30 देकिनालो आन्कान खोक्कोसोओ अ़चुपोक्ओ अ़चुफुत्चि ओ।
आम्नुओ पोक ख्रिस्तओ अ़चुधाङ्चिओ निकिना दि खानानिन त़सिन्तिमिन्येन? खोन्नालो दि अ़ङ्का ख्रिस्तओ अ़चुधाङ खात्माकि काचान्चामाएनान अ़क्तात मुमा? ओ देम्खाछाङ लिमा अ़ऱनिन!
मोवात्निङा, आन्कान ब़द्धे याइन्येन्नुछाङ आन्कान ख्रिस्तदा अ़क पोक मुन्येन, खोन्कि झारा अ़क्छा निओ पोक्फुत्चि ओ।
मो साम्भुङ खोक्कोसोओ अ़चुपोक ओ, मो खोक्कोसोओ अ़चुह़ङ्म़ङ्आ अ़भेम, खोन्कि खोक्कोसाआङा झारा य़ङ झाराकापाराआ अ़ताला।
ख्रिस्त ताङ्ओनुछाङ मोचि खोक्कोएनान मान्चोक्म़युक। खोसाआ सावाऱक खोन्कि अ़तुम्चिलाम्पा पोक्दा दोत्याङ्ओ झारा खाइसुकि झारा पोक्फुत्चि अ़क्नि लाउचि। खोन्कि मो पोक निनाम्हाङ्ओ अ़चुमिन्मावा पोन।
देकिनालो खाक्कोछाङ म़नाआ देम्खाछाङ आप्पि अ़पोक अ़चिप्मा अ़कात्तुन, मेन मोसाआ चामायु प़, खोन्कि मो खा खोन्कि मोवात्निङा ख्रिस्तआछाङ अ़चुसाम्भुङ्ओ निम्पाङ अ़मु।
