गलाति 5:19 - बान्‍तावा राई

¹⁹ पोक्‌ओ हेवामि च़माथाङ्‌माओ काचिचि छेङ्‌छेङ्‌छेङ्‌वा म़मुयाङ। मोचि ताङ्‌लान, पोप्‍मा, हात्‍मा,

गलाति 5:19 Referans Kwoze

खाङ्‌मुमा 21:8

मेन अ़चुक़मा काकात्‌चि, साकोङ्‌छ़ङ मान्‍मुकादाचि, चिप्‍माकात्‍तुओचि, म़ना कासेत्‌चि, पोप्‍कामुचि, म़क्‍फेङ कामुचि, सेम्‍पोक काब़क्‌चि खोन्‍कि म़ना काम़प्‌चि झारा मो म़नाचिओ अ़चुपाङ्‌यि लेत्‌याङ्‌ओ गन्‍दक्‌ओ मिराक्‌दा लि। ओ ह्‍वादुओदु स़मा ओ।”

गलाति 6:8

साङ्‌आ अ़हेवामि च़माथाङ्‌मा अ़ऩङानुमाओ निम्‍पाङ लित्‍तु, मोसाआ अ़हेवामि च़माथाङ्‌मादाङ्‌काङा लुक्‍माखात्‍माओ अ़सिवा कोउ। मेन साङ्‌आ सेङ्‌लावाओ निम्‍पाङ लित्‍तु, मोसाआ सेङ्‌लावालाम्‍पाङा अ़लुक्‍निन्‌ओ ह़ङ्‌म़ङ कोउ।

तितस 3:3

देकिनालो आन्‍कान आप्‍पिछाङ अ़क्‍दु खामान्‍सिन, लोमावा मान्‍च़कादा खोन्‍कि लाम मान्‍तुम्‍केसुम्‌युङ्‌सुम। आन्‍कान झाराकापाराओ राका खोन्‍कि ताकावा च़माओ अ़हारुक्‌चि मुन्‌येन। आन्‍ह़ङ्‌म़ङ अ़त्‍लो मित्‍मा खोन्‍कि छुन्‌दा खाइसुम्‌योम, चिप्‍माकात्‍लो मुन्‌येन, खोन्‍कि अ़क्‍छा निआ चिप्‍मा कात्‍काकात मुन्‌येन।

१ कोरिन्‍थि 3:3

हान्‍छाङ खानानिन हेन्‍खामादाओवात्‍निङा त़मुन्‌येन, देकिनालो आम्‍नुओ रादा ऩङ्‌च़ खोन्‍कि खिमा युङ्‌याङ्‍ओसा दि खानानिन पोक्‌दाओ माआङ कि? दि खानानिन ओ हेन्‍खामादाओ म़नाओ अ़च़माथाङ्‌मावा काच़ मान्‍लित़दान कि?

रोमि 8:13

देकिनालो हेवामि मित्‍मावात्‍नि त़ह़ङिन्‌नालो खानानिन त़स़न, मेन सेङ्‌लावालाम्‍पा पोक्‌ओ हेवामि काचिचि त़लुक्‍तुम्‍च़म्‌नालो खानानिन त़ह़ङिन।

रोमि 8:5

हेवामि मित्‍मावात्‍नि काकोन्‍चिआ पोक्‌ओ य़ङ्‌चिदा अ़चुमिन्‍मा अ़पाक, मेन सेङ्‌लावावात्‍नि काकोन्‍चिआ सेङ्‌लावाओ य़ङ्‌चिदा अ़चुमिन्‍मा अ़पाक।

खाङ्‌मुमा 22:15

मेन मो सहरा बुङ्‌खाया ना कुतिवाचि, म़क्‍फेङ कामुचि, पोप्‍कापोप कामुचि, म़ना कासेत्‌चि, सेम्‍पोक काब़क्‌चि खोन्‍कि सोज्‍जेओ ऩङाकानुचि खोन्‍कि मोवात्‍निङा काच़चि म़युङ।

१ कोरिन्‍थि 6:18

ताङ्‌लान्‌दाङ्‌का अ़थाया युङानिन। म़नाआ खाक्‍कोछाङ हेवा मु, मोसाआ अ़पोक्‌ओ अ़देङ्‌सालाप्‍पादा हेवा अ़मुन, मेन ताङ्‌लान कामु म़नाआ आप्‍पिओ अ़पोक्‌ओ अ़देङ्‌सालाप्‍पादा हेवा मु।

गलाति 5:17

हेवामि च़माथाङ्‌मा मिन्‍माचि सेङ्‌लावाओ अ़चुदेङ्‌सालाप्‍पादा म़मु, खोन्‍कि सेङ्‌लावाओ अ़चुमिन्‍मा हेवाओ अ़देङ्‌सालाप्‍पादा। खानानिन दे च़मा त़स़न्‌येन, मोचिएदाङ्‌का खानानिन छेक्‍मा निम्‍पाङ ओचि अ़क्‌तात निओ अ़चुदेङ्‌सालाप्‍पादा याक्‌चि।

गलाति 5:13

ब़ब़, नाना खोन्‍कि निछाचि ओ, खानानिन ना य़ङ्‌हुप्‌दाङ्‌का फोङ्‌माओ निम्‍पाङ ऩबुत्‍तिन्‌ओ। मेन ओ फोङ्‌माय़ङ पोक्‌ओ हेवामि च़माथाङ्‌मादा मान्‌याङ्‌दानुम। मेन सोम्‍तुक्‍मादा अ़क्‍छा निएदा खानानिन ब़त्‍काब़त मुवानिन।

रोमि 8:9

मेन खानानिन आम्‍नुओ हेवामि मित्‍माचिआ ऩक़म्‍तिमिन्‌येन। खानानिन्‌एदा निनाम्‍हाङ्‌ओ अ़चुलावा म़युङ्‌याङ्‌नालो खानानिन सेङ्‌लावाआ ऩक़म्‍तिन्‌युङ्‌सिन। मेन साङ्‍एदा ख्रिस्‍तओ अ़चुलावा ऩयाक्‍निन, मो म़ना ख्रिस्‍तओ माआङ।

रोमि 7:18

अ़ङ्‌का सिन्‍तुङ्‌योङ, अ़ङ्‌काएदा याक्‌याङ्‍ओ हेवामि पोक्‌ओ मित्‍माचिआ दित्‍छाङ नुलोक च़मा ऩप़ऩङ। दि अ़नुवाक मुयाङ, मो मुमामिन्‍मा अ़ङ्‌काएदा याक्‌याङ, मेन मो मुमा अ़ङ्‌का अ़ऱऩङ।

रोमि 7:5

आन्‍कान हेवाओ अ़क़म्‍मादा ह़ङिन्‌येन्‌हिदा हेवा मित्‍माचिआ आन्‍पोक्‌चिदा काचि मुङु, खोन्‍कि दि-दि मुमा अ़नुनिन्‌नि य़ङ्‌हुप य़ङायुङ्‌सा, अ़अ़त्‍पा आन्‍मिन्‍माचिआ मो मुमा च़लोक अ़चुऩङानु। खोन्‍किना मो हेवामि काचिआ आन्‍कान स़माओ अ़सिवा सिसुम।

युहन्‍ना 3:6

पोक्‌दाङ्‌का लिओ पोक ओ, खोन्‍कि लावादाङ्‌का लिओ लावा ओ।

रोमि 8:3

आन्‍को हेवामि आन्‍मित्‍माचि मान्‍ऱकादा म़लिसाओसा य़ङ्‌हुप्‌आ दि मुमा मान्‍ऱदो, मो निनाम्‍हाङ्‌आ अ़मुवा। निनाम्‍हाङ्‌आ आप्‍पिओ अ़चुछा अ़याङाकि आन्‍कान्‌वाको हेवामिचिओ आन्‍हेवाचिओ निम्‍पाङ हेन्‍खोक्‌वा अ़पुवाकि हेवाओ अ़क़म्‍मा आन्‍कान्‌एदाङ्‌का अ़लुक्‍ता।

रोमि 7:25

निनाम्‍हाङ आलाङ्‌ने! आन्‍हाङ्‌पा येसु ख्रिस्‍तलाम्‍पा खोक्‍कोसाआ अ़ङ्‌का ऩलेन्‍ङा! खोन्‌ओसा, आप्‍पि अ़ङ्‌मिन्‍माआ अ़नुछ्‍याङा निनाम्‍हाङ्‌ओ अ़चुय़ङ्‌हुप्‌वात्‍नि मुमा स़ङा, मेन पोक्‌दा अ़ङ्‌का हेवाओ अ़य़ङ्‌हुप्‌ओ अ़हारुक मुङाङा।

हिब्रु 13:4

झारासाआ सायाकाम्‍माय़ङ साया मेत्‍मादोत खोन्‍कि खिम्‍हाङ्‌मा खिम्‍हाङ्‌पा सोम्‍कुवा मुकामु लिमादोत, देकिनालो काचान्‍चाचि खोन्‍कि ताङ्‌लान कामुचि निनाम्‍हाङ्‌आ छ़ङ म़छेन्‍तुचि।