गलाति 4:19 - बान्‍तावा राई

¹⁹ सोमातुक्‍निङ्‌निओ अ़ङ्‌छाचि ओ, ख्रिस्‍तओ अ़चुच़माथाङ्‌मा खानानिन्‌एदा मान्‍पोन्‌युक्‌तारि हान्‍छाङ छातोक्‍मा सारिमाआ लाउओ अ़क्‍छा मेत्‍छामावात्‍नि अ़ङ्‌का दुखा तोक्‍ङा।

गलाति 4:19 Referans Kwoze

रोमि 8:29

साङ-साङ खोक्‍कोसाआ बुयाङा म़सिन्‍तुयुङ्‌सुचि, निनाम्‍हाङ्‌आ मोचि आप्‍पिओ अ़चुछा ख्रिस्‍तवात्‍नि मुमा निम्‍पाङ म़छेन्‍तुचि। खोक्‍कोसाआ ओ अ़मुवा, खोन्‌ओसा ब़द्‍धे ब़ब़, नाना खोन्‍कि निछाचिएदा ख्रिस्‍त झारादाङ्‌का ब़ब़ म़लिने।

एफिसि 4:13

मोवात्‍नि आन्‍कान झारा साकोङ्‌छ़ङ खोन्‍कि निनाम्‍हाङ्‌ओ अ़चुछाओ अ़चुतायादा अ़क्‍भोम लिसिन, खोन्‍कि म़ना साकोङ्‌छ़ङ्‌दा पोयिन खोन्‍कि ख्रिस्‍तओ झारा अ़चुकात्‍मादा तान्‍लान।

रोमि 13:14

मेन हाङ्‌पा येसु ख्रिस्‍तओ अ़मात्‍ऩङ त़ङ्‌तानुम खोन्‍कि हेवामि च़माथाङ्‌माओ मित्‍माचिदा देत्‍नि सोम्‍सेत्‍मान्‍चिन्‌ओ अ़तुक्‌वादा मिन्‍मा मान्‍पाक्‍दानुम।

एफिसि 4:24

खोन्‍कि निनाम्‍हाङ्‌ओ अ़चुकात्‍मादा अ़नुछ्‍याओ साम्‌योक्‍मि खोन्‍कि सेङ्‌माय़ङ्‌दा मुयाओ अ़ऩङ्‌वा च़माथाङ्‌मा लोआनुम।

कलस्‍सि 4:12

खानानिन्‌एदाओ अ़क्‍छा, ख्रिस्‍त येसुओ अ़चुहारुक इपाफ्रास्‌आछाङ सेवा ऩछोक्‍तिन्‌युङ्‌सिन। खोसाआ अ़धुन आम्‍नुओ निम्‍पाङ राक्‌एनान ओवात्‍नि यामात: निनाम्‍हाङ्‌आ खानानिन त़छोसिन्‍लो ऩमुन्‍ने खोन्‍कि नुलोक काऱ ऩमुन्‌कि खानानिन्‌आ निनाम्‍हाङ्‌ओ झारा अ़चुमिन्‍मावा काचि त़मुन्‌येन्‌निओ य़ङ्‌दा अ़छ़ङ त़लिसिन्‍ने।

कलस्‍सि 3:10

खोन्‍कि ओन्‍ग़रि अ़ऩङ्‌वा ह़ङ्‌म़ङ त़लोउम्‌युङ्‌सुम। खानानिन च़लोक आम्‍नुओ कामुन्‍पाओ अ़चुकात्‍मावा लियाङ्‌सा त़खारिन्‌येन, खोन्‍कि खोक्‍को नुलोक त़तुप्‍तुम।

फिलिप्‍पि 2:5

झारा आम्‍नुओ रादा येसु ख्रिस्‍तदा याआङावाको मिन्‍मा याक्‍ने।

याकुब 1:18

खोक्‍कोसोओ तोक्‍पो अ़चुमित्‍चिऩङ्‌ओ अ़छ़ङ य़ङ्‌लाम्‍पा आन्‍कान म़मुया। खोवात्‍निओसा आन्‍कान खोक्‍कोसोओ झारा अ़चुमुन्‍माय़ङ्‌चिदाओ बुयाओ अ़सिवा लिसिन्‌युङ्‌सिन।

कलस्‍सि 1:27

झारा रावाचिओ निम्‍पाङ खोक्‍कोसोओ ओ ब़द्‍धे तोक्‍पो अ़चुकोङ्‌दुम खोसोओ अ़चुम़नाचिआ अ़तुप्‍नेनि निनाम्‍हाङ म़मिन। अ़कोङ्‌दुम ओक्‍कोङा ओ, ख्रिस्‍त खानानिन्‌एदा म़याक्‌याङ। ओ य़ङ्‌आ खानानिन्‌छाङ निनाम्‍हाङ्‌ओ अ़चुसाम त़तोक्‍तुम्‌नि मिन्‍मा ऩप़न।

कलस्‍सि 2:1

अ़नुछ्‍याङा आम्‍नुओ निम्‍पाङ, लाउदिकियादाओ साम्‍भुङ्‌ओ निम्‍पाङ, खोन्‍कि अ़ङ्‌का मान्‍सिन्‍कादा झारासोओ निम्‍पाङ अ़ङ्‌का देम चात्‍लो दुखा मुवाङ्‌युङ्‌साङ्‌ओ खानानिन त़सिन्‍तुम्‍नेनि अ़ङ्‌का मिन्‍ङा।

फिलिप्‍पि 2:17

मेन मोवात्‍नि आम्‍नुओ साकोङ्‌छ़ङ्‌ओ हेन्‍खोक्‌वादा अ़ङ्‌कोछाङ ह़ हेन्‍खोक्‌वावात्‍नि सोन्‌नुछाङ, अ़ङ्‌का अ़ङ्‌ऩङानु, खोन्‍कि खानानिन झाराएनान अ़ङ्‌सोम्‍स़।

फिलिप्‍पि 1:8

येसु ख्रिस्‍तआ खानानिन देत्‍नि सोमाऩतुक्‍तिन, मोवात्‍निङा अ़ङ्‌काछाङ खानानिन झारा सोमातुक्‍नाङ्‌नानिन निकिना निनाम्‍हाङ अ़ङ्‌सालुम्‍स़ङ म़युङ्‌याङ।

१ युहन्‍ना 5:21

अ़चुप्‍पो छाचि ओ, सेम्‍पोक्‌चिदाङ्‌का खानानिन अ़थाया युङानिन।

१ युहन्‍ना 2:12

सोमातुक्‍नाङ्‌नानिन्‌ओ अ़ङ्‌छाचि ओ, अ़ङ्‌का खानानिन छाप्‍नाङ्‌नानिन, देकिनालो ख्रिस्‍तओ अ़चुऩङ्‌दा आम्‍नुओ हेवाचि ऩलेत्‍तिन्‍प़न्‌युङ्‌सिन।

१ युहन्‍ना 2:1

सोमातुक्‍नाङ्‌नानिन्‌ओ अ़ङ्‌छाचि ओ, खानानिन हेवा मान्‍मुदानिन निकिना अ़ङ्‌का ओ य़ङ छाप्‍तुङ्‌योङ। मेन साङ हेवा मुनुछाङ निनाम्‍हाङ पापाएदा आन्‍लिप्‍पादा काचेप अ़क्‍छा साम्‌योक्‍मि येसु ख्रिस्‍त म़युङ्‌याङ।

हिब्रु 5:7

येसु अ़चुपोक्‌दा म़युङाङाहिदा खोक्‍को स़मादाङ्‌का साङ्‌आ लेन्‍मा अ़ऱ, खोक्‍कोएदा अ़न्‍नुनु पात्‌याङ्‌सा खोन्‍कि अ़चुम़क्‌वाएनान याम़मारा। खोन्‍किना खोक्‍कोसाआ सिम्‍नान्‍चिन्‍सा निनाम्‍हाङ साया अ़मेत्‍ताओसाआ अ़चुयामात्‍मा अ़एना।

तितस 1:4

अ़ङ्‌काएनान अ़क्‍निवाओ साकोङ्‌छ़ङ कामु अ़ङ्‌को अ़नुछ्‍याओ अ़ङ्‌छावाको तितस ओ छाप्‍लावा छाप्‍तुङ्‌योङ। आन्‍पापा निनाम्‍हाङ खोन्‍कि आन्‍कान कालेन्‍पा ख्रिस्‍त येसुआ खाना सोमातुक्‍मा खोन्‍कि सेवाङ्‌नि ऩप़ने।

फिलेमोन 1:19

अ़ङ्‌का पावल अ़ङ्‌छुक्‌आ छाप्‍तुङ्‌कि हिप्‍नाङ्‌ना, मो अ़नाक अ़ङ्‌काङा छोरुङ। मेन खानाआ देत्‍नि अ़ऩङ्‌वा ह़ङ्‌म़ङ त़तोक्‍तुओ, मो मान्‍मान्‍केदो।

१ तिमोथि 1:2

ओ छाप्‍लावा साकोङ्‌छ़ङ्‌दा अ़नुछ्‍याओ अ़ङ्‌छा तिमोथिओ निम्‍पाङ ओ छाप्‍लावा छाप्‍तुङ्‌योङ। निनाम्‍हाङ पापा खोन्‍कि आन्‍ख्रिस्‍त येसुआ खाना नुलोक ऩमुने, सोमाऩतुक्‍ने खोन्‍कि सेवाङ्‌नि ऩमुने।

लुका 22:44

खोन्‍कि अ़न्‍नुनु चाअ़त्‍लो अ़चुमिन्‍मा तुआकि येसु अ़क्‍चित क़न्‍नान्‍चिन्‍सा याम़मारा। खोक्‍कोसोओ अ़चुहाक्‍नुङ्‌वा ह़ओ अ़चोक्‌वात्‍नि लिसाकि बाखादा चोक्‍ताङा।

२ कोरिन्‍थि 12:14

हान सुम्‌कादुओदु खानानिन्‌एदा बान्‍मा निकिना अ़ङ्‌का चुम्‍साङ्‌युङ्‌साङ्‌च़ङ। अ़ङ्‌का खानानिन दुखा अ़प़नानिमिन, देकिनालो अ़ङ्‌का आम्‍नुओ चासुम्‍छेन्‍बि माआङ, मेन अ़ङ्‌का खानानिन लाम्‍नानिन। देकिनालो अ़चुमामा-पापाचिओ निम्‍पाङ अ़चुछाचिआ च़क्‍मा अ़दोत्‍निन, मेन अ़चुछाचिओ निम्‍पाङ अ़चुमापाचिआ च़क्‍मादोत।

१ थेसलोनिकि 2:7

ख्रिस्‍तओ अ़चुछाम्‍माय़ङ्‌चि लिसिन्‍काओसा खानानिन्‌एदाङ्‌का आन्‍कान्‍का फालुमा ऱन्‍काओ। मेन आन्‍कान्‍का आम्‍नुओ रादा अ़चुप्‍पो अ़छाचि नुलोक काखाङ कासिम्‍नान्‍चिन अ़चुमावात्‍नि लिसिन्‍का।

३ युहन्‍ना 1:4

अ़ङ्‌छाचि अ़छ़ङ्‌दा म़कोन्‌याङ्‌निओ य़ङ एन्‍माओन्‍तेका तोक्‍पो अ़ऩङानुमा अ़ङ्‌को निकि दित्‍छाङ मात्‍द़ङ?