हिब्रु 10:23 - बान्‍तावा राई

²³ आन्‍कान लोउम्‌ओ तोक्‍मामिन्‍मा ऱक़क्‍क़क्‌वा लाउम्‌युङ्‌सुम्‍ने, देकिनालो आन्‍कान काहिप सोम्‍कुवा मुमा खान्‍तुओ म़मुयाङ।

हिब्रु 10:23 Referans Kwoze

१ थेसलोनिकि 5:24

निनाम्‍हाङ्‌आ ओ झारा य़ङ्‌चि अ़मु, देकिनालो खानानिन काबुत निनाम्‍हाङ सोम्‍कुवा मुमा खान्‍तुओ म़मुयाङ।

१ कोरिन्‍थि 1:9

निनाम्‍हाङ साकोङ्‌छ़ङ मुमा खान्‍तुओ म़मुयाङ। खोक्‍कोसोओ अ़चुछा आन्‍हाङ्‌पा येसु ख्रिस्‍तएनान यावायोक मुसि खोक्‍कोसाआ खानानिन ऩबुत्‍तिन।

२ थेसलोनिकि 3:3

मेन निनाम्‍हाङ साकोङ्‌छ़ङ मुमा खान्‍तुओ म़मुयाङ। खोक्‍कोसाआ लावामि सावा ऩप़न, खोन्‍कि अ़अ़त्‍पादाङ्‌का ऩरात्‍तिन।

हिब्रु 6:18

निनाम्‍हाङ्‌आ ह्‍वातात ऩफान्‍निन्‌ओ य़ङ्‌चि अ़मुवा। ओसोओ अ़तुक्‌वादा निनाम्‍हाङ देम्‍खाछाङ ऩम़प्‍निन। खोन्‌ओसा आन्‍कान खोक्‍कोएदा रात्‍लुसि काखात्‌चि आन्‍बुदा म़युक्‍ताओ सोम्‍कुवा नुलोक लाप्‍मा तोक्‍पो राक आन्‍कान तोक्‍तुम्‌युङ्‌सुम।

तितस 1:2

ओ साकोङ्‌छ़ङ्‌लाम्‍पा आन्‍कान अ़लुक्‍निन्‌ओ ह़ङ्‌म़ङ तोक्‍तुम निकिना तामामित्‍मा मुन। देम्‍खाछाङ सोज्‍जेओ मान्‍चेप्‍कादा निनाम्‍हाङ्‌आ निनाम्‍मा हेन्‍खामा मुन्‍मा बुयाङा आन्‍कान ओ ह़ङ्‌म़ङ प़नानिन निकिना म़हिप्‍तायुङ्‌साओ।

हिब्रु 3:6

मेन ख्रिस्‍त निनाम्‍हाङ्‌ओ अ़चुखिम्‌दा पाङ कामु छावात्‍नि सोम्‍कुवा मुमा खान्‍तुओ म़मुयाङ। खोन्‍कि आन्‍कान तोक्‍पो लिमायु आन्‍राक खोन्‍कि ख्रिस्‍तएदाओ आन्‍सोम्‍कुवा क़क्‍तुम्‌युङ्‌सुम्‌नालो आन्‍कान खोक्‍कोसोओ अ़चुखिम्‌दाओ म़नाचि ओ।

१ कोरिन्‍थि 10:13

म़नाएदा ताओ चिन्‍माखाङ्‌मादाङ्‌का खानानिन नि चिन्‍माखाङ्‌मादा मान्‍छुक्‍त़युक्‍तिन। निनाम्‍हाङ सोम्‍कुवा मुमा खान्‍तुओ म़मुयाङ खोन्‍कि आङ्‌मा त़ऱम्‌ओदाङ्‌का च़लोक चिन्‍माखाङ्‌मादा छुक्‍मा ऩप़न्‍मिन, मेन चिन्‍माखाङ्‌माएनान फुङ्‌खा लाम्‌छाङ ऩमेत्‍तिन्‍प़न खोन्‍कि मोवात्‍नि खानानिन मो आङ्‌मा त़ऱम।

खाङ्‌मुमा 3:11

अ़ङ्‌का च़क्‍नि ताङाङा। खानानिन्‌एदा याक्‌याङ्‌ओ आम्‍नुओ साकोङ्‌छ़ङ नुलोक क़क्‍तायुङ्‌सानुम, खोन्‌ओसा खानानिन त़छोसिन्‌ओ आम्‍नुओ सिरिफा साङ्‌आछाङ अ़खात्‍तुन।

याकुब 1:6

मेन मोसाआ साकोङ्‌छ़ङ्‌एनान मान्‍केङ मान्‍मुमाङ दोरुने। मान्‍केङ कामु म़ना ना ह़क्‌आ मुत्‍तुकि लोङ्‌लुक्‌याङ्‌ओ धियाङ्‌वामाओ अ़लोङ्‌वात्‌वा लि।

हिब्रु 11:11

साराआछाङ अ़न्‍नुनु खोक्‍मा लिसाकि छा दाप्‍मा मान्‍ऱकादा लिसायुङ्‌सानुछाङ साकोङ्‌छ़ङ्‌लाम्‍पाङा छा दाप्‍मा रुवा। देकिनालो निनाम्‍हाङ्‌आ अ़मुवाओ हिप्‍माय़ङ अ़ताला निकिना खो साकोङ्‌छ़ङ मुवायुङ्‌सा।

हिब्रु 4:14

मोवात्‍नि निनाम्‍मादु काखात निनाम्‍हाङ्‌ओ अ़चुछा येसु आन्‍को झारादाङ्‌का तोक्‍पो मुलो काब़क्‍पा म़युङ्‌याङ्‌ओसा आन्‍कान लोउम्‌ओ ओ साकोङ्‌छ़ङ नुलोक आन्‍कान क़क्‍तुम्‌युङ्‌सुम्‍ने।

हिब्रु 3:14

ओवात्‍नि आन्‍कान बुयाओदु अ़चुम़नाचि लिसिन्‌दाङ्‌का आन्‍सोम्‍कुवा देङ्‌दातारि नुलोक क़क्‍तुम्‌युङ्‌सुम्‌नालो आन्‍कान ख्रिस्‍तओ अ़चुयावाचि ओ।

२ कोरिन्‍थि 9:13

खानानिन्‌आ त़मुम्‌ओ ओ काचि सिवाआ मोचिआ निनाम्‍हाङ अ़लोङ। देकिनालो मोचिआ अ़नुवाक मिन्‍माआ मोचि खोन्‍कि झारा साकोङ्‌छ़ङ कामुचि त़फासुम्‍च़म्‌ओ काचिआ ख्रिस्‍तओ अ़चुनुय़ङ्‌खान्‌दा साकोङ्‌छ़ङ त़मुम्‌ओ य़ङ खोन्‍कि निनाम्‍हाङ्‌ओ अ़चुलोमाय़ङ्‌वा त़च़न्‌ओ अ़छ़ङ मुयुङ्‌सुयुङ्‌सु।

हिब्रु 3:1

खोन्‌ओसा निनाम्‍हाङ्‌आ ऩबुत्‍तिन्‌ओ त़सेङियेन्‌ओ अ़ङ्‍ब़ब़, नाना, खोन्‍कि निछाचि ओ, निनाम्‍हाङ्‌आ अ़छाम्‍साओ खोन्‍कि मुलो काब़क्‍पानि आन्‍कान य़ङिन्‌ओ येसु मित्‍तानुम।