हिब्रु 10:29 - बान्‍तावा राई

²⁹ खानानिन मित्‍तानुम, निनाम्‍हाङ्‌ओ अ़चुछा अ़लाङ्‌थेम भेन्‌यु कानेप्‌चि, खाक्‍को ह़आ म़सेङ खोन्‍कि निनाम्‍हाङ्‌ओ अ़चुय़ङ्‌छ़ङ अ़छ़ङ मु, मो ख्रिस्‍तओ अ़चुह़ दिसुवा मान्‍मित्‍कादा खोन्‍कि सोमाकातुक सेङ्‌लावा कासुङ्‌चिआ देम चात्‍लो दन्‍दा अ़तोक?

हिब्रु 10:29 Referans Kwoze

हिब्रु 6:6

खोन्‍नुछाङ अ़चुओ साकोङ्‌छ़ङ अ़छित्‌नालो मो म़नाचिओ अ़चुमिन्‍मा लामा अ़ऱन्‍चिमिन। देकिनालो मोचिआ आप्‍पिङा निनाम्‍हाङ्‌ओ अ़चुछा क्रुस्‌दा अ़लाख़न्‌याङ, खोन्‍कि निचिआ खोक्‍कोसोओ अ़चुसाया पेप्‍खालाम अ़मुयाङ।

एफिसि 4:30

खोन्‍कि निनाम्‍हाङ्‌ओ अ़चुसेङ्‌लावा दुखा मान्‍प़दानुम, खोक्‍कोएदा लेन्‍माय़ङ लेन्‌ओ निम्‍पाङ खानानिन ऩसेप्‍तिन्‌युङ्‌सिन।

१ कोरिन्‍थि 11:27

खोन्‌ओसा, साङ्‌आ चामा अ़नुनिनिन्‌हिदा हाङ्‌पाओ अ़पेम्‍पाक चा, माङ्‌लो लाङ्‌चोक्‍खुङ्‌दाङ्‌का दुङु, मो हाङ्‌पाओ अ़चुपोक खोन्‍कि अ़चुह़ पोप्‍तुओदा काफि लि।

लुका 12:10

खोन्‍कि साङ म़नाओ अ़छाओ अ़देङ्‌सालाप्‍पादा चेप, मो अ़लेत, मेन साङ्‌आ सेङ्‌लावाओ अ़साया पेप्‍तु, मो अ़लेत्‍निन।

हिब्रु 2:3

हान आन्‍कान ओन तोक्‍पो लेन्‍मा ऩङाछिरुम्‌नालो आन्‍कान देत्‍नि निनाम्‍हाङ्‌ओ अ़चुदन्‍दादाङ्‌का फुङ्‌मा ऱन? अ़ऱन्‍मिन! देकिनालो ओ लेन्‍मा बुयाओदु हाङ्‌पाआङा खाअ़लुसा ओ, खोन्‍कि खोक्‍कोसोओ अ़चुय़ङ काएन म़नाचि आन्‍कान अ़छ़ङ सालुम्‍स़ङ म़पुवा।

छाम्‍माय़ङ 7:51

खानानिन लोमान्‍तेत म़नाचि ओ, ऱक्‍भाक साकोङ्‌वा कामु खोन्‍कि निनाम्‍हाङ्‌ओ अ़चुय़ङ मान्‌एन्‍कादा खानानिन अ़धुन सेङ्‌लावाओ अ़चुदेङ्‌सालाप्‍पा त़च़न। आम्‍नुओ सुन्‍तुम्‌चि देत्‍नि म़चुवा, खानानिन्‌छाङ मोवात्‍निङा त़च़न।

हिब्रु 12:25

चाप्‍चेत्‍तानिन्‍चिन! साङ म़चेप्‌याङ, खोक्‍को खानानिन्‌आ ऩङामान्‍छित्‌दानुम। निनाम्‍हाङ्‌आ हेन्‍खामादा चाप्‍म़चेत्‍तुचिओ अ़चुय़ङ आम्‍नुओ सुन्‍तुम्‌चिआ एन्‍मा ऩङाअ़छिराहिदा निनाम्‍हाङ्‌ओ अ़चुमाइसुङ्‌दाङ्‌का फुङ्‌मा मान्‍ऱचि। मोवात्‍नि साङ्‌आ निनाम्‍मादुङ्‌का चाप्‍म़चेत्‌याङ, आन्‍कान खोक्‍कोसोओ अ़चुय़ङ ऩङाछिरुम्‌नालो आन्‍कान्‌छाङ अ़नुछ्‍याङा फुङ्‌मा अ़ऱन्‍मिन।

हिब्रु 9:13

मेनेत्‍पा खोन्‍कि बोयोङ्‌चिओ अ़चुह़ खोन्‍कि बाछिओ अ़थाबुत म़नाचिएदा थोत्‌हिदा अ़चुच़माथाङ्‌मावा म़नाचिओ अ़चुपोक्‌चि अ़सेङ्‌निनिन्‌ओदाङ्‌का सेङ।

१ कोरिन्‍थि 11:29

देकिनालो साङ्‌आ हाङ्‌पाओ अ़चुपोक मान्‍सिन्‍माङ चा, खोन्‍कि दुङु, खोसाआ मो चोओ खोन्‍कि दुङुओदा खोएदा दन्‍दा ता।

हिब्रु 6:4

देकिनालो साङ्‌चिआ अ़क्‍दु साम अ़तोक्‍ताकि निनाम्‍मादुओ छुक्‍तुप्‍मा अ़छेम्‍सायुङ्‌साओ, खोन्‍कि सेङ्‌लावाओ काचिदा म़वाङायुङ्‌साओ,

हिब्रु 2:11

हेवादाङ्‌का म़ना कासेङ येसु खोन्‍कि म़सेङ्‌सुओचि झारासोओ अ़चुपा अ़क्‍छाङा ओ। खोन्‌ओसा येसुआ मोचि निछानि लोमादा अ़चुलेजो अ़कात्‍निन।

युहन्‍ना 17:19

खानानिन ब़त्‍सि आम्‍नुओ अ़छ़ङ य़ङ्‌आ मोचि सेङ्‌मा ऱचिने निकिना अ़ङ्‌का आप्‍पि मोचिओ निम्‍पाङ अ़ङ्‌का हेन्‍खोक्‌वावा प़ङ।

मत्‍ति 7:6

दि सेङ्‌याङ, मो कुतिवाचि मान्‍प़दानुम्‍च़म, मोवात्‍नि त़च़न्‌नालो मोचिआ खानानिन ऩझोम्‍तिन। खोन्‍कि आम्‍नुओ वाचेत्‍लुङ्‌चि भाक्‌चिओ अ़चुबुदा मान्‌वेत्‍खान्‍दानुम्‍च़म, मोवात्‍नि त़च़न्‌नालो मोचिआ अ़चुलाङ्‌आ अ़नेप।

हिब्रु 13:20

आन्‍हाङ्‌पा येसु ख्रिस्‍त काखोन्‍लोन निनाम्‍हाङ्‌आ सेवाङ्‌नि ऩमुन्‍ने। येसु तोक्‍पो भेरा काखाङ्‌पावा म़मुयाङ, खोक्‍कोसोओ अ़चुह़लाम्‍पा अ़चुभेराचिएनान अ़धुन्‌ओ य़ङ्‌छ़ङ्‌दा सेप्‍तायुङ्‌सा।

युहन्‍ना 10:36

अ़ङ्‌का ‘निनाम्‍हाङ्‌ओ अ़चुछा ओ’नि य़ङाङ्‌हिदा देत्‍नि निनाम्‍हाङ्‌ओ अ़चुसाया पेप्‍तुङ्‌नि त़लोनि? अ़ङ्‌का पापा निनाम्‍हाङ्‌आ ऩछेन्‍ताङ्‌कि हेन्‍खामादा ऩय़साङ्‌ओ म़ना ओ।

हिब्रु 9:20

खोन्‍किना खोसाआ ओवात्‍नि लोचि, “निनाम्‍हाङ्‌आ खानानिन्‌एनान अ़मुवाओ य़ङ्‌छ़ङ ओ ह़आ अ़छ़ङ मु।”

१ कोरिन्‍थि 15:25

देकिनालो खोक्‍कोसाआ झारा अ़चुङेङ्‌चि अ़चुलाङ्‌थेम्‌यु मान्‍मुम़युक्‍तुचितारि खोक्‍कोसाआ हाङ मुमादोत।

रोमि 16:20

सेवाङ्‌नि काप़ निनाम्‍हाङ्‌आ च़क्‍निङा सैताना आम्‍नुओ लाङ्‌थेम भेन्‌यु अ़नेप। आन्‍हाङ्‌पा येसु ख्रिस्‍तओ अ़चुसोमातुक्‍मा खानानिन्‌एदा याक्‍ने।

मत्‍ति 26:28

ओ अ़ऩङ्‌वा य़ङ्‌छ़ङ्‌ओ अ़ङ्‌ह़ ओ, मो ब़द्‍धेसोओ निकिना हेवा लेत्‍माओ निम्‍पाङ सोन।

१ कोरिन्‍थि 15:27

देकिनालो “निनाम्‍हाङ्‌आ झारा य़ङ्‌चि खोक्‍कोसोओ अ़चुलाङ भेन्‌यु अ़क़म्‍तायुङ्‌सा”नि छाप्‍तायुङ्‌सा। मेन ओ छेङ्‌छेङ्‌छेङ्‌वा मुयाङ, “झारा य़ङ्‌चि खोक्‍कोसोओ अ़चुपाङ्‌दा म़युङ्‌सायुङ्‌सा”निओ य़ङ्‌दाङ्‌का आन्‍कान छेङ्‌छेङ्‌छेङ्‌वा सिन्‍तुम्‌योम: झारा य़ङ्‌चि ख्रिस्‍तओ अ़चुपाङ्‌दा अ़युक्‍तायुङ्‌साओ निनाम्‍हाङ मोसोओ अ़पाङ्‌दा ऩयाक्‍निनिन।

मर्कुस 7:2

खोन्‍कि खा-खाक्‍को येसुओ अ़चुकाखेङ्‌पाचिआ मान्‍सेङ्‌याङ्‌ओ माङ्‌लो अ़चुछुक वामान्‍स़माङ चा म़चाङाओ मोचिआ म़खाचि।

१ कोरिन्‍थि 6:11

खा-खाक्‍को खानानिन्‌छाङ ओवाकोङा त़मुन्‌येन। मेन खानानिन वाऩस़न्‌युङ्‌सिन, खानानिन त़सेङिन्‌युङ्‌सिन, हाङ्‌पा येसु ख्रिस्‍तओ अ़चुऩङ्‌दा खोन्‍कि आन्‍निनाम्‍हाङ्‌ओ अ़चुलावालाम्‍पा खानानिन निनाम्‍हाङ्‌ओ अ़चुबुदा साम्‌योक्‍मि ऩकाइसिन्‌युङ्‌सिन।

एफिसि 5:26

खोक्‍कोसाआ साम्‍भुङ अ़च़क़ल़क मुमा निम्‍पाङ चाक्‌वाआ वाअ़स़कि निनाम्‍हाङ्‌य़ङ्‌लाम्‍पा सेङ्‌मा अ़ऱने,

हिब्रु 4:14

मोवात्‍नि निनाम्‍मादु काखात निनाम्‍हाङ्‌ओ अ़चुछा येसु आन्‍को झारादाङ्‌का तोक्‍पो मुलो काब़क्‍पा म़युङ्‌याङ्‌ओसा आन्‍कान लोउम्‌ओ ओ साकोङ्‌छ़ङ नुलोक आन्‍कान क़क्‍तुम्‌युङ्‌सुम्‍ने।

हिब्रु 10:10

खोन्‍कि मो निनाम्‍हाङ्‌ओ अ़चुमिन्‍मावात्‍नि येसु ख्रिस्‍तआ अ़चुपोक्‌ओ हेन्‍खोक्‌वालाम्‍पा अ़धुन्‌ओ निम्‍पाङ आन्‍कान म़सेङ्‌सायुङ्‌सा।

खाङ्‌मुमा 1:5

ओ य़ङ्‌चिओ साकोङ्‌छ़ङ मुमा खान्‍तुओ सालुम्‍स़ङ खोन्‍कि म़सुवादाओचिदाङ्‌का बुदा म़खोन्‍तालोन्‍ताओ खोन्‍कि हेन्‍खामादाओ झारा हाङ्‌चिएदा हाङ्‌काचि कामु येसु ख्रिस्‍तलाम्‍पाछाङ खानानिन सोमातुक्‍मा खोन्‍कि सेवाङ्‌नि। खोक्‍कोसाआ आन्‍कान सोमाम़तुक, खोन्‍कि खोक्‍कोसोओ अ़चुस़मा हेन्‍खोक्‌वाआ आन्‍कान आन्‍हेवादाङ्‌का म़फोङ्‌सायुङ्‌सा।