कलस्‍सि 3:6 - बान्‍तावा राई

⁶ ओ अ़अ़त्‍पा य़ङ्‌चिओ अ़तुक्‌वाआ निनाम्‍हाङ्‌ओ अ़चुच़ऱपा लोमावा मान्‍च़कादाचिएदा तायाङ।

कलस्‍सि 3:6 Referans Kwoze

एफिसि 5:6

साङ्‌आछाङ खानानिन सोज्‍जेओ य़ङ्‌आ ऩधान्‍तिमिन्‍ने, देकिनालो मो य़ङ्‍ओ अ़तुक्‌वाआ लोमान्‍तेत्‍चिएदा निनाम्‍हाङ्‌ओ अ़चुच़ऱपा छुक।

रोमि 1:18

निनाम्‍हाङ्‌ओ अ़चुच़ऱपा झारा म़नाचिओ अ़चुहेवा खोन्‍कि अ़चुओ अ़अ़त्‍पाओ अ़देङ्‌सालाप्‍पादा निनाम्‍मादुङ्‌का खाङ्‌मुसायुङ्‌सा। मो अ़चुओ अ़अ़त्‍पा काचिआ अ़छ़ङ तिमुयुङ्‌सु।

१ पत्रुस 1:14

खानानिन लोमावा काच़ छाचिओसा बुया मान्‍सिन्‍त़दोम्‌योम्‌हिदाओ अ़अ़त्‍पा मिन्‍माचिदा मान्‌वाङ्‌दानिन।

खाङ्‌मुमा 22:15

मेन मो सहरा बुङ्‌खाया ना कुतिवाचि, म़क्‍फेङ कामुचि, पोप्‍कापोप कामुचि, म़ना कासेत्‌चि, सेम्‍पोक काब़क्‌चि खोन्‍कि सोज्‍जेओ ऩङाकानुचि खोन्‍कि मोवात्‍निङा काच़चि म़युङ।

२ पत्रुस 2:14

मोचिओ अ़चुम़क अ़धुन्‌ङा काचान्‍चा चेत्‍छामाचिएदा अ़पाक खोन्‍कि हेवा मुमादाङ्‌का देम्‍खाछाङ अ़चुसोम अ़स़निन। मोचिआ चाप्‍चिरोङ म़नाचि थालिदा म़धान्‍तुचि। मोचिओ अ़चुसाकोङ्‌वा च़क्‍ख़य़ मुमा म़चिन्‍तुयुङ्‌सुचि। मोचिएदा निनाम्‍हाङ्‌ओ अ़चुमाङ्‌हिम छुक।