गलाति 3:27 - बान्‍तावा राई

²⁷ देकिनालो खानानिन्‌एदाओ देम्‍पाङ्‌साआ ख्रिस्‍तदा बप्‍तिस्‍मा त़लोउम, खानानिन झारासाआ अ़ऩङ्‌वा तित त़हुम्‍सिन्‌येन्‌वा ख्रिस्‍तवाको त़लिसिन्‌युङ्‌सिन।

गलाति 3:27 Referans Kwoze

रोमि 13:14

मेन हाङ्‌पा येसु ख्रिस्‍तओ अ़मात्‍ऩङ त़ङ्‌तानुम खोन्‍कि हेवामि च़माथाङ्‌माओ मित्‍माचिदा देत्‍नि सोम्‍सेत्‍मान्‍चिन्‌ओ अ़तुक्‌वादा मिन्‍मा मान्‍पाक्‍दानुम।

१ कोरिन्‍थि 12:13

अ़क्‌तात सेङ्‌लावालाम्‍पाङा आन्‍कान झारासा अ़क्‌तात पोक्‌दा बप्‍तिस्‍मा तोक्‍तुम्‌युङ्‌सुम, यहुदि माङ्‌लो ग्रिक, हारुक माङ्‌लो फोङ्‌माय़ङ, आन्‍कान झारा अ़क्‌तात सेङ्‌लावा म़पाक्‍तापुवायुङ्‌सा।

१ पत्रुस 3:21

ओसाआ चाक्‌वाओ बप्‍तिस्‍मा खाङ्‌मुसु, खोन्‍कि ओसाआ खानानिन ऩलेइसिन्‌छाङ। ओ पोक्‌दाओ सिप्‍भाङ वालेक्‍तिन्‍खाइसिन्‌वात्‍नि माआङ, मेन ओसोओ अ़तुप्‍माय़ङ अ़च़क़ल़क छेन्‍खातायाएनान निनाम्‍हाङ्‌एदा लामा ओ। येसु ख्रिस्‍तओ अ़चुलामाखोन्‍मालोन्‍मालाम्‍पा ओसाआ खानानिन ऩलेइसिन।

कलस्‍सि 3:10

खोन्‍कि ओन्‍ग़रि अ़ऩङ्‌वा ह़ङ्‌म़ङ त़लोउम्‌युङ्‌सुम। खानानिन च़लोक आम्‍नुओ कामुन्‍पाओ अ़चुकात्‍मावा लियाङ्‌सा त़खारिन्‌येन, खोन्‍कि खोक्‍को नुलोक त़तुप्‍तुम।

एफिसि 4:24

खोन्‍कि निनाम्‍हाङ्‌ओ अ़चुकात्‍मादा अ़नुछ्‍याओ साम्‌योक्‍मि खोन्‍कि सेङ्‌माय़ङ्‌दा मुयाओ अ़ऩङ्‌वा च़माथाङ्‌मा लोआनुम।

छाम्‍माय़ङ 2:38

खोन्‍कि पत्रुस्‌आ मोचि लासुलोचि, “खानानिन झारा आम्‍नुओ हेवाचिदाङ्‌का लासानिन्‌कि येसु ख्रिस्‍तओ अ़चुऩङ्‌दा बप्‍तिस्‍मा लोआनिन, खोन्‍कि आम्‍नुओ हेवाचि लेत्‍लुवानिन। खोन्‍नालो सेङ्‌लावा मोहाङा त़तोक्‍तुम।

रोमि 3:22

येसु ख्रिस्‍तदा झारा साकोङ्‌छ़ङ कामुचिएदा निनाम्‍हाङ्‌दाङ्‌काओ साम्‌योक्‍मि साकोङ्‌छ़ङ्‌लाम्‍पा ता। देकिनालो निनाम्‍हाङ्‌आ यहुदि खोन्‍कि निरावाचिओ अ़चुरादा लिप्‍पा ऩवाङ्‌निन,

छाम्‍माय़ङ 16:15

लिदिया खोन्‍कि अ़खिम्‌दाओ झारा बप्‍तिस्‍मा म़प़चि, खोन्‍किना मोसाआ, “खानानिन्‌आ अ़ङ्‌का हाङ्‌पा साकोङ्‌छ़ङ कामुमानि त़मित्‍ङाऩङ्‌नालो अ़ङ्‌खिम्‌दा बानानिन्‌कि युङानिन्‍नाङ”नि य़ङ्‌याङ्‌सा आन्‍कान्‍का अ़बुत्‍तिन्‍का। खोन्‍कि मोसाआ आन्‍कान्‍का राकाङ्‌थेत्‍नि अ़मुन्‍खातिन्‍का।

छाम्‍माय़ङ 8:16

देकिनालो मोन्‍ग़रितारि सामरिचि साङ्‌एदाछाङ सेङ्‌लावा मान्‍ताम़युक्‍ता, मेन फिलिप्‌आ मोचि हाङ्‌पा येसुओ अ़चुऩङ्‌दा बप्‍तिस्‍मा ओन्‍ङा प़युङ्‌सुचि।

छाम्‍माय़ङ 9:18

खोन्‍कि च़क्‍नि सावल्‌ओ अ़म़क्‌दाङ्‌का ङाओ अ़चिम्‌चिवाको दि-दिचि म़धा, खोन्‍कि खो लामाखाखाङ्‌मा रुवा। खोन्‍किना खो पुवालोन्‍ताकि बप्‍तिस्‍मा लोआ।

लुका 15:22

मेन अ़पाआ अ़काफाचि लोचि, ‘च़क्‍नि झारादाङ्‌का अ़नुवाक तित बात्‍तानुम्‌कि मो हुम्‍मेत्‍तानुम। अ़छुक्‍कुसिप्‌दा छोक्‌वेन्‍मा खोन्‍कि अ़लाङ्‌दा लाङ्‌सुप वात्‍तानुम।

१ कोरिन्‍थि 10:2

खोन्‍कि निनाम्‍हाङ्‌य़ङ खाकालु मोसाएदा मोचि झारासा य़वारि खोन्‍कि धियाङ्‌वामादा बप्‍तिस्‍मा अ़तोक्‍ता।