गलाति 1:15 - बान्‍तावा राई

¹⁵ मेन अ़ङ्‌लिमा बुयाङा अ़ङ्‌का काछेन, खोन्‍कि अ़चुओ सोमातुक्‍मालाम्‍पा काबुत निनाम्‍हाङ,

गलाति 1:15 Referans Kwoze

२ तिमोथि 1:9

खोक्‍कोसाआ आन्‍कान म़लेइसा, खोन्‍कि सेङ्‌याङ्‌ओ ह़ङ्‌म़ङ ह़ङ्‌सि आन्‍कान म़बुत्‍ता। आन्‍कान अ़नुवाक काचिचि मुन्‌ओसा माआङ, मेन खोक्‍कोसोओ आप्‍पिओ अ़नुवाक मित्‍चिऩङ खोन्‍कि सोमातुक्‍माआ ओ। मो सोमातुक्‍मा खोक्‍कोसा ख्रिस्‍त येसुलाम्‍पा अ़पुङ्‌चिपुक्‌दाङ्‌का बुयाङा आन्‍कान म़पुवा।

एफिसि 1:5

निनाम्‍हाङ्‌ओ अ़चुमिन्‍माओ मित्‍चिऩङ्‌वात्‍नि खोक्‍कोसाआ आन्‍कान ख्रिस्‍त येसुलाम्‍पा आन्‍कान अ़चुछाचि लिमा निम्‍पाङ बुयाङा अ़छ़ङ अ़मुवा।

१ कोरिन्‍थि 1:9

निनाम्‍हाङ साकोङ्‌छ़ङ मुमा खान्‍तुओ म़मुयाङ। खोक्‍कोसोओ अ़चुछा आन्‍हाङ्‌पा येसु ख्रिस्‍तएनान यावायोक मुसि खोक्‍कोसाआ खानानिन ऩबुत्‍तिन।

रोमि 1:1

अ़ङ्‌का पावल, येसु ख्रिस्‍तओ अ़चुहारुक, अ़क्‍छा छाम्‍माय़ङ लिसि ऩबुत्‍ताङ ओ, खोन्‍कि निनाम्‍हाङ्‌ओ अ़चुनुय़ङ्‌खान खालुसि ऩछेन्‍ताङ्‌ओ।

छाम्‍माय़ङ 13:2

मोचिआ हाङ्‌पा ब़क्‌याङ्‌सा खोन्‍कि मान्‍चामाङ म़युङाङाओ ग़रि सेङ्‌लावाआ मोचि लोचि, “खाक्‍को काचिओ निम्‍पाङ बारनाबास खोन्‍कि सावल अ़ङ्‌का बुत्‍तुङ्‌युङ्‌सुङ्‌च़ङ, मो काचिदा पाआनुम्‍च़म।”

छाम्‍माय़ङ 9:15

मेन हाङ्‌पाआ हननिया अ़लोवा, “खारा! देकिनालो निरावाचि, हाङ्‌चि खोन्‍कि इस्राएलि म़नाचिओ अ़चुबुदा अ़ङ्‌ऩङ खालुमा निकि खो अ़ङ्‌का छेन्‍तुङ्‌युङ्‌सुङ।

रोमि 8:30

साङ-साङ खोक्‍कोसाआ बुयाङा म़छेन्‍तुचि, मोचि खोक्‍कोसाआ म़बुत्‍तुचिछाङ। खोन्‍कि साङ्‌चि खोक्‍कोसाआ म़बुत्‍तुचि, मोचि खोक्‍कोसाआ साम्‌योक्‍मिछाङ म़काइसुचि, खोन्‍कि साङ-साङ साम्‌योक्‍मि म़काइसुचि, मोचि खोक्‍कोसाआ साम्‍स़रिओछाङ म़मुचि।

रोमि 1:5

आन्‍हाङ्‌पा येसु ख्रिस्‍तलाम्‍पा निनाम्‍हाङ्‌आ आन्‍कान सोमाम़तुक्‍ताकि छाम्‍माय़ङ लिमाओ अ़वाखाम म़पुवायुङ्‌सा, खोन्‌ओसा झारा रावाओ म़नाचि साकोङ्‌छ़ङ्‌दा खोन्‍कि लोमाय़ङ्‌दा तित्‍मा ऱम्‍च़म्‌कि निनाम्‍हाङ्‌ओ अ़चुऩङ अ़लोङ्‌ने।

मत्‍ति 11:26

उवा, आपो, देकिनालो ओवात्‍निङा च़मा खानानिन त़स़न।”

१ पत्रुस 5:10

झारा सोमाकातुक निनाम्‍हाङ्‌आ ख्रिस्‍तदा अ़धुन अ़चुऩङ्‌चोन्‍माओ निम्‍पाङ खानानिन ऩबुत्‍तिन्‌युङ्‌सिन। खानानिन्‌आ अ़क्‍चित्‌तारि दुखा त़आङ्‌तुम्‍चिउम्‌कि खोक्‍कोसाआ खानानिन अ़ऩङ्‌वा ऩलासिन्‍मुन, ऩतोङ्‌सिन, सावापोरिओ ऩमुन, खोन्‍कि ऩतुङ्‌निन्‌ओ छ़ङ्‌दा खानानिन ऩयुङ्‌सिन।

एफिसि 3:11

ओ येसु ख्रिस्‍त आन्‍हाङ्‌पाएदा खोक्‍कोसाआ अ़तासालाओ अ़धुन्‌ओ अ़चुमित्‍चिऩङ्‌वा मुवाङा।

एफिसि 1:9

खोन्‍कि निनाम्‍हाङ्‌आ ख्रिस्‍तदा अ़युङ्‌साओ अ़चुमित्‍चिऩङ्‌वात्‍नि खोक्‍कोसाआ अ़चुकोङ्‌दुम आन्‍कान सिन्‍मा म़पुवायुङ्‌सा।

गलाति 1:6

अ़ङ्‌का अ़दोम्‍ताङ्‌दाङ, ख्रिस्‍तओ अ़चुसोम्‍तुक्‍मादा खानानिन काबुत ओन च़क्‍नि त़छिरुम्‌कि नि य़ङ्‌खान्‌चिह्‍यात्‍नि खानानिन त़वाङिन्‌येन।

१ कोरिन्‍थि 15:10

मेन अ़ङ्‌का देत्‍नि मुङाङा, मो निनाम्‍हाङ्‌ओ अ़चुसोमातुक्‍मालाम्‍पा मुङाङा, खोन्‍कि निनाम्‍हाङ्‌आ अ़ङ्‌का सोमा ऩतुक्‍ताङ्‌ओ सोज्‍जे मान्‍लि। मेन अ़ङ्‌का ना मोचि झाराएदाङ्‌का च़लोक काचि मुवाङ। खोन्‍नुछाङ ओवाको च़लोक काचि मुमा ऱङाओ ना अ़ङ्‌सावाआ माआङ, मेन अ़ङ्‌काएदा कायुङ निनाम्‍हाङ्‌ओ अ़चुसोम्‍तुक्‍माआ ओ।

१ कोरिन्‍थि 1:24

मेन निनाम्‍हाङ्‌आ म़बुत्‍तुचिओ यहुदिचि खोन्‍कि ग्रिक्‌चिओ निकिना ख्रिस्‍तङा निनाम्‍हाङ्‌ओ अ़चुसावा खोन्‍कि निनाम्‍हाङ्‌ओ अ़चुखारु म़युङ्‌याङ।

१ कोरिन्‍थि 1:1

ओ छाप्‍लावा निनाम्‍हाङ्‌आ अ़चुमित्‍चिऩङ्‌लाम्‍पा ख्रिस्‍त येसुओ अ़चुछाम्‍माय़ङ लिसि ऩबुत्‍ताङ्‍ओ अ़ङ्‌का पावल, खोन्‍कि आन्‍काओ निछा सोस्‍थेनेस्‌दाङ्‌का ओ।

लुका 10:21

मोन्‍ग़रिङा येसु सेङ्‌लावाआ म़भेप्‍ताकि ब़द्‍धे अ़चुऩङानुयाङ्‌सा म़य़ङा, “आपो, निनाम्‍मा खोन्‍कि हेन्‍खामादाओ हाङ्‌पा, अ़ङ्‌का खानानिन आलाङ प़नाङ्‌नानिन, देकिनालो खानानिन्‌आ ओ य़ङ्‌चि खारु कातोक खोन्‍कि तायाहाङ्‌पाचिदाङ्‌का त़कुम्‍सुम, खोन्‍कि छाचि मो खाङ्‌त़मेत्‍तुम्‍च़म। उवा, आपो, देकिनालो ओवात्‍निङा च़मा खानानिन त़स़न।

रोमि 9:24

खोक्‍कोसाआ आन्‍कान्‌छाङ मो रुहुप्‌दा म़पाआ। खोक्‍कोसाआ यहुदिचि ओन्‍ङा माआङ, मेन निरावाचिछाङ म़बुत्‍तुयुङ्‌सुचि।

रोमि 8:28

आन्‍कान सिन्‍तुम्‌योम, खोक्‍को सोमाकातुक्‌चि खोन्‍कि खोक्‍कोसोओ अ़चुमित्‍चिऩङ्‌वात्‍नि म़बुत्‍तुचिओचिओ निम्‍पाङ झारा य़ङ्‌चिदा निनाम्‍हाङ्‌आ नुलोक म़मुचि।

१ कोरिन्‍थि 1:21

हेन्‍खामादाओ म़नाचिआ आप्‍पि अ़चुतायाआ निनाम्‍हाङ सिन्‍मा मान्‍ऱअ़दाओसाआ निनाम्‍हाङ्‌ओ अ़चुतायालाम्‍पा आन्‍कान्‍का खालुसुम्‍काओ नुय़ङ्‌खान्‌ओ खामान्‍सिन्‌लाम्‍पा साकोङ्‌छ़ङ कामुचि लेन्‍मा निनाम्‍हाङ्‌आ अ़छ़ङ अ़मुवा।

गलाति 1:1

अ़ङ्‌का पावल, ख्रिस्‍तओ अ़क्‍छा अ़चुछाम्‍माय़ङ, खोक्‍को म़नाचिएदाङ्‌का माङ्‌लो खोक्‍को म़नालाम्‍पा अ़छुत्‍ताओ माआङ, मेन येसु ख्रिस्‍त खोन्‍कि आन्‍निनाम्‍हाङ पापा, साङ्‌आ येसु ख्रिस्‍त म़सुवादाओदाङ्‌का अ़खोन्‍तालोइसा खोक्‍कोसाआङा ऩछुत्‍ताङ्‌ओ।