गलाति 1:10 - बान्‍तावा राई

¹⁰ दि अ़ङ्‌का म़नाचिओ अ़चुचोन्‍मा लामुङ्‌योङ ओ, हे निनाम्‍हाङ ओ? माङ्‌लो दि अ़ङ्‌का म़नाचिओ अ़चुऩङानुमा लाप्‍तुङ्‌योङ्‌च़ङ? मोवात्‍नि च़लोक हान्‍छाङ म़नाचिओ अ़चुऩङानुमा लाप्‍तुङ्‌योङ्‌च़ङ्‌नालो अ़ङ्‌का ख्रिस्‍तओ अ़चुहारुक मान्‍लिङा ओ।

गलाति 1:10 Referans Kwoze

१ थेसलोनिकि 2:4

मेन निनाम्‍हाङ्‌आ आन्‍कान्‍का अ़चुनुय़ङ्‌खान प़मा अ़खान्‍तिन्‍काओ अ़काइसिन्‌युङ्‌सिन्‍का। खोन्‌ओसा आन्‍कान्‍का ओ य़ङ खालुसुम्‍का, म़नाचि अ़चुऩङानुमा निकिना माआङ, मेन निनाम्‍हाङ्‌ओ अ़चुऩङानुमा निकिना ओ, खोक्‍कोसाआ आन्‍काओ साकोङ्‌वा अ़धुन अ़खाङ्‌युङ।

छाम्‍माय़ङ 5:29

मेन पत्रुस खोन्‍कि नि छाम्‍माय़ङ्‌चिआ म़लासुलोचि, “म़नाचिआ लोमाय़ङ माआङ, निनाम्‍हाङ्‌आ लोमाय़ङ आन्‍कान्‍का काङ्‌मादोत।

एफिसि 6:6

म़नाचिओ अ़चुऩङाकानुचिवात्‍नि म़क्‍साम्‌दा ओन्‍ङा खाङ्‌मुमा काचि मान्‍मुदानिन, मेन ख्रिस्‍तओ अ़हारुक्‌चिवात्‍नि झारा आम्‍नुओ साकोङ्‌वाआ निनाम्‍हाङ्‌ओ अ़चुमिन्‍मावा चुवानिन।

याकुब 4:4

ताङ्‌लान कामु म़नाचि ओ, हेन्‍खामाएनान यावाकामु ना निनाम्‍हाङ्‌ओ अ़चुङेङ्‌ओनि दि खानानिन त़सिन्‍तिमिन्‌येन? खोन्‌ओसा साङ हेन्‍खामाओ अ़यावा लिमा लाम, मो निनाम्‍हाङ्‌ओ अ़चुङेङ लि।

मत्‍ति 22:16

फरिसिचिआ अ़चुकाखेङ्‌पाचि हेरोदि रुहुप्‌दाओ म़नाचिएनान खोक्‍कोएदा म़खाइसुचि। मोचि म़य़ङा, “काचिन्‍पो, आन्‍कान्‍का सिन्‍तुम्‌योम्‍का, खानानिन अ़नुवाक त़मुन्‌येन, खोन्‍कि निनाम्‍हाङ्‌ओ अ़चुलाम अ़छ़ङ खात़चिन्‍तिन, खोन्‍कि खानानिन साङ्‌एदाङ्‌काछाङ त़क़सिमिन, देकिनालो खानानिन म़नाचि खाङ्‌याङ्‌सा काचि त़मुन्‍मिन।

कलस्‍सि 3:22

हारुक्‌चि ओ, झारा य़ङ्‌चिदा ओ हेन्‍खामादाओ आम्‍नुओ हाङ्‌पाचिआ ऩलोन्‌वा चुवानिन। अ़चुओ म़क्‍साम्‌दा ओन्‍ङा खाङ्‌मुमा काचि मान्‍मुदानिन, मेन अ़नुछ्‍याओ साकोङ्‌वाआ अ़धुन अ़चुओ ऩङानुसानुम्‍च़म। मोवात्‍नि हाङ्‌पा निनाम्‍हाङ्‌ओ अ़चुसाया मेत्‍तानुम।

रोमि 2:29

मेन साङ अ़कोङ्‌याङ्‌काओ यहुदि ओ, मोङा यहुदि ओ। खोन्‍कि साङ अ़साकोङ्‌वादा सेङ्‌लावालाम्‍पा मुवाओ सिप्‍मायाम्‍बुन्‌ङा अ़नुछ्‍याओ सिप्‍मायाम्‍बुन ओ, छाप्‍माय़ङ य़ङ्‌हुप त़ङ्‌तुम्‌कि अ़नुनिन, ओवाको म़नाओ अ़चोन्‍माय़ङ म़नाचिदाङ्‌का माआङ, मेन निनाम्‍हाङ्‌दाङ्‌का लि।

१ युहन्‍ना 3:9

झारा निनाम्‍हाङ्‌दाङ्‌का म़लिसाओचिआ हेवा ऩमुनिन्‌युङ्‌निन, देकिनालो खोक्‍कोएदा निनाम्‍हाङ्‌ओ अ़चुच़माथाङ्‌मा याक, खोन्‍कि खो हेवा मुमायुङ्‌माङा अ़ऱनिन, देकिनालो खो निनाम्‍हाङ्‌एदाङ्‌का लिसाओ।

२ कोरिन्‍थि 12:19

दि खानानिन त़मित्‍तुम्‌युङ्‌सुम्‌योम, ओन्‌तारि आन्‍कान्‍का आम्‍नुओ बुदा आन्‍कान्‍का आप्‍पि रात्‍तिन्‌येन्‍चिन्‍का ओ? सोमातुक्‍नाङ्‌नानिन्‌ओ यावाचि ओ, आन्‍कान्‍का निनाम्‍हाङ्‌ओ अ़चुबुदा ख्रिस्‍तओ अ़चुपाङ्‌आ चेविन्‌येन्‍का, खोन्‍कि झारा खानानिन काछो मुमा निम्‍पाङ ओ।

रोमि 2:8

मेन आप्‍पि खाङ्‌मान्‍चिन मिन्‍मा म़मुयाङ्‍ओचि, अ़छ़ङ य़ङ मान्‍काङ्‌कादा खोन्‍कि अ़अ़त्‍पादा काकोन्‍चिएदा अ़चुच़ऱपा खोन्‍कि अ़चुमाइसुङ छुक।

रोमि 1:1

अ़ङ्‌का पावल, येसु ख्रिस्‍तओ अ़चुहारुक, अ़क्‍छा छाम्‍माय़ङ लिसि ऩबुत्‍ताङ ओ, खोन्‍कि निनाम्‍हाङ्‌ओ अ़चुनुय़ङ्‌खान खालुसि ऩछेन्‍ताङ्‌ओ।

१ कोरिन्‍थि 10:33

अ़ङ्‌काछाङ झाराकापाराआ झारासोओ अ़चुऩङानुमा काचि मुङाङा। अ़ङ्‌नुलोक अ़ङ्‌का अ़लाम्‍ऩङ, मेन ब़द्‍धेसोओ नुलोक लामुङ, खोन्‌ओसा मोचि म़लेन्‍ने।

मत्‍ति 28:14

धिखाहुप काखाङ्‌ओ अ़नाबाक्‌दा ओ य़ङ तालानालो आन्‍कान्‍का खो अ़सोम्‍सेत्‍तुम्‍काकि खानानिन रात्‍नि।”

छाम्‍माय़ङ 12:20

हेरोद हाङ तुरोस खोन्‍कि सिदोन सहरादाओ म़नाचिएदा ब़द्‍धे अ़माइसुङ कारायुङ्‌सा। मेन खोसोओ अ़हेन्‍कोप्‌दाङ्‌काङा तुरोस खोन्‍कि सिदोन्‌दाओ म़नाचिआ चामायु खात्‍मादोराङा। खोन्‌ओसा खोचि अ़क रुहुप म़लिसाकि खो तुप्‍सि म़खारा। बुया हाङ्‌आ सोम्‍कुवा मुओ अ़काचि काफा बलस्‍तस अ़सोन्‍ताकि तोङ्‌मा निकिना फाम़लुवा।

मत्‍ति 6:24

साङ्‌आछाङ ह़वाङ अ़हाङ्‌पाचि ब़त्‍मा अ़ऱन्‍चिन। देकिनालो मोसाआ अ़क्‍छा ऩङाछिरु, खोन्‍कि नि सोमातुक्‍तु, माङ्‌नालो मोसाआ अ़क्‍छा साया मेत्‍तु खोन्‍कि नि साया पेप्‍तु। खानानिन्‌आ निनाम्‍हाङ खोन्‍कि चासुम्‍छेन्‍बि ह्‍वातात्‍माङ ब़त्‍मा त़ऱन्‍मिन।

फिलिप्‍पि 1:1

ओ छाप्‍लावा ख्रिस्‍त येसुओ अ़चुहारुक्‌चि पावल खोन्‍कि तिमोथिदाङ्‌का ओ। ख्रिस्‍त येसुदा अ़क्‍भोम त़लिसिन्‌ओ फिलिप्‍पिदा कायुङ धिताङ्‌पाचि खोन्‍कि साम्‍भुङ काफापाचि झारा निनाम्‍हाङ्‌ओ अ़चुम़नाचि अ़ङ्‌का छाप्‍तुङ्‌योङ्‌ओ।