गलाति 5:24 - बान्‍तावा राई

²⁴ खोन्‍कि साङ्‌चि ख्रिस्‍त येसुओचि ओ, मोचिआ हेवामि च़माथाङ्‌मा मोसोओ अ़पोक मित्‍माचि खोन्‍कि अ़मिन्‍माचि क्रुस्‌दा अ़ख़न्‍तायुङ्‌सा।

गलाति 5:24 Referans Kwoze

रोमि 6:6

आन्‍कान सिन्‍तुम्‌योम बुयाओ हेवामि आन्‍ह़ङ्‌म़ङ क्रुस्‌दा ख्रिस्‍तएनान ख़न्‍तायुङ्‌सा। खोन्‌ओसा आन्‍ह़ङ्‌म़ङ्‌चिदा हेवाओ अ़सावाआ अ़क़म्‍तुन्‍ने। हान्‌दाङ्‌का ह्‍यात्‍नि आन्‍कान हेवाओ अ़हारुक माआङ।

रोमि 13:14

मेन हाङ्‌पा येसु ख्रिस्‍तओ अ़मात्‍ऩङ त़ङ्‌तानुम खोन्‍कि हेवामि च़माथाङ्‌माओ मित्‍माचिदा देत्‍नि सोम्‍सेत्‍मान्‍चिन्‌ओ अ़तुक्‌वादा मिन्‍मा मान्‍पाक्‍दानुम।

रोमि 8:13

देकिनालो हेवामि मित्‍मावात्‍नि त़ह़ङिन्‌नालो खानानिन त़स़न, मेन सेङ्‌लावालाम्‍पा पोक्‌ओ हेवामि काचिचि त़लुक्‍तुम्‍च़म्‌नालो खानानिन त़ह़ङिन।

रोमि 8:9

मेन खानानिन आम्‍नुओ हेवामि मित्‍माचिआ ऩक़म्‍तिमिन्‌येन। खानानिन्‌एदा निनाम्‍हाङ्‌ओ अ़चुलावा म़युङ्‌याङ्‌नालो खानानिन सेङ्‌लावाआ ऩक़म्‍तिन्‌युङ्‌सिन। मेन साङ्‍एदा ख्रिस्‍तओ अ़चुलावा ऩयाक्‍निन, मो म़ना ख्रिस्‍तओ माआङ।

गलाति 6:14

मेन आन्‍हाङ्‌पा येसु ख्रिस्‍तओ अ़चुक्रुस्‌दाङ्‌का नि खाक्‍कोछाङ य़ङ्‌दा तोक्‍पो लिमा अ़ङ्‌काएदाङ्‌का अ़थाया लिने। मो क्रुस्‌लाम्‍पा हेन्‍खामाओ अ़तुक्‌वादा अ़ङ्‌का सुवाङ। हेन्‍खामा अ़ङ्‌काएदा अ़सावा मात्‍द़ङ लिसायुङ्‌सा।

१ पत्रुस 2:11

ओ हेन्‍खामादा निहेन्‍कोप्‌दाओचि खोन्‍कि तावाङ्‌चिवात्‍नि त़मुन्‌येन्‌ओ सोमातुक्‍नाङ्‌नानिन्‌ओ अ़ङ्‌यावाचि ओ, अ़ङ्‌का खानानिन यायोक प़नाङ्‌नानिन, आम्‍नुओ लावाओ अ़देङ्‌सालाप्‍पादा ङेन कामु पोक मित्‍माचिदाङ्‌का अ़थाया युङानिन।

१ कोरिन्‍थि 3:23

खोन्‍कि खानानिन ख्रिस्‍तओ, खोन्‍किना ख्रिस्‍त निनाम्‍हाङओ म़युङ्‌याङ।

२ कोरिन्‍थि 10:7

खानानिन अ़नुछ्‍याओ य़ङ्‌चि खानुम्‍च़म। साङ अ़ङ्‌का ख्रिस्‍तओ निकिना सोम्‍कुवा मुनालो खोसाआ मित्‍मादोत, देत्‍नि खो ख्रिस्‍तओ ओ, मोवात्‍नि आन्‍कान्‍काछाङ ख्रिस्‍तओङा ओ।

गलाति 3:29

मोवात्‍नि खानानिन ख्रिस्‍तदाओनालो ना, खानानिन अब्राहाम्‌ओ अ़छाचि ओ, खोन्‍कि हिप्‍माय़ङ्‌वा पाङ कातोक्‌चिओ।

१ कोरिन्‍थि 15:23

मेन झाराकापाङ आ-आप्‍पिओ अ़स़वा ख्रिस्‍त झारादाङ्‌का बुया म़खोन्‍तालोन्‍ता, खोन्‍कि खोक्‍को म़लाय़हिदा खोक्‍कोसोओ अ़चुम़नाचि म़खोन्‍लोन।

गलाति 5:20

सेम्‍पोक ब़क्‍मा, म़क्‍फेङ, ङेङ, खिमा, ऩङ्‌च़, च़ऱपा, आप्‍पि नुलोक कामित्‍नान्‍चिन, फेक्‍मा, रुहुप-रुहुप लिमा,

१ कोरिन्‍थि 6:13

“चामायु बुक्‌ओ निम्‍पाङ ओ, बुक चामायुओ निम्‍पाङ ओ।” मेन निनाम्‍हाङ्‌आ ह्‍वातात्‍माङ म़लुक्‍तुचि। पोक ताङ्‌लान्‌ओ निम्‍पाङ माआङ, मेन हाङ्‌पाओ निम्‍पाङ ओ, खोन्‍कि हाङ्‌पा पोक्‌ओ निम्‍पाङ ओ।

गलाति 2:20

अ़ङ्‌का ख्रिस्‍तएनान क्रुस्‌दा ख़न्‍ताङ्‌युङ्‌साङ। हान्‌दाङ्‌का काह़ङ अ़ङ्‌का माआङ, मेन ख्रिस्‍त अ़ङ्‌काएदा म़ह़ङ। ओन्‍ग़रि अ़ङ्‌का पोक्‌दा ह़ङ्‌ङाङा, मो ह़ङ्‌म़ङ निनाम्‍हाङ्‌ओ अ़चुछाएदा सोम्‍कुवालाम्‍पा ह़ङ्‌ङा। खोक्‍कोसाआ अ़ङ्‌का सोमाऩतुक्‍ताङ खोन्‍कि अ़ङ्‌को निम्‍पाङ खोक्‍को आप्‍पि म़पुवान्‍लावान्‍चिन।

गलाति 3:26

देकिनालो साकोङ्‌छ़ङ्‌लाम्‍पा खानानिन झारा येसु ख्रिस्‍तएदा निनाम्‍हाङ्‌ओ अ़चुछाचि ओ।

गलाति 3:28

खोन्‌ओसा हान ना यहुदि ना ग्रिक, ना हारुक ना लेत्‌वा, ना दुवाछा ना मेत्‍छाछा निकिना अ़फेक्‍निन, देकिनालो ख्रिस्‍त येसुएदा खानानिन झारा अ़क्‌तात्‌ङा ओ।

एफिसि 3:1

ओसोओ अ़तुक्‌वादा, अ़ङ्‌का पावल, खानानिन निरावाचिओ लिप्‍पादा ख्रिस्‍त येसुओ निम्‍पाङ छेक्‍माय़ङ्‌ओ।

एफिसि 3:6

निनाम्‍हाङ्‌ओ अ़चुमित्‍चिऩङ ओङा ओ, नुय़ङ्‌खान्‌लाम्‍पा निरावाचि अ़क्‍नि यहुदिचिएनान पाङ्‌यि कातोक्‌चि ओ, अ़क्‌तात पोक्‌ओ पोक्‍फुत्‌चि ओ, खोन्‍कि ख्रिस्‍त येसुदाओ हिप्‍माय़ङ अ़क्‍नि कातोक्‌चि ओ।

एफिसि 3:11

ओ येसु ख्रिस्‍त आन्‍हाङ्‌पाएदा खोक्‍कोसाआ अ़तासालाओ अ़धुन्‌ओ अ़चुमित्‍चिऩङ्‌वा मुवाङा।

कलस्‍सि 2:11

खानानिन ख्रिस्‍तदा तामाङा सिप्‍मायाम्‍बुन पाक्‍तिन्‌वाको ओ। म़नाओ अ़छुक्‌आ पाक्‍माय़ङ सिप्‍मायाम्‍बुन माआङ, मेन ख्रिस्‍तआ पाक्‍माय़ङ सिप्‍मायाम्‍बुन्‌आ हेवा मुमा सावादाङ्‌का म़फोङ।