गलाति 3:24 - बान्‍तावा राई

²⁴ साकोङ्‌छ़ङ्‌लाम्‍पा आन्‍कान साम्‌योक्‍मि कान्‍मान्‍चिन ऱन्‍ने निकिना य़ङ्‌हुप आन्‍कान कारात लिसाकि आन्‍कान ख्रिस्‍तएदातारि म़तित्‍ता।

गलाति 3:24 Referans Kwoze

रोमि 10:4

देकिनालो झारा साकोङ्‌छ़ङ कामु साम्‌योक्‍मि म़कान्‍ने निकिना ख्रिस्‍तआ य़ङ्‌हुप अ़तासाला।

गलाति 2:16

खोन्‍नुछाङ आन्‍कान सिन्‍तुम्‌योम, य़ङ्‌हुप्‌ओ काचिलाम्‍पा म़ना साम्‌योक्‍मि अ़कान्‍निन, मेन येसु ख्रिस्‍तएदाओ साकोङ्‌छ़ङ्‌लाम्‍पा साम्‌योक्‍मि कान। खोन्‌ओसा आन्‍कान्‌छाङ आन्‍साकोङ्‌छ़ङ ख्रिस्‍त येसुएदा युङ्‌सुम, मोवात्‍नि आन्‍कान य़ङ्‌हुप्‌ओ काचिलाम्‍पा माआङ, मेन येसु ख्रिस्‍तएदाओ साकोङ्‌छ़ङ्‌लाम्‍पा साम्‌योक्‍मि कान्‍मा ऱन्‍चिन्‍ने। देकिनालो य़ङ्‌हुप्‌ओ काचिलाम्‍पा साङ्‌छाङ साम्‌योक्‍मि अ़कान्‍निन।

कलस्‍सि 2:17

ओचि ना म़तायाङ्‌ओ य़ङ्‌चिओ अ़लावाछामित ओन्‍ङा ओ। मेन अ़नुछ्‍या ना ख्रिस्‍त ओ।

गलाति 2:19

निनाम्‍हाङ्‌ओ निम्‍पाङ अ़ङ्‌का ह़ङ्‌मा ऱङाने निकिना य़ङ्‌हुप्‌ओ अ़तुक्‌वादा, अ़ङ्‌का य़ङ्‌हुप छिरुङ्‌चिउङ।

गलाति 3:25

मेन हान साकोङ्‌छ़ङ ताओसा हान्‌दाङ्‌का आन्‍कान य़ङ्‌हुप्‌ओ पाङ्‌दा अ़याइमिन्‌येन।

१ कोरिन्‍थि 4:15

देकिनालो ख्रिस्‍तदा आम्‍नुओ कातित्‌चि दस हजारा म़युङ्‌याङ्‌नुछाङ आम्‍नुओ लावामि पापा अ़क्‍छा ओन्‍ङा म़युङ्‌याङ। देकिनालो नुय़ङ्‌खान खाएत्‍निकि ख्रिस्‍त येसुदा अ़ङ्‌का आम्‍नुओपा लिसाङ।

रोमि 9:30

हान आन्‍कान दे य़ङिन म़ल़क? साम्‌योक्‍मि मान्‍त़ङ्‌कादा निरावाचिआ साम्‌योक्‍मि अ़तोक्‍तायुङ्‌सा, मो साकोङ्‌छ़ङ्‌लाम्‍पाओ साम्‌योक्‍मि ओ।