गलाति 6:12 - बान्‍तावा राई

¹² ख्रिस्‍तओ अ़चुक्रुस्‌ओ अ़तुक्‌वाआ दुखादा ऩछुक्‍निन्‍ने निम्‍पाङ पोक्‌दा नुलोक खाङ्‌मुमान्‍चिन कालाम्‌चिआ खानानिन सिप्‍मायाम्‍बुन पाक्‍मा राकाङ्‌थेत्‍नि ऩमुन।

गलाति 6:12 Referans Kwoze

गलाति 5:11

ब़ब़, नाना खोन्‍कि निछाचि ओ, अ़ङ्‌का सिप्‍मायाम्‍बुन मुमादोत निकिना हान्‍छाङ खालुङाङाओ खाङ्‌देना अ़ङ्‌का यहुदिचिआ दुखा मान्‍प़ऩदाङ्‌ओ। मोवात्‍नि क्रुस्‌ओ अ़तुक्‌वादा खाअ़लुऩङ्‌ओ खाङ्‌दे ना अ़ङ्‌का फित्‍चि ऩमुऩङ्‍ओ।

कलस्‍सि 2:23

ओ थाप्‍स़ङ्‌चि नुलोक दात्‍मा म़ऱ, देकिनालो मोचिआ म़नाचि साम्‌योक्‍मि खाङ्‌म़मुसुचि, सिम्‍सिन्‍चिन्‌वा खाङ्‌म़मुसुचि, खोन्‍कि अ़चुपोक्‌चि दुखा प़मा म़चिन्‍तुचि। खोन्‍नुछाङ ओ थाप्‍स़ङ्‌चिआ म़नाचिओ अ़चुअ़त्‍लो मित्‍माचि क़म्‍मा अ़फासुन्‍चिन।

२ कोरिन्‍थि 11:13

देकिनालो ओवाको म़नाचि सोज्‍जेओ छाम्‍माय़ङ्‌चि खोन्‍कि काम़प्‌चि ओ, खोन्‍कि मोचि आप्‍पि ख्रिस्‍तओ अ़चुछाम्‍माय़ङ्‌चिवात्‍नि काफान्‍नान्‍चिन्‍चिओ।

छाम्‍माय़ङ 15:1

खा-खाक्‍को म़नाचि यहुदियादाङ्‌का एन्‍तिओखियादा म़ताकि काखेङ्‌चि “निनाम्‍हाङ्‌य़ङ खाकालु मोसाओ अ़य़ङ्‌हुप्‌वा सिप्‍मायाम्‍बुन त़मुन्‍मिन्‌नालो ना खानानिन त़लेरिमिन”नि साकोङ्‌छ़ङ कामुचि म़चिन्‍तुचि।

गलाति 2:3

मेन अ़ङ्‌काएनान अ़क्‍नि कायुङ तितस ग्रिक्‌नुछाङ सिप्‍मायाम्‍बुन लिमादोत निकिना साङ्‌आछाङ राकाङ्‌थेत्‍नि मान्‍मुअ़दा।

लुका 16:15

खोन्‍कि येसुआ म़लोचि, “खानानिन म़नाचिओ अ़चुबुदा आप्‍पि निनाम्‍हाङ्‌ओ अ़मिन्‍मावा काच़वात्‍नि खाङ्‌त़मुसिन्‍चिन, मेन निनाम्‍हाङ्‌आ आम्‍नुओ साकोङ्‌वा अ़सिन्‌याङ। म़नाचिआ दि तोक्‍पोनि अ़मित, मो निनाम्‍हाङ्‌आ अ़चुचिप्‍मा अ़कात।

फिलिप्‍पि 3:18

अ़ङ्‌का ब़द्‍धेकादु खाएत्‍नानिन्‌ओ म़नाचिओ अ़तुक्‌वादा हान्‍छाङ खानानिन खाप्‌याङ्‌सा लानालोनाङ्‌नानिन, ब़द्‍धे म़नाचि ख्रिस्‍तओ अ़चुक्रुस्‌ओ ङेङ्‌चिवात्‍नि म़ह़ङ।

फिलिप्‍पि 2:4

खानानिन झारासाआ आम्‍नुओ आप्‍पिओ ओन्‍ङा मित्‍मा मान्‍लाम्‍दानुम, मेन निचिओ अ़चुमित्‍माछाङ लामानुम।

फिलिप्‍पि 1:15

ओ अ़छ़ङ ओ, खा-खाक्‍कोचिआ ऩङ्‌च़ खोन्‍कि होराआ ख्रिस्‍तओ अ़तुक्‌वादा खाअ़लुयाङ, मेन निचिआ अ़नुवाक मिन्‍माआ खाअ़लु।

गलाति 6:13

देकिनालो सिप्‍मायाम्‍बुन कामुचिछाङ य़ङ्‌हुप्‌वा ऩच़निन। मेन आम्‍नुओ पोक्‌ओ अ़तुक्‌वादा तोक्‍पो खोन्‍कि खानानिन अ़चुओ कात़ङ्‌चिनि य़ङ्‌माओ निम्‍पाङ खानानिन सिप्‍मायाम्‍बुन त़मुन्‍नेनि मोचि म़मिन।

गलाति 2:14

मोदा नुय़ङ्‌खान्‌ओ अ़छ़ङ्‌वा मोचि मान्‍च़याङ्‌चिओ अ़ङ्‌का खाङ्‌च़ङ, खोन्‍किना मोचि झारासोओ अ़चुबुदा अ़ङ्‌का केफास लोङ, “खानानिन अ़क्‍छा यहुदि त़लिसिन खोन्‍नुछाङ निरावावात्‍नि त़च़न्‌येन, देत्‍नि निरावाचि यहुदिचिवात्‍नि ह़ङ्‌मा राकाङ्‌थेत्‍नि त़मुम्‍च़म?”

२ कोरिन्‍थि 10:12

आप्‍पि काचोन्‍नान्‍चिन्‌चि खा-खाक्‍को म़नाचिएनान आन्‍कान्‍का अ़क छान्‌दा युङ्‌मा माङ्‌लो मोचिएनान तोङ्‌माखाङ्‌मान्‍चिन आन्‍कान्‍का राक अ़मुन्‍मिन्‍का। मोचि आप्‍पि अ़क्‍छा निएदा म़हाक्‍नान्‍चिन माङ्‌लो म़तोङ्‌नान्‍खाङ्‌नान्‍चिन। मोचि देम खामान्‍सिन्‌चि!

छाम्‍माय़ङ 15:5

मेन फरिसि रुहुप्‌दाओ देम्‌कापाङ येसु साकोङ्‌छ़ङ कामुचि म़एवाकि, “साकोङ्‌छ़ङ कामु निरावाचिआछाङ सिप्‍मायाम्‍बुन पाक्‍माङादोत। खोन्‍कि खोचिआ निनाम्‍हाङ्‌य़ङ खाकालु मोसाओ अ़य़ङ्‌हुप्‌वा च़मादोत”नि म़य़ङा।

युहन्‍ना 7:18

साङ आप्‍पि अ़पाङ्‌लाम्‍पा चेप, मोसाआ आप्‍पिओ अ़साऩङ्‌वा लामु, मेन साङ्‌आ खो काछुत्‌ओ अ़साऩङ्‌वा लामु, मो अ़छ़ङ काचेप ओ, खोन्‍कि खोएदा म़प्‍माय़ङ अ़याक्‍निन।

लुका 20:47

मोचिआ मेन्‍मित्‍माचिओ अ़चुखिम्‌चिदाओ चासुम्‍छेन्‍बिचि म़च़न्‍तुखात्‍तुप़चि, खोन्‍कि खाङ्‌मुमाओ निम्‍पाङ ब़द्‍धे मेत्‍लोदा याम़मात। ओ म़नाचिआ ब़द्‍धे चाअ़त्‍लो दन्‍दा अ़तोक।”

मत्‍ति 23:28

मोवात्‍निङा खानानिन्‌छाङ बुङ्‌खादा म़नाचिओ अ़चुबुदा साम्‌योक्‍मिवात्‍नि खाङ्‌त़मुसिन्‍चिन, मेन आम्‍नुओ कोङ्‌या कोङ्‌क़त्‌वा खोन्‍कि अ़अ़त्‍पाचिआ भेप्‍तुयुङ्‌सु।

मत्‍ति 23:5

मेन मोचिओ झारा अ़चुकाचि म़नाचि खाङ्‌मेत्‍मा निम्‍पाङ म़मु। देकिनालो मोचिओ अ़चुत़ऱबुप खोन्‍कि धिछुक्‌दाओ य़ङ्‌हुप छाप्‍लावा अ़धिवा अ़मु, खोन्‍कि अ़चुतित्‌चिओ झुम्‌युक्‌वाचि म़किसुचि।

मत्‍ति 6:16

खानानिन मान्‍चामाङ त़युङिन्‌हिदा कोङ्‌क़त्‌वाचिवात्‍नि आम्‍नुओ ङाइवा मान्‍सेत्‌दानुम। देकिनालो मोचिआ मान्‍चामाङ युङ्‌माय़ङ म़नाचि खाङ्‌मेत्‍माचि निम्‍पाङ मोचिओ अ़चुङाइवाचि म़सेरुचि। अ़नुछ्‍या अ़ङ्‌का खानानिन लोनानिन, मोचिआ अ़चुसिरिफा अ़तोक्‍ताचिआयुङ्‌सा।

मत्‍ति 6:2

खोन्‌ओसा खानानिन मान्‍तोक्‍कादा म़नाचि त़प़म्‍च़म्‌हिदा आम्‍नुओ बुदा थुथुरि मान्‍मुत्‌दानुम, मोवात्‍नि ना यावायोक्‍खिम्‌चिदा खोन्‍कि लाम्‌चिदा म़नाचिएदाङ्‌का चोन्‍लुमाओ निम्‍पाङ कोङ्‌क़त्‌वाचि म़च़। अ़नुछ्‍या, अ़ङ्‌का खानानिन लोनानिन, मोचिआ अ़चुसिरिफा अ़तोक्‍ताचिआयुङ्‌सा।

मत्‍ति 6:5

खानानिन यात़मारिन्‌येन्‌हिदा कोङ्‌क़त्‌वाचिवा यामान्‍मात्‌दानिन, देकिनालो मोचि यावायोक्‍खिम्‌चिदा खोन्‍कि लाम्‌चिदात्‍निओ खुचुरोङ्‌चिदा म़नाचिआ अ़खाङ्‌ने निकिना एप्‌याङ्‌सा यामात्‍मा अ़चुऩङानु। अ़नुछ्‍या, अ़ङ्‌का खानानिन लोनानिन, मोचिआ अ़चुसिरिफा अ़तोक्‍ताचिआयुङ्‌सा।

मत्‍ति 5:10

साम्‌योक्‍मिओ निम्‍पाङ दुखा कातोक्‌चि आसिखा कातोक्‌चि ओ, देकिनालो निनाम्‍हाङ्‌होन मोचिओङा ओ।

मत्‍ति 23:27

अ़चाअ़त्‍मादा त़छुक्‍तिन खानानिन य़ङ्‌हुप काचिन्‍पाचि खोन्‍कि फरिसिचि ओ! खानानिन कोङ्‌क़त्‌वाचि ओ! देकिनालो खानानिन ओम्‍प़चिवा बाखाआ लेङ्‌माय़ङ एप्‍माचिवाको त़मुन्‌येन, मो बुङ्‌खालिप्‍पा खान्‍नुओ दात, मेन अ़कोङ्‌लिप्‍पा म़सुवादाओ म़नाचिओ अ़चुय़वाचि खोन्‍कि झारा अ़सेङ्‌निनिन्‌ओचिआ भेप्‍तुयुङ्‌सु।