गलाति 5:11 - बान्‍तावा राई

¹¹ ब़ब़, नाना खोन्‍कि निछाचि ओ, अ़ङ्‌का सिप्‍मायाम्‍बुन मुमादोत निकिना हान्‍छाङ खालुङाङाओ खाङ्‌देना अ़ङ्‌का यहुदिचिआ दुखा मान्‍प़ऩदाङ्‌ओ। मोवात्‍नि क्रुस्‌ओ अ़तुक्‌वादा खाअ़लुऩङ्‌ओ खाङ्‌दे ना अ़ङ्‌का फित्‍चि ऩमुऩङ्‍ओ।

गलाति 5:11 Referans Kwoze

१ कोरिन्‍थि 1:23

मेन आन्‍कान्‍काआ ना क्रुस्‌दा ख़न्‍माय़ङ्‌ओ ख्रिस्‍त खालुसुम्‍का। यहुदिचिओ निम्‍पाङ अ़चुधुङ्‌खा खोन्‍कि ग्रिक्‌चिओ निकिना खामान्‍सिन लिसा।

गलाति 6:12

ख्रिस्‍तओ अ़चुक्रुस्‌ओ अ़तुक्‌वाआ दुखादा ऩछुक्‍निन्‍ने निम्‍पाङ पोक्‌दा नुलोक खाङ्‌मुमान्‍चिन कालाम्‌चिआ खानानिन सिप्‍मायाम्‍बुन पाक्‍मा राकाङ्‌थेत्‍नि ऩमुन।

गलाति 4:29

मेन मोन्‍ग़रि देत्‍नि पोक्‌दाङ्‌का कापुक्‍नान्‍चिन्‌आ लावालाम्‍पा कापुक्‍नान्‍चिन्‌चि दुखा म़प़ङुचि, आइमित्‌छाङ मोवात्‍निङा मुयाङ।

गलाति 2:3

मेन अ़ङ्‌काएनान अ़क्‍नि कायुङ तितस ग्रिक्‌नुछाङ सिप्‍मायाम्‍बुन लिमादोत निकिना साङ्‌आछाङ राकाङ्‌थेत्‍नि मान्‍मुअ़दा।

१ कोरिन्‍थि 15:30

खोन्‍किना आन्‍कान्‍का आप्‍पि देकिना अ़धुन क़माकात्‍तुओदा छुक्‍तिन्‌येन्‍का?

छाम्‍माय़ङ 21:21

खोन्‍किना खोचि आम्‍नुओ तुक्‌वादा खाम़एत्‍तुयुङ्‌सुचि। खानानिन्‌आ निरावाचिओ अ़चुरादा कायुङ झारा यहुदिचि ‘निनाम्‍हाङ्‌य़ङ खाकालु मोसाओ अ़य़ङ्‌हुप छित्‍मादोत’नि त़चिन्‍तुम्‌योम्‍च़म्‌नि म़य़ङ्‌याङ। मोचि खानानिन्‌आ ‘आम्‍नुओ छाचि सिप्‍मायाम्‍बुन पाक्‍मा अ़नुनिन, माङ्‌लो यहुदि आन्‍च़माथाङ्‌मावा च़मा अ़दोत्‍निन’नि त़लोम्‌योम्‍च़म्‌नि म़य़ङ्‌याङ।

गलाति 6:17

हान्‌दाङ्‌का साङ्‌आछाङ अ़ङ्‌का दुखा ऩप़ऩङ्‌ने, देकिनालो अ़ङ्‌पोक्‌दा येसुओ अ़चुथुपिचि अ़ङ्‌का खुयुङ्‌योङ्‌च़ङ।

१ कोरिन्‍थि 1:18

देकिनालो क्रुस्‌ओ नुय़ङ्‌खान म़लुक्‌याङ्‌ओचिओ निम्‍पाङ खामान्‍सिन य़ङ ओ, मेन आन्‍कान म़लेन्‌याङ्‌ओचिओ निम्‍पाङ ओक्‍को ना निनाम्‍हाङ्‌ओ अ़चुसावा ओ।

छाम्‍माय़ङ 21:28

खोन्‍कि मोचि पात्‌याङ्‌सा म़य़ङा, “इस्राएलि म़नाचि ओ, आन्‍कान्‍का फानि! झारादात्‍नि झारा आन्‍म़नाचिओ अ़चुदेङ्‌सालाप्‍पादा, आन्‌य़ङ्‌हुप्‌ओ अ़देङ्‌सालाप्‍पादा, खोन्‍कि निनाम्‍हाङ ब़क्‍खाखिम्‌ओ अ़देङ्‌सालाप्‍पादा काचिन ओ म़नाङा ओ। खोन्‌ओन्‍ङा माआङ, निरावाचि निनाम्‍हाङ ब़क्‍खाखिम्‍हुत्‌दा वाक्‍तुचिकि ओ ब़क्‍खाखिम्‌छाङ पोप्‍तुयुङ्‌सु।”

छाम्‍माय़ङ 16:3

पावल्‌आ तिमोथि अ़क्‍नि खात्‍मानि मित्‍तु, खोन्‌ओसा खोसाआ मोचिदा कायुङ यहुदिचिआ फित्‍चि ऩमुन्‍ने निकिना खो सिप्‍मायाम्‍बुन पाक्‍तु। देकिनालो मोचिदा कायुङ झारा यहुदिचिआ तिमोथिओ अ़पा ग्रिक ओ निकिना अ़सिन्‍ताङा।

गलाति 3:1

खामान्‍सिन गलातिचि ओ! साङ्‌आ खानानिन ऩधान्‍तिन? आम्‍नुओ म़क्‌ओ अ़बुदाङा येसु ख्रिस्‍त क्रुस्‌दा म़ख़न्‍ताओ छेङ्‌छेङ्‌छेङ्‌वा खालुसाओ।