गलाति 5:22 - बान्‍तावा राई

²² मेन सेङ्‌लावाओ अ़चुसिवा सोम्‍तुक्‍मा, मिन्‍माचानुमा, सेवाङ्‌नि, हुङ्‌मा, सोम्‍तुक्‍मा खाङ्‌मुमा, नुलोक मुमायु, सोम्‍कुवामुमायु,

गलाति 5:22 Referans Kwoze

युहन्‍ना 15:5

अङ्‌गुरा ताङ अ़ङ्‌का ओ, खोन्‍कि अ़खेक्‌चि खानानिन ओ। साङ अ़ङ्‌काएदा याक, खोन्‍कि अ़ङ्‌का खोएदा याक्‍ङानालो मोसाआ ब़द्‍धे सिवा सिसु। अ़ङ्‌कादाङ्‌का अ़थाया त़युङिन्‌कि खानानिन्‌आ दित्‍छाङ मुमा त़ऱन्‍मिन।

युहन्‍ना 15:2

अ़ङ्‌काएदा कायाक झारा सिवा मान्‍सिकादा खेक्‌चि खोक्‍कोसाआ म़खोक्‍तुखाइसुचि खोन्‍कि सिवाकासि झारा खेक्‌चि च़लोक सिवा म़सिने निकिना खोक्‍कोसाआ मान्‍सिकादाचि म़क़प्‍तुचि।

एफिसि 5:9

देकिनालो झारा अ़नुवाक य़ङ, साम्‌योक्‍मि खोन्‍कि अ़छ़ङ्‌दा साम्‌ओ अ़सिवा तोक्‍तुम।

युहन्‍ना 15:16

अ़ङ्‌का खानानिन्‌आ मान्‍छेन्‍त़दाङ्‌ऩङ, मेन अ़ङ्‌का खानानिन छेन्‍नानिन खोन्‍कि खानानिन खात्‍मा छाम्‍नानिन। खानानिन खारानिन खोन्‍कि सिवा लिसानिन, खोन्‍कि आम्‍नुओ सिवा याक्‌युङ्‌ने। खोन्‍किना खानानिन्‌आ अ़ङ्‌पापा अ़ङ्‌ऩङ्‌दा दि त़दोत्‍तुम, खोक्‍कोसाआ खानानिन मो ऩप़न।

रोमि 7:4

खोन्‌ओसा अ़ङ्‍ब़ब़, नाना खोन्‍कि निछाचि ओ, खानानिन्‌छाङ ख्रिस्‍तओ अ़चुपोक्‌ओ अ़फुत्‌ओसा य़ङ्‌हुप्‌एदा त़स़न्‌युङ्‌सिन। खोन्‍कि ओन्‍ग़रि खानानिन म़सुवादाओदाङ्‌का म़खोन्‍तालोन्‍ताओ ख्रिस्‍तएनान अ़क्‌तात त़लिसिन्‌युङ्‌सिन। मोवात्‍निओसा, आन्‍कान निनाम्‍हाङ्‌ओ निम्‍पाङ अ़नुवाक काचिओ अ़सिवा सिमा ऱम।

१ पत्रुस 1:22

हान खानानिन अ़छ़ङ य़ङ्‌दा लोमाय़ङ्‌वा त़च़न्‌किना आम्‍नुओ मिन्‍मा त़सेङ्‌सुम्‌ओसा आम्‍नुओ साकोङ्‌छ़ङ कामु यावाचि सोमातुक्‍तानुम्‍च़म। अ़क्‍छा निएदा साकोङ्‌वादाङ्‌का राक्‌एनान सोम्‍तुक्‍मुवानिन।

मत्‍ति 12:33

अ़नुवाक स़ङ्‌ताङ्‌आ अ़नुवाक अ़सिवा सिसु, खोन्‍कि अ़अ़त्‍पा स़ङ्‌ताङ्‌आ अ़अ़त्‍पा अ़सिवा सिसु। मोसोओ अ़सिवादाङ्‌काङा स़ङ्‌ताङ दियाको ओ, मो य़ङ्‌मा त़ऱन।

१ कोरिन्‍थि 13:13

साकोङ्‌छ़ङ मुमा, तामामित्‍मा, खोन्‍कि सोम्‍तुक्‍मा, ओचि सुम्‌कातात अ़धुन्‌तारि म़युङ्‌युङ। मेन ओचिदाओ तोक्‍पो सोम्‍तुक्‍मा ओ।

फिलिप्‍पि 1:11

निनाम्‍हाङ्‌ओ अ़चुसाऩङ्‌वा खोन्‍कि अ़चुऩङ्‌चोन्‍माओ निम्‍पाङ येसु ख्रिस्‍तलाम्‍पा ताओ अ़नुवाक काचि सिवाआ खानानिन भेप्‌याङ्‌सा त़खारिन्‍ने।

कलस्‍सि 1:10

खोन्‍किना खानानिन हाङ्‌पाओ अ़चुमिन्‍मावाको ह़ङ्‌म़ङ त़ह़ङिन्‌कि अ़धुन खोक्‍कोसोओ अ़चुऩङानुमा त़ऱम। मोवात्‍नि त़ह़ङिन्‌नालो आम्‍नुओ ह़ङ्‌म़ङ्‌आ झाराकापाराओ अ़नुवाक सिवा सिसु, खोन्‍कि खानानिन निनाम्‍हाङ्‌ओ अ़चुतायादा पोइसा त़खारिन।

गलाति 5:13

ब़ब़, नाना खोन्‍कि निछाचि ओ, खानानिन ना य़ङ्‌हुप्‌दाङ्‌का फोङ्‌माओ निम्‍पाङ ऩबुत्‍तिन्‌ओ। मेन ओ फोङ्‌माय़ङ पोक्‌ओ हेवामि च़माथाङ्‌मादा मान्‌याङ्‌दानुम। मेन सोम्‍तुक्‍मादा अ़क्‍छा निएदा खानानिन ब़त्‍काब़त मुवानिन।

एफिसि 4:23

खोन्‍कि निनाम्‍हाङ्‌ओ अ़चुलावाआ आम्‍नुओ मिन्‍मादा अ़ऩङ्‌वा लिसानिन।

रोमि 6:22

मेन हान आम्‍नुओ हेवादाङ्‌का त़फोङ्‌सिन्‌किना निनाम्‍हाङ्‌ओ अ़चुहारुक त़लिसिन्‌युङ्‌सिन। खोन्‍कि खानानिन्‌आ त़तोक्‍तुम्‌ओ काचि सिवाआ सेङ्‌माय़ङ्‌दा त़तित्‍तिन। ओसोओ अ़सिवा अ़लुक्‍निन्‌ओ ह़ङ्‌म़ङ ओ।

१ पत्रुस 1:8

खानानिन्‌आ खोक्‍को मान्‍खाङ्‌त़युक्‍तुम्‌नुछाङ सोमात़तुक्‍तुम। खोन्‍कि ओन्‍ग़रि खानानिन त़खान्‍मिन्‌नुछाङ खोक्‍कोएदा साकोङ्‌छ़ङ त़मुन, खोन्‍किना य़ङ्‌मा अ़ऱन्‍मिन्‌ओ खोन्‍कि साम्‍स़रिओ छेमाआ आम्‍नुओ ऩङानु।

१ तिमोथि 4:12

सावाछा त़मुयाङ्‌ओसा साङ्‌आछाङ खाना आम्‍साया ऩपेप्‍नान्‍ने। मेन साकोङ्‌छ़ङ कामुचिएदा आम्‍हान्‍मा, च़माथाङ्‌मा खोन्‍कि सोमातुक्‍मा, साकोङ्‌छ़ङ खोन्‍कि सेङ्‌मादा खाना अ़क्‍छा अ़मात्‍ऩङ लिसा।

रोमि 15:3

देकिनालो ख्रिस्‍तआ खोक्‍को आप्‍पि अ़चुऩङा मान्‍नुम़दान्‍चिन, मेन ओवात्‍नि छाप्‌याङ, “खानानिन कासुङ्‌चिओ अ़चुसुङ्‌मा अ़ङ्‌काएदा छुक्‍ता।”

१ पत्रुस 5:12

सोम्‍कुवा मुमा खान्‍तुओ निछा सिलास्‌ओ अ़फामालाम्‍पा ओ थुत्‍मेत्‍लो छाप्‍लावा अ़ङ्‌का छाप्‍तुङ्‌योङ। खानानिन राक प़नानिन खोन्‍कि खाएत्‍नानिन, निनाम्‍हाङ्‌ओ अ़छ़ङ अ़चुसोमातुक्‍मा ओङा ओ। ओदाङा खानानिन युङायाक्‍तानिन।

रोमि 15:14

अ़ङ्‍ब़ब़, नाना खोन्‍कि निछाचि ओ, अ़ङ्‌का आप्‍पि आम्‍नुओ तुक्‌वादा अ़ङ्‌सोम सुवायुङ्‌सा, खानानिन आप्‍पि अ़नुवाक नुमाआ त़भेप्‍तिन्‌युङ्‌सिन खोन्‍कि झारा ताया खानानिन्‌एदा याआयुङ्‌सा, खोन्‍कि अ़क्‍छा निएदा चिन्‍मा काऱ त़लिसिन्‌युङ्‌सिन।

लुका 13:9

खोन्‍किना नाम्‍माङ अ़सिवा सिसुनालो नुलोक लि, मेन अ़सिसुन्‌नालो खानानिन मो तेइसानुम।’”

१ तिमोथि 3:11

ओवात्‍निङा अ़चुखिम्‍हाङ्‌माचिछाङ सोत्‍सोत्‌वाओ, नि म़ना मान्‍सुङ्‌कादा, मेन झारा य़ङ्‌दा काक़म्‍नान्‍चिन खोन्‍कि सोम्‍कुवा मुमा खान्‍तुओ मुमादोत।

२ थेसलोनिकि 3:2

खोन्‍कि झारा म़नाचि साकोङ्‌छ़ङ ऩमुनिन्‌ओसा अ़अ़त्‍पा खोन्‍कि अ़त्‍लोकाच़ म़नाचिएदाङ्‌का निनाम्‍हाङ्‌आ आन्‍कान्‍का ऩफोङ्‌सिन्‍काने निम्‍पाङ यामारिन्‍का।

रोमि 8:5

हेवामि मित्‍मावात्‍नि काकोन्‍चिआ पोक्‌ओ य़ङ्‌चिदा अ़चुमिन्‍मा अ़पाक, मेन सेङ्‌लावावात्‍नि काकोन्‍चिआ सेङ्‌लावाओ य़ङ्‌चिदा अ़चुमिन्‍मा अ़पाक।

रोमि 14:17

देकिनालो निनाम्‍हाङ्‌ओ अ़चुहाङ्‌होन चामा खोन्‍कि दुङ्‌माओ अ़तुक्‌वा माआङ, मेन सेङ्‌लावादा, साम्‌योक्‍मि तोक्‍मायु, सेवाङ्‌नि खोन्‍कि ऩङानुमान्‍चिन्‌ओ।

रोमि 15:30

ब़ब़, नाना खोन्‍कि निछाचि ओ, आन्‍हाङ्‌पा येसु ख्रिस्‍त खोन्‍कि सेङ्‌लावाओ अ़चुसोम्‍तुक्‍मालाम्‍पा अ़ङ्‌को निम्‍पाङ निनाम्‍हाङ्‌एदा चात्‍लो यामारानिन खोन्‍कि अ़ङ्‌दुखादा वाङायुङ्‌सानिन्‌नि अ़ङ्‌का खानानिन यायोक प़नाङ्‌नानिन।