गलाति 6:13 - बान्‍तावा राई

¹³ देकिनालो सिप्‍मायाम्‍बुन कामुचिछाङ य़ङ्‌हुप्‌वा ऩच़निन। मेन आम्‍नुओ पोक्‌ओ अ़तुक्‌वादा तोक्‍पो खोन्‍कि खानानिन अ़चुओ कात़ङ्‌चिनि य़ङ्‌माओ निम्‍पाङ खानानिन सिप्‍मायाम्‍बुन त़मुन्‍नेनि मोचि म़मिन।

गलाति 6:13 Referans Kwoze

फिलिप्‍पि 3:3

देकिनालो सेङ्‌लावालाम्‍पा काब़क आन्‍कान्‌ङा ओ, खोन्‍कि ख्रिस्‍त येसुआ दि अ़मुवायुङ्‌सा मोदा आन्‍कान तोक्‍पो कालि खोन्‍कि च़माथाङ्‌मादा सोम्‍कुवा मान्‍मुकादा अ़नुछ्‍याओ सिप्‍मायाम्‍बुन कापाक आन्‍कान्‌ङा ओ।

१ कोरिन्‍थि 5:6

आम्‍नुओ ऱक्‍भाक अ़नुवाक माआङ। उन्‍नि खमिराआ झारा बुत्‍थ़ बोप होम्‍सुलोइसुनि दि खानानिन्‌आ त़सिन्‍तिमिन्‌येन?

२ पत्रुस 2:19

मो सोज्‍जे काचिन्‍पाचिआ म़नाचि “फोङ”नि ना म़हिप्‍तुचि, मेन मोचि आप्‍पिङा अ़अ़त्‍पा च़माथाङ्‌माओ अ़हारुक म़मुयाङ। देकिनालो खाक्‍को य़ङ्‌आ म़ना क़म्‍तु, मो म़ना मोसोओङा अ़हारुक लि।

२ कोरिन्‍थि 11:18

ब़द्‍धे म़नाचि हेन्‍खामादाओ य़ङ्‌चिदा तोक्‍पो म़मुयाङ्‍ओसा अ़ङ्‌काछाङ ओन्‍ग़रि तोक्‍पो लिङा।

मत्‍ति 23:15

अ़चाअ़त्‍मादा त़छुक्‍तिन खानानिन य़ङ्‌हुप काचिन्‍पाचि खोन्‍कि फरिसिचि ओ! खानानिन कोङ्‌क़त्‌वाचि ओ! देकिनालो खानानिन अ़क्‍छा आम्‍नुओ साम्‌योक्‌दा तात्‍मा धियाङ्‌वामा खोन्‍कि थाम्‍पुक त़कोत्‍तुम, खोन्‍कि मो आम्‍नुओ साम्‌योक्‌दा ताकि मो खानानिन्‌एदाङ्‌का ह्‍वास़रो सित्‍म़ङ्‌चि दुखा तोक्‍खादा छुक्‍मा खान्‍तुओ त़मुम।

मत्‍ति 23:3

खोन्‌ओसा मोचिआ ऩलोन्‌ओ झारा य़ङ्‌चि काङ्‌सानिन, खोन्‍कि मोचि मुवानुम्‍च़म। मेन मोचि म़च़याङ्‌वा मान्‍च़दानिन, देकिनालो मोचिआ चिन्‍मा ना ऩचिन्‍तिन, मेन मोवात्‍नि ऩच़निन।

१ कोरिन्‍थि 3:21

खोन्‌ओसा साङ्‌छाङ म़नाओ अ़तुक्‌वादा ऱक्‍भाक अ़मुनिन्‍ने। झारा य़ङ्‌चि आम्‍नुओङा ओ।

मत्‍ति 23:23

अ़चाअ़त्‍मादा त़छुक्‍तिन खानानिन य़ङ्‌हुप काचिन्‍पाचि खोन्‍कि फरिसिचि ओ! खानानिन कोङ्‌क़त्‌वाचि ओ! देकिनालो खानानिन होप्‍छोप, सोम्‍फा सुङ खोन्‍कि जिरा सुङ्‌ओ दस्‌कालोक्‌दा अ़क लोक त़प़न, मेन य़ङ्‌हुप्‌ओ अ़धिवा अ़तुक्‌वाचि, माङ्‌नालो छ़ङ्‌छेन्‍मा, सोम्‍तुक्‍मा खोन्‍कि सोम्‍कुवा ऩङा त़छिरुम्‌युङ्‌सुम। खानानिन दस्‌कालोक्‌दा अ़क लोक प़याङ्‌सा, मो अ़धिवा अ़तुक्‌वाचि ऩङा मान्‍छित्‍माङ मुमा म़दोराङाओ।

लुका 5:38

खोन्‌ओसा अ़ऩङ्‌वा अङ्‌गुरा माङ्‌वा अ़ऩङ्‌वा साहोक्‌वाओ बेखादा युङ्‌मादोत।