26 देकिनालो साकोङ्छ़ङ्लाम्पा खानानिन झारा येसु ख्रिस्तएदा निनाम्हाङ्ओ अ़चुछाचि ओ।
निनाम्हाङ्ओ अ़चुमिन्माओ मित्चिऩङ्वात्नि खोक्कोसाआ आन्कान ख्रिस्त येसुलाम्पा आन्कान अ़चुछाचि लिमा निम्पाङ बुयाङा अ़छ़ङ अ़मुवा।
‘खोन्कि अ़ङ्का आम्नुओ पापा लिङा, खोन्कि खानानिन अ़ङ्दुवाछा छाचि खोन्कि अ़ङ्मेत्छाछा छाचि त़लिसिन’नि झारा सावापोरिओ निनाम्हाङ म़य़ङ्याङ।”
खोन्किना खानानिन मान्फिकादा खोन्कि सोत्सोत्वाओ लिसानिन्किना ऱक्याङ्ओ खोन्कि वाऱनान्चिन्ओ म़नाचिओ दुङ्ओ अ़रादा निनाम्हाङ्ओ थुपि मात्द़ङ्ओ अ़चुछा लिसानिन। ओ दुङ्ओ अ़रादा हेन्खामादा खानानिन साङ्केन्माचिवा लेरानिन।
साङ्चि म़छो मोचिआ अ़ङ्काएदाङ्का ओ पाङ्यि अ़तोक, खोन्कि अ़ङ्का मोचिओ अ़चुनिनाम्हाङ लिङा, खोन्कि मोचि अ़ङ्छाचि म़लि।
खानानिन सोम्तुक्माय़ङ निनाम्हाङ्ओ अ़चुछाचि त़लिसिन्ओसा निनाम्हाङ म़च़याङ्वा चुवानिन।
येसुआ मो अ़लोवा, “अ़ङ्का मान्लाप्युङ्दाङ, देकिनालो अ़ङ्का ओन्ग़रितारि निनाम्हाङ पापाएदु मान्खात्युक्ङा। अ़ङ्निछाचिएदा खाराकि मोचि खाएत्तुचि, ‘अ़ङ्पापा खोन्कि आम्नुओ पापा खोन्कि अ़ङ्निनाम्हाङ खोन्कि आम्नुओ निनाम्हाङ्एदा खात्ङाङा।’”
खोक्कोलाम्पा झारासाआ साकोङ्छ़ङ म़मुने निम्पाङ मो साम्ओ अ़तुक्वादा सालुम्स़ङ म़लिसाकि खालुसि खोक्को म़ता।
खोन्ओसा हान ख्रिस्त येसुएनान अ़क्नि कालिचिएदा दन्दा मात्द़ङ।
अ़नुछ्याओ निनाम्हाङ्ओ अ़चुछाचि साङ्चिओ निकिना खाङ्मुमा झारा मुन्माय़ङ्आ राक्एनान तायाङ्ओ लेन हुङुङु।
निनाम्हाङ्ओ अ़चुमिन्मालाम्पा ख्रिस्त येसुओ अ़चुछाम्माय़ङ पावल, खोन्कि आन्निछा तिमोथिएदाङ्का कोरिन्थदा कायुङ निनाम्हाङ्ओ अ़चुसाम्भुङ, खोन्कि झारादात्नि अखैयादा कायुङ झारा निनाम्हाङ्ओ अ़चुम़नाचि।
खोन्ओसा हान ना यहुदि ना ग्रिक, ना हारुक ना लेत्वा, ना दुवाछा ना मेत्छाछा निकिना अ़फेक्निन, देकिनालो ख्रिस्त येसुएदा खानानिन झारा अ़क्तात्ङा ओ।
अ़ङ्मान्ऱदामा आम्नुओ निम्पाङ अ़क्तात चिन्माखाङ्मा ओ, खोन्नुछाङ खानानिन्आ अ़ङ्का ऩङामान्छित्त़दाङ्ऩङ ना आम्नुओ चिप्माङा त़कात्ताङ्ऩङ, मेन निनाम्हाङ्ओ अ़क्छा अ़चुकाफा माङ्लो ख्रिस्त येसुवात्नि अ़ङ्का त़लोआङ्ऩङ।
ख्रिस्त येसुएदा सिप्मायाम्बुन पाक्तुम्नुछाङ अ़पाक्तिमिन्नुछाङ मो अ़च़वाङ य़ङ माआङ। मेन साकोङ्छ़ङ सोमातुक्मालाम्पा खाङ्मु।
खोन्कि साङ्चि ख्रिस्त येसुओचि ओ, मोचिआ हेवामि च़माथाङ्मा मोसोओ अ़पोक मित्माचि खोन्कि अ़मिन्माचि क्रुस्दा अ़ख़न्तायुङ्सा।
निनाम्हाङ्ओ अ़चुमिन्मालाम्पा ख्रिस्त येसुओ अ़चुछाम्माय़ङ अ़ङ्का पावल्दाङ्का एफिसस्दाओ ख्रिस्त येसुदा साकोङ्छ़ङ कामु निनाम्हाङ्ओ अ़चुम़नाचि,
ओ छाप्लावा ख्रिस्त येसुओ अ़चुहारुक्चि पावल खोन्कि तिमोथिदाङ्का ओ। ख्रिस्त येसुदा अ़क्भोम त़लिसिन्ओ फिलिप्पिदा कायुङ धिताङ्पाचि खोन्कि साम्भुङ काफापाचि झारा निनाम्हाङ्ओ अ़चुम़नाचि अ़ङ्का छाप्तुङ्योङ्ओ।
येसु ख्रिस्तआ खानानिन देत्नि सोमाऩतुक्तिन, मोवात्निङा अ़ङ्काछाङ खानानिन झारा सोमातुक्नाङ्नानिन निकिना निनाम्हाङ अ़ङ्सालुम्स़ङ म़युङ्याङ।
देकिनालो ख्रिस्त येसुएदाओ आम्नुओ साकोङ्छ़ङ खोन्कि झारा निनाम्हाङ्ओ अ़चुम़नाचिएदाओ आम्नुओ सोमातुक्माओ अ़तुक्वादा आन्काच्या एनायुङ्साचुवा।
खोन्ओसा देत्नि खानानिन्आ येसु ख्रिस्त हाङ्पा निकिना त़लोउम, मोवात्निङा खानानिन खोक्कोएदा ह़ङायुङ्सानिन।
येसु ख्रिस्तओ निकि छेक्ङाङाओ अ़ङ्का पावल खोन्कि तिमोथि निछाएदाङ्का ओ छाप्लावा आन्कान सोमातुक्तुम्ओ अ़क्निओ आन्यावा फिलेमोन, आन्कान निछा अप्फिया, आन्कान काफा रात्खामि अर्खिप्पस खोन्कि आम्को आम्खिम्दा कातुप साम्भुङ्ओ निकिना ओ।
मेन सोमातुक्नाओसा मोवात्नि मान्लोमाङ खानाएदा छुक फाङ्ङाङा। हान अ़ङ्का पावल खोक्पा म़ना खोन्कि आइमित येसु ख्रिस्तओ निकि छेक्ताङ्ओ म़ना लिसाङ्कि ओनेसिमस्ओ निकि खानाएदा छुक फाङ्ङाङा। अ़ङ्का छेक्खाखिम्दा युङाङ्याङ्हिदा खो येसुएदा साकोङ्छ़ङ मुमेत्तुङ्कि अ़ङ्छावात्नि मुङ्युङ्सुङ।