Biblia Todo Logo
Bib sou entènèt

- Piblisite -




गलाति 6:14 - बान्‍तावा राई

14 मेन आन्‍हाङ्‌पा येसु ख्रिस्‍तओ अ़चुक्रुस्‌दाङ्‌का नि खाक्‍कोछाङ य़ङ्‌दा तोक्‍पो लिमा अ़ङ्‌काएदाङ्‌का अ़थाया लिने। मो क्रुस्‌लाम्‍पा हेन्‍खामाओ अ़तुक्‌वादा अ़ङ्‌का सुवाङ। हेन्‍खामा अ़ङ्‌काएदा अ़सावा मात्‍द़ङ लिसायुङ्‌सा।

Gade chapit la Kopi




गलाति 6:14
37 Referans Kwoze  

आन्‍कान सिन्‍तुम्‌योम बुयाओ हेवामि आन्‍ह़ङ्‌म़ङ क्रुस्‌दा ख्रिस्‍तएनान ख़न्‍तायुङ्‌सा। खोन्‌ओसा आन्‍ह़ङ्‌म़ङ्‌चिदा हेवाओ अ़सावाआ अ़क़म्‍तुन्‍ने। हान्‌दाङ्‌का ह्‍यात्‍नि आन्‍कान हेवाओ अ़हारुक माआङ।


अ़ङ्‌का ख्रिस्‍तएनान क्रुस्‌दा ख़न्‍ताङ्‌युङ्‌साङ। हान्‌दाङ्‌का काह़ङ अ़ङ्‌का माआङ, मेन ख्रिस्‍त अ़ङ्‌काएदा म़ह़ङ। ओन्‍ग़रि अ़ङ्‌का पोक्‌दा ह़ङ्‌ङाङा, मो ह़ङ्‌म़ङ निनाम्‍हाङ्‌ओ अ़चुछाएदा सोम्‍कुवालाम्‍पा ह़ङ्‌ङा। खोक्‍कोसाआ अ़ङ्‌का सोमाऩतुक्‍ताङ खोन्‍कि अ़ङ्‌को निम्‍पाङ खोक्‍को आप्‍पि म़पुवान्‍लावान्‍चिन।


खानानिन्‌एनान युङाङ्‌याङ्‌हिदा अ़ङ्‌का येसु ख्रिस्‍त खोन्‍कि क्रुस्‌दा खोक्‍को ख़न्‍मासेत्‍मादाङ्‌का नि दित्‍छाङ मान्‍सिन्‍दामा अ़ङ्‌का अ़छ़ङ मुङ।


देकिनालो सेङ्‌लावालाम्‍पा काब़क आन्‍कान्‌ङा ओ, खोन्‍कि ख्रिस्‍त येसुआ दि अ़मुवायुङ्‌सा मोदा आन्‍कान तोक्‍पो कालि खोन्‍कि च़माथाङ्‌मादा सोम्‍कुवा मान्‍मुकादा अ़नुछ्‍याओ सिप्‍मायाम्‍बुन कापाक आन्‍कान्‌ङा ओ।


नुय़ङ्‌खान खालुमा अ़ङ्‌लेजो अ़कात्‍निन, देकिनालो झारा साकोङ्‌छ़ङ कामु लेत्‍माओ निम्‍पाङ ओ निनाम्‍हाङ्‌ओ अ़चुसावा ओ: बुयाओदु यहुदिचि, खोन्‍कि ग्रिक्‌चिओ निम्‍पाङ्‌छाङ ओ।


खोन्‍कि साङ्‌चि ख्रिस्‍त येसुओचि ओ, मोचिआ हेवामि च़माथाङ्‌मा मोसोओ अ़पोक मित्‍माचि खोन्‍कि अ़मिन्‍माचि क्रुस्‌दा अ़ख़न्‍तायुङ्‌सा।


खोन्‌ओसा साङ्‌छाङ म़नाओ अ़तुक्‌वादा ऱक्‍भाक अ़मुनिन्‍ने। झारा य़ङ्‌चि आम्‍नुओङा ओ।


खोन्‌ओसा, अ़ङ्‌का सोमातुक्‍नाङ्‌नानिन्‌ओ अ़ङ्‍ब़ब़, नाना खोन्‍कि निछाचि ओ, नुलोक युङानिन। दिसाआछाङ ओह्‍यात्‍नि-मोह्‍यात्‍नि त़मुन्‍मिन्‍ने। हाङ्‌पाओ अ़चुकाचिदा अ़धुन पोइसा खारानिन। देकिनालो खानानिन त़सिन्‍तुम्‌योम, निनाम्‍हाङ्‌एदा आम्‍नुओ काचि सोज्‍जे अ़लिनिन।


आन्‍निनाम्‍हाङ पापाओ अ़चुमिन्‍मावा येसु ख्रिस्‍तआ आइमित्‌ओ अ़अ़त्‍पा हेन्‍खामादाङ्‌का आन्‍कान फोङ्‌लोइसि आन्‍हेवाचिओ अ़फान्‌दा खोक्‍को आप्‍पि म़पुवान्‍चिन।


मेन आन्‍कान्‍काआ ना क्रुस्‌दा ख़न्‍माय़ङ्‌ओ ख्रिस्‍त खालुसुम्‍का। यहुदिचिओ निम्‍पाङ अ़चुधुङ्‌खा खोन्‍कि ग्रिक्‌चिओ निकिना खामान्‍सिन लिसा।


देम्‍खाछाङ माआङ! आन्‍कान्‌एदा हेवाओ अ़सावा मात्‍द़ङ, देत्‍नि आन्‍कान हान्‍छाङ मोदाङा ह़ङ्‌मा?


अ़ङ्‌का खाक्‍को काचि मुङ्‌योङ, मो मुङ्‌युङ्‌सुङ। खोन्‌ओसा तोक्‍पो लियाङ्‌सा अ़मुवाओ अ़चुकाचि आन्‍काओएनान अ़क्‍निवा मुयाङ्‌नि काय़ङ मो म़नाचिओ अ़चुय़ङ क़प्‍मा ऱङ्‌ने।


अङ्‌गुराखाओ अ़हाङ्‌पा ताकि व़क काचात्‌चि म़सेरुचि खोन्‍कि अङ्‌गुराखा नि व़क काचात्‌चि म़प़चि।” खोन्‍किना म़नाचिआ ओ अ़एनाकि म़य़ङा, “ओवात्‍नि देम्‍खाछाङ अ़लिनिन्‍ने!”


मेन ख्रिस्‍तएदा आन्‍कान यहुदि म़नाचिआ साम्‌योक्‍मि कान्‍मान्‍चिन लामिन्‌येन्‌हिदा आन्‍कान आप्‍पि हेवामिनि म़मित्‌नालो ख्रिस्‍तआ आन्‍कान हेवा मुमादात्‍नि म़तित्‍ताओ कि? देम्‍खाछाङ माआङ!


निनाम्‍हाङ्‌ओ निम्‍पाङ अ़ङ्‌का ह़ङ्‌मा ऱङाने निकिना य़ङ्‌हुप्‌ओ अ़तुक्‌वादा, अ़ङ्‌का य़ङ्‌हुप छिरुङ्‌चिउङ।


खोन्‍नालो दि य़ङ्‌हुप निनाम्‍हाङ्‌ओ अ़चुहिप्‍माय़ङ्‌चिओ अ़देङ्‌सालाप्‍पा मुयाङ कि? देम्‍खाछाङ अ़मुनिनिन! अ़ह़ङ मुमा काऱ य़ङ्‌हुप म़पुवाओदे, साम्‌योक्‍मि अ़नुछ्‍याङा य़ङ्‌हुप्‌लाम्‍पा ताओ।


अ़ङ्‌का ब़द्‍धेकादु खाएत्‍नानिन्‌ओ म़नाचिओ अ़तुक्‌वादा हान्‍छाङ खानानिन खाप्‌याङ्‌सा लानालोनाङ्‌नानिन, ब़द्‍धे म़नाचि ख्रिस्‍तओ अ़चुक्रुस्‌ओ ङेङ्‌चिवात्‍नि म़ह़ङ।


खानानिन ख्रिस्‍तएनान त़स़न्‌ओसा हेन्‍खामादाओ लावाचिओ तायाओ अ़क़म्‍मादा त़याइमिन्‌येन। खोवात्‍निनालो देकि मोचिओ अ़चुतायाआ त़क़म्‍तिन्‌येन्‌वा हान्‍छाङ “मान्‍लाप्‌दानुम, मान्‍छेम्‍दानुम, मान्‍नोप्‌दानुम”नि म़य़ङ्‌याङ्‌ओ मोचिओ अ़चुथाप्‍स़ङ्‌चि त़त़ङ्‌तुम्‌योम्‍च़म?


Swiv nou:

Piblisite


Piblisite