्‍नि-मोह्‍यात्‍नि त़मुन्‍मिन्‍ने। हाङ्‌पाओ अ़चुकाचिदा अ़धुन पोइसा खारानिन। देकिनालो खानानिन त़सिन्‍तुम्‌योम, निनाम्‍हाङ्‌एदा आम्‍नुओ काचि सोज्‍जे अ़लिनिन।

हिब्रु 3:6

मेन ख्रिस्‍त निनाम्‍हाङ्‌ओ अ़चुखिम्‌दा पाङ कामु छावात्‍नि सोम्‍कुवा मुमा खान्‍तुओ म़मुयाङ। खोन्‍कि आन्‍कान तोक्‍पो लिमायु आन्‍राक खोन्‍कि ख्रिस्‍तएदाओ आन्‍सोम्‍कुवा क़क्‍तुम्‌युङ्‌सुम्‌नालो आन्‍कान खोक्‍कोसोओ अ़चुखिम्‌दाओ म़नाचि ओ।

लुका 14:14

खोन्‍कि खाना आसिखा त़तोक्‍तु। मोवात्‍नि त़च़नालो मोचिआ खाना अ़फान्‌दा चा प़मा ऩऱनान, मेन आदेङ साम्‌योक्‍मिचि म़स़दाओदाङ्‌का म़लाखोन्‍लोन्‌हिदा खाना ओसोओ सिरिफा त़तोक्‍तु।”

हिब्रु 11:26

मिस्र हेन्‍कोप्‌दाओ चासुम्‍छेन्‍बिदाङ्‌का ख्रिस्‍तओ निम्‍पाङ सुङ्‌लुमा मोसाआ तोक्‍पो अ़लुङ्‌ओ चासुम्‍छेन्‍बिनि मित्‍तु। देकिनालो ओ खोसाआ सिरिफादात्‍नि खा।

मत्‍ति 5:12

मोन्‍ग़रि ऩङानुसानिन्‍चिन, खोन्‍कि छेमा काइसानिन्‍चिन, देकिनालो निनाम्‍मादु आम्‍नुओ सिरिफा तोक्‍पो युङ्‌याङ। देकिनालो खानानिन्‌दाङ्‌का बुयाओ निनाम्‍हाङ्‌य़ङ खाकालुचि मोवात्‍निङा मोचिआ म़ल़क्‍तुचिओ।

हिब्रु 4:14

मोवात्‍नि निनाम्‍मादु काखात निनाम्‍हाङ्‌ओ अ़चुछा येसु आन्‍को झारादाङ्‌का तोक्‍पो मुलो काब़क्‍पा म़युङ्‌याङ्‌ओसा आन्‍कान लोउम्‌ओ ओ साकोङ्‌छ़ङ नुलोक आन्‍कान क़क्‍तुम्‌युङ्‌सुम्‍ने।

हिब्रु 3:14

ओवात्‍नि आन्‍कान बुयाओदु अ़चुम़नाचि लिसिन्‌दाङ्‌का आन्‍सोम्‍कुवा देङ्‌दातारि नुलोक क़क्‍तुम्‌युङ्‌सुम्‌नालो आन्‍कान ख्रिस्‍तओ अ़चुयावाचि ओ।

मत्‍ति 10:32

अ़ङ्‌का लोनानिन, साङ्‌आ म़नाचिओ अ़चुबुदा अ़ङ्‌का अ़लोक्‍ङा, अ़ङ्‌काछाङ मो निनाम्‍मादु कायुङ अ़ङ्‌पापाओ अ़चुबुदा मो लोउङ।

मत्‍ति 10:42

साङ्‌आ ओ अ़चुप्‍पोचिएदाओ अ़क्‍छा अ़ङ्‌काखेङ अ़क खुङ ओन्‍ङानुछाङ केङ्‌याङ्‌ओ चाक्‌वा दुङ्‌मा प़, अ़नुछ्‍या अ़ङ्‌का खानानिन लोनानिन, देम्‍खाछाङ खोसाआ अ़सिरिफा अ़मासुन।”

हिब्रु 2:2

निनाम्‍हाङ काफाचिआ आन्‍सुन्‍तुम्‌चि खाम़एत्‍तुचिओ य़ङ्‌खान अ़छ़ङ लिसा, खोन्‍कि झारा हेवा कामु खोन्‍कि झारा लोमावा मान्‍च़कादाआ खान्‍तुओ दन्‍दा तोक्‍तु।

एफिसि 3:12

खोक्‍कोएदा मुम्‌ओ आन्‍साकोङ्‌छ़ङ्‌लाम्‍पा राक खोन्‍कि सोम्‍कुवादा आन्‍कान निनाम्‍हाङ्‌एदा खात्‍मा तोक्‍तुम।

हिब्रु 10:19

खोन्‌ओसा ब़ब़, नाना खोन्‍कि निछाचि ओ, येसुओ अ़चुह़लाम्‍पा तोक्‍पो सेङ्‌याङ्‌ओदा वाङ्‌मा आन्‍कान राक लोक्‍मा ऱम।

२ युहन्‍ना 1:8

खोन्‌ओसा चाप्‍चेत्‍तानिन्‍चिन, दिसु य़ङ्‌ओ निम्‍पाङ आन्‍कान काचि मुम्‌ओ मो मान्‍मादानुम, मेन झारा सिरिफा कातोक त़लिसिन्‍ने।