गलाति 5:21 - बान्‍तावा राई

²¹ माइसुङ, सेत्‍चावा, ताकावा काच़ खोन्‍कि नि ओवाको य़ङ्‌चि ओवाको निचि ओचिओ अ़तुक्‌वादा अ़ङ्‌का खानानिन चाप्‍चेत्‍नानिन। खोन्‍कि बुयाछाङ चाप्‍चेत्‍नानिन्‌ओ। साङ्‌आ ओवाको काचिचि मुचि, निनाम्‍हाङ्‌ओ अ़चुहाङ्‌होन्‌ओ आसिखाओ पाङ्‌यि अ़लिनिन।

गलाति 5:21 Referans Kwoze

रोमि 13:13

अ़खोलेन्‌वा आन्‍कान नुलोक च़न्‍ने। ताकावा च़मा, सेत्‍चावादा, ताङ्‌लान्‌दा, लुत्‍माचामादा, खिमादा खोन्‍कि ऩङ्‌च़दा माआङ।

रोमि 8:13

देकिनालो हेवामि मित्‍मावात्‍नि त़ह़ङिन्‌नालो खानानिन त़स़न, मेन सेङ्‌लावालाम्‍पा पोक्‌ओ हेवामि काचिचि त़लुक्‍तुम्‍च़म्‌नालो खानानिन त़ह़ङिन।

एफिसि 5:18

अङ्‌गुरा माङ्‌वाआ त़सेरिमिन्‍ने, देकिनालो मोसाआ खानानिन त़लुक्‍तिन, मेन सेङ्‌लावाआ भेप्‍तानिन।

१ कोरिन्‍थि 5:11

अ़ङ्‌का छाप्‍तुङ्‌कि लोमा लाप्‍नाङ्‌नानिन्‌ओ य़ङ दिओनालो, साङ आप्‍पि साकोङ्‌छ़ङ कामुनि लोनान्‍चिन, मेन खो ताङ्‌लान कामु माङ्‌लो च़क्‍ख़य़ कामु माङ्‌लो सेम्‍पोक काब़क माङ्‌लो कासुङ माङ्‌लो खाबात सेत्‍चावा माङ्‌लो काङाप्‍खात ओ। ओवाको म़नाएनान चासिछाङ मान्‌युङ्‌दानिन।

खाङ्‌मुमा 21:27

थुबाछाओ ह़ङ्‌म़ङ्‌ओ छाप्‍लाखादा अ़चुऩङ म़छाप्‍ताओचि मोदा वाङ्‌मा म़ऱ, मेन म़पोप्‍ताओचि, चिप्‍माकात्‍तुओचि खोन्‍कि सोज्‍जे काचेप्‌चि मोदा वाङ्‌मा ऱमाइऩऱनिन।

१ पत्रुस 4:3

खाराओ लेन्‍चिदा निरावाचिआवात्‍नि खानानिन्‌आ ताङ्‌लान, अ़अ़त्‍पा मिन्‍मा, खाबात्‍सेत्‍चाले, ताकावा च़मा, खाबात्‌दुङ्‌खा रुहुप्‌दा खोन्‍कि चिप्‍माकात्‍तुओ सेम्‍पोक ब़क्‍मादा आम्‍नुओ ग़रि च़लोक त़क़प्‍तुम्‌युङ्‌सुम।

कलस्‍सि 3:6

ओ अ़अ़त्‍पा य़ङ्‌चिओ अ़तुक्‌वाआ निनाम्‍हाङ्‌ओ अ़चुच़ऱपा लोमावा मान्‍च़कादाचिएदा तायाङ।

१ थेसलोनिकि 5:7

देकिनालो काइम्‌चि अ़खाखुत्‌ङा म़इम, खोन्‍कि खाबात कादुङ्‌चि म़दुङ्‌कि अ़खाखुत्‌ङा सेरुचि।

१ कोरिन्‍थि 15:50

हान ब़ब़, नाना खोन्‍कि निछाचि ओ, अ़ङ्‌का खानानिन ओवात्‍नि लोनानिन, सा खोन्‍कि ह़ निनाम्‍हाङ्‌ओ अ़चुहाङ्‌होन्‌दुओ पाङ्‌यि लिमा अ़ऱनिन। ओ म़स़दाओ पोक्‌चिआ अ़धुन युङ्‌युङ्‌ओ पाङ्‌यि तोक्‍मा ऩऱन।

खाङ्‌मुमा 22:15

मेन मो सहरा बुङ्‌खाया ना कुतिवाचि, म़क्‍फेङ कामुचि, पोप्‍कापोप कामुचि, म़ना कासेत्‌चि, सेम्‍पोक काब़क्‌चि खोन्‍कि सोज्‍जेओ ऩङाकानुचि खोन्‍कि मोवात्‍निङा काच़चि म़युङ।

मत्‍ति 25:34

खोन्‍किना हाङ्‌आ अ़चुचुप्‍ताङ्‌छुक्‍लिप्‍पाओचि म़लोचि, ‘बानानिन, अ़ङ्‌पापाओ अ़चुआसिखा कातोक्‌चि ओ! हेन्‍खामा मुन्‍माय़ङ ग़रिदाङ्‌काङा आम्‍नुओ निम्‍पाङ चुम्‍सायुङ्‌साओ हाङ्‌होन्‌दा त़वाङिन।

लुका 21:34

खानानिन चाप्‍चेत्‍तानिन्‍चिन, माङ्‌नालोना आम्‍नुओ ताकावा च़मा, खाबात्‌आ सेत्‍मा, खोन्‍कि ‘देत्‍नि ह़ङ्‌मा’नि मिन्‍मा योक्‍माआ आम्‍नुओ मिन्‍मा तिमुखात्‍तु, खोन्‍किना वाय़वात्‍निङा अ़क्‍धुवा मो लेन तालाप।

हिब्रु 13:4

झारासाआ सायाकाम्‍माय़ङ साया मेत्‍मादोत खोन्‍कि खिम्‍हाङ्‌मा खिम्‍हाङ्‌पा सोम्‍कुवा मुकामु लिमादोत, देकिनालो काचान्‍चाचि खोन्‍कि ताङ्‌लान कामुचि निनाम्‍हाङ्‌आ छ़ङ म़छेन्‍तुचि।

२ थेसलोनिकि 2:5

अ़ङ्‌का खानानिन्‌एनान युङाङ्‌याङ्‌हिदाङा ओ य़ङ्‌चि लोयाङ्‌सा मुनाङ्‌नानिन ओ, दि खानानिन्‌आ त़मित्‍तुम्‌योम?