गलाति 6:10 - बान्‍तावा राई

¹⁰ खोन्‌ओसा आन्‍कान ग़रि तोक्‍तुम्‌वा झारा म़नाचि नुलोक मुम्‍च़म्‍ने, च़लोक्‌वा आन्‍साकोङ्‌छ़ङ्‌लुम्‍पादाओचि।

गलाति 6:10 Referans Kwoze

हिब्रु 13:16

नुलोक च़मा खोन्‍कि खानानिन्‌एदा युङ्‌याङ्‌ओ निचिएदा हामा मान्‍मान्‍केदानुम, देकिनालो ओवाको हेन्‍खोक्‌वाचिआ निनाम्‍हाङ्‌ओ अ़चुऩङानु।

१ थेसलोनिकि 5:15

खानुम, साङ्‌छाङ अ़त्‍लोओ अ़फान्‌दा अ़त्‍लो अ़च़निन्‍ने, मेन अ़क्‍छा निएदा खोन्‍कि झारा म़नाचिएनान अ़धुन नुलोक च़मालामानिन।

तितस 3:8

ओ अ़नुछ्‍याओ य़ङ ओ। निनाम्‍हाङ्‌एदा साकोङ्‌छ़ङ कामु झारासा अ़नुवाक काचि मुमादा मिन्‍मा अ़पाक्‍ने निकिना खाना त़छ़म्‍तुचिनेनि अ़ङ्‌का लोना। ओवाको काचिचि अ़नुवाक म़मु खोन्‍कि झारा म़नाचिओ निकि अ़नुवाक य़ङ ओ।

मत्‍ति 25:40

खोन्‍किना हाङ्‌आ मोचि म़लोचि, ‘अ़नुछ्‍या, अ़ङ्‌का खानानिन लोनानिन, खानानिन्‌आ ओ अ़ङ्‌निछाचिएदाङ्‌का झारादा अ़चुप्‍पो अ़क्‍छा देत्‍नि त़मुम, मो खानानिन्‌आ अ़ङ्‌काङा त़मुवाङ्‌ऩङ्‌ओ।’

हिब्रु 6:10

निनाम्‍हाङ नुलोक छ़ङ्‌काछेन म़मुयाङ। खोक्‍कोसाआ आम्‍नुओ काचि खोन्‍कि निनाम्‍हाङ्‌ओ अ़चुम़नाचि ब़त्‍मा काचिलाम्‍पा खानानिन्‌आ निनाम्‍हाङ खाङ्‌त़मुसुम्‌ओ खोन्‍कि खाङ्‌त़मुसुम्‌योम्‌ओ सोम्‍तुक्‍मा ऩमान्‍तुन्‍केसुन।

एफिसि 2:19

खोन्‌ओसा खानानिन हान्‌दाङ्‌का तावाङ्‌चि खोन्‍कि प़न्‍थादाओचि माआङ, मेन निनाम्‍हाङ्‌ओ अ़चुम़नाचिएनान खानानिन यावा-ताङ्‌युङ्‌चि खोन्‍कि निनाम्‍हाङ्‌ओ अ़चुखिम्‍लुम्‍पादाओ पाङ्‌यिचि त़लिसिन्‌युङ्‌सिन।

युहन्‍ना 12:35

येसुआ मोचि म़लासुलोचि, “हान्‍छाङ अ़क्‍चित्‌तारि साम खानानिन्‌एदा युङ। साम खानानिन्‌एदा युङ्‌याङ्‌तारि कोलानिन, खोन्‌ओसा कुइयामाआ खानानिन त़भुक्‍तिमिन्‍ने। साङ कुइयामादा कोन, मोसाआ खो खादात्‍नि खात्‌ओ अ़सिन्‍तुन।

लुका 6:35

मेन ङेङ्‌चि सोमातुक्‍तानुम्‍च़म, मोचि नुलोक मुवानुम्‍च़म खोन्‍कि नाक कादोत्‍चिदाङ्‌का लामातोक्‍मानि मान्‍मिन्‍माङ नाक पुवानुम्‍च़म। मोवात्‍नि त़च़न्‌नालो खानानिन्‌आ अ़धिवाङ सिरिफा त़तोक्‍तुम, खोन्‍कि खानानिन झारादाङ्‌का तोक्‍पो निनाम्‍हाङ्‌ओ अ़छाचिनि ऩलोन। देकिनालो आलाङ मान्‍प़कादाचि खोन्‍कि अ़अ़त्‍पाचिछाङ निनाम्‍हाङ्‌आ सोमाम़तुक्‍तुचि।

युहन्‍ना 9:4

अ़ङ्‌का काछुत्‌ओ अ़चुकाचि अ़खोलेन्‌ङा आन्‍कान मुमादोत। देकिनालो अ़खाखुत तायाङ खोन्‍कि साङ्‌छाङ काचि मुमा अ़ऱनिन।

तितस 2:14

झाराकापाराओ आन्‍हेवादाङ्‌का आन्‍कान फोङ्‌सि, आन्‍कान सेङ्‌सि, खोन्‍कि अ़नुवाक काचि मुमा कास़ आप्‍पिओ अ़चुम़ना मुसि येसु ख्रिस्‍तआ आन्‍को निकि अ़चुह़ङ्‌म़ङ म़पुवा।

फिलिप्‍पि 4:10

हान ब़द्‍धेकालेन्‌कि अ़ङ्‌काएदा आम्‍नुओ सोम्‍तुक्‍मा खाङ्‌त़मुसुम्‌युङ्‌सुम्‌ओदा निनाम्‍हाङ्‌एदा अ़ङ्‌को अ़न्‍नुनु अ़ङ्‌ऩङानुवायुङ्‌सा। अ़नुछ्‍या, खानानिन अ़ङ्‌का अ़धुन फामा त़स़न्‌येन्‌ओ, मेन खानानिन्‌आ मो फामा अ़वाखाम मान्‍तोक्‍त़दोम।

मत्‍ति 12:50

देकिनालो साङ निनाम्‍मादु कायुङ अ़ङ्‌पापाओ अ़चुमिन्‍मावा च़, मोङा अ़ङ्‌निछा, अ़ङ्‌छेत्‍कुमा खोन्‍कि अ़ङ्‌मामा ओ।”

३ युहन्‍ना 1:11

सोमातुक्‍नाङ्‌नाओ यावा, अ़अ़त्‍पा य़ङ मान्‍खेङ्‌दो, मेन अ़नुवाक य़ङ ओन्‍ङा खेङ्‌सु। साङ नुलोक च़, मो निनाम्‍हाङ्‌दाङ्‌का ओ, साङ अ़त्‍लो च़, मोसाआ निनाम्‍हाङ मान्‍सिन्‌युक्‍तु।

कलस्‍सि 4:5

साकोङ्‌छ़ङ मान्‍मुकादाचिएनान खारुएनान काचि मुवानिन, खोन्‍कि झारा अ़वाखाम्‌चि नुलोक याङानुम्‍च़म।

एफिसि 5:16

खोन्‍कि झारा अ़वाखाम्‌चि नुलोक याङानुम्‍च़म, देकिनालो लेन्‌चि अ़अ़त्‍पा म़मुयाङ।

१ युहन्‍ना 5:1

येसुङा ख्रिस्‍त म़युङ्‌याङ निकिना साकोङ्‌छ़ङ कामु झारा निनाम्‍हाङ्‌ओ अ़चुछा ओ। साङ्‌आ निनाम्‍हाङ पापा सोमातुक्‍तु, मोसाआ अ़चुछाछाङ सोमातुक्‍तु।

हिब्रु 3:6

मेन ख्रिस्‍त निनाम्‍हाङ्‌ओ अ़चुखिम्‌दा पाङ कामु छावात्‍नि सोम्‍कुवा मुमा खान्‍तुओ म़मुयाङ। खोन्‍कि आन्‍कान तोक्‍पो लिमायु आन्‍राक खोन्‍कि ख्रिस्‍तएदाओ आन्‍सोम्‍कुवा क़क्‍तुम्‌युङ्‌सुम्‌नालो आन्‍कान खोक्‍कोसोओ अ़चुखिम्‌दाओ म़नाचि ओ।

मर्कुस 3:4

खोन्‍किना येसुआ मोचि म़सेनुचि, “सावातोम्‍खा-लेन्‌दा य़ङ्‌हुप्‌वा नुलोक च़मा नु हे, अ़त्‍लो च़मा माङ्‌लो ह़ङ्‌म़ङ लेन्‍मा नु हे, ह़ङ्‌म़ङ सेत्‍मा नु?” मेन मोचि वाइवेत म़लिसा।

एफिसि 3:15

खोक्‍कोलाम्‍पा निनाम्‍मादुओ खोन्‍कि हेन्‍खामादाओ झारा खिम्‍लुम्‍पाओ अ़नुछ्‍याओ अ़चुह़ङ्‌म़ङ अ़तोक।

मत्‍ति 5:43

खानानिन्‌आ ओवात्‍नि य़ङ्‌माय़ङ त़एनुम्‌युङ्‌सुम, ‘खाना आम्‍तेन्‍पाङ सोमातुक्‍तु, खोन्‍कि आम्‍ङेङ ऩङाछिरु।’

मत्‍ति 10:25

काखेङ अ़काचिन्‍पावात्‍नि खोन्‍कि हारुक अ़हाङ्‌पावात्‍नि लिमादा अ़सोम्‍स़ने। मेन मोचिआ अ़ङ्‌का खिम्‍हाङ्‌पाङा चाकावालावाचिओ अ़चुहाङ बालजिबुलनि ऩलोङाङानालो अ़ङ्‌खिम्‍लुम्‍पाचि देम च़लोक अ़त्‍लो म़लोचि!

छाम्‍माय़ङ 6:7

खोन्‍कि निनाम्‍हाङ्‌ओ अ़चुय़ङ थ़ङ्‌याङ्‌सा खाराकि काखेङ्‌चिओ अ़चुखिप्‍मा यरुसलेम्‌दा अ़न्‍नुनु पोन्‌याङ्‌सा खारा। खोन्‍कि ब़द्‍धे काब़क्‍पाचिआछाङ येसुएदा साकोङ्‌छ़ङ म़मुवा।

गलाति 1:23

मोचिआ ओन ओन्‍ङा अ़एनायुङ्‌सा, “बुया आन्‍कान चाअ़त्‍लो कामु म़ना, खोसाआ अ़क्‍दु दि लुक्‍मा लाप्‍तुङुओ मो साकोङ्‌छ़ङ ओन्‍ग़रि मो खालुसुङु!”

एफिसि 4:28

काख़पाआ हान्‌दाङ्‌का अ़ख़निन्‍ने, मेन खो काचि मुने। खोसोओ अ़छुक्‌आ काचि मुने, खोन्‌ओसा म़हाप्‌दिओचि प़मा ऱचिने।

१ थेसलोनिकि 5:21

झारा य़ङ्‌चि चिन्‍ताखानुम्‍च़म। खाक्‍को य़ङ अ़नुवाक मुयाङ, मो य़ङ लावायुङ्‌सानुम।

१ पत्रुस 2:5

खोन्‍कि खानानिन्‌छाङ येसु ख्रिस्‍तलाम्‍पा निनाम्‍हाङ्‌आ लोक्‍माखान्‍तुओ लावामि हेन्‍खोक्‌वाचि काधान सेङ्‌याङ्‌ओ काब़क्‍पा लिमा निम्‍पाङ अ़ह़ङ लुङ्‌चिवात्‍नि लावामि खिम लियाङ्‌सा त़खारिन।

१ पत्रुस 4:17

देकिनालो छ़ङ्‌छेन्‍मा निनाम्‍हाङ्‌ओ अ़चुम़नाचिदाङ्‌का पुङ्‌मा ग़रि ताचिआयुङ्‌सा। खोन्‍कि ओ छ़ङ्‌छेन्‍मा आन्‍कान्‌एदाङ्‌काङा पुङ्‌नालो निनाम्‍हाङ्‌ओ अ़चुनुय़ङ्‌खान्‌दा लोमावा मान्‍च़कादाचिओ अ़चुछ़ङ्‌छेन्‍मा देत्‍नि लि?

३ युहन्‍ना 1:3

देम्‍कापाङ ब़ब़, नाना खोन्‍कि निछाचि म़ताकि आम्‍ह़ङ्‌म़ङ्‌ओ अ़छ़ङ्‌ओ अ़तुक्‌वादा सालुम्‍स़ङ अ़पुवाहिदा अ़न्‍नुनु अ़ङ्‌ऩङानुवा। खाना अ़नुछ्‍याङा अ़छ़ङ त़त़ङ।

३ युहन्‍ना 1:10

खोन्‌ओसा अ़ङ्‌का मोदा बान्‍ङाहिदा खोसाआ आन्‍काओ देङ्‌सालाप्‍पादा अ़अ़त्‍पा दुम मुयाङ्‌ओ काचिचिओ अ़तुक्‌वादा नुलोक खाएत्‍नानिन। खोन्‍कि मो काचिआ ओन्‍ङा अ़सोम अ़स़निन्‌कि खोसाआ ब़ब़, नाना खोन्‍कि निछाचि साऩङ्‌वा मेत्‍मा छुन, खोन्‍कि साऩङ्‌वा मेत्‍मा कालाम्‌चिछाङ अ़प़न्‍चिन, खोन्‍कि मोचि साम्‍भुङ्‌दाङ्‌का लोइसुखाइसुचि।

२ कोरिन्‍थि 2:8

खोन्‌ओसा अ़ङ्‌का खानानिन यायोक प़नाङ्‌नानिन, खानानिन मो सोमालासातुक्‍तानुम।