कलस्‍सि 3:12 - बान्‍तावा राई

¹² ओवात्‍नि निनाम्‍हाङ्‌आ ऩछेन्‍तिन्‌ओ सेङ्‌याङ्‌ओकि सोमा ऩतुक्‍तिन्‌ओ म़नाचि त़लिसिन्‌ओसा खानानिन नोत्‍चिचिवाओ, सोमाकातुक, अ़नुवाक, कासिम्‍नान्‍चिन खोन्‍कि काहुङ लिसानिन।

कलस्‍सि 3:12 Referans Kwoze

एफिसि 4:32

निनाम्‍हाङ्‌आ ख्रिस्‍तदा खानानिन ऩलेत्‍तिन्‌वात्‍निङा अ़क्‍छा निएदा लेत्‍मुवानिन, खोन्‍कि खानानिन अ़क्‍छा निएदा अ़नुवाक साकोङ्‌वा खोन्‍कि सोमाकातुक लिसानिन।

एफिसि 4:2

अ़धुन सिम्‍नान्‍चिन्‍सा, सोत्‍सोत्‌वालिसा खोन्‍कि हुङ्‌याङ्‌सा अ़क्‍छाआ नि सोमातुक्‍मादा आङ्‌याङ्‌सा,

१ युहन्‍ना 4:19

आन्‍कान सोमातुक्‍मुन्‌येन, देकिनालो बुया निनाम्‍हाङ्‌आ आन्‍कान सोमाम़तुक्‍ता।

कलस्‍सि 3:10

खोन्‍कि ओन्‍ग़रि अ़ऩङ्‌वा ह़ङ्‌म़ङ त़लोउम्‌युङ्‌सुम। खानानिन च़लोक आम्‍नुओ कामुन्‍पाओ अ़चुकात्‍मावा लियाङ्‌सा त़खारिन्‌येन, खोन्‍कि खोक्‍को नुलोक त़तुप्‍तुम।

२ पत्रुस 1:10

खोन्‌ओसा, ब़ब़, नाना खोन्‍कि निछाचि ओ, खानानिन बुत्‍माय़ङ खोन्‍कि छेन्‍माय़ङ अ़छ़ङ मुमाओ निम्‍पाङ च़लोक राक मुवानिन, देकिनालो खानानिन मोवात्‍नि त़च़न्‌नालो खानानिन देम्‍खाछाङ त़धाम्‍सिमिन।

१ थेसलोनिकि 5:15

खानुम, साङ्‌छाङ अ़त्‍लोओ अ़फान्‌दा अ़त्‍लो अ़च़निन्‍ने, मेन अ़क्‍छा निएदा खोन्‍कि झारा म़नाचिएनान अ़धुन नुलोक च़मालामानिन।

२ कोरिन्‍थि 6:6

आन्‍कान्‍का सेङ्‌मादा, तायादा, हुङ्‌मादा, सोम्‍तुक्‍मादा, सेङ्‌लावादा, अ़नुछ्‍याओ सोम्‍तुक्‍मादा,

गलाति 5:6

ख्रिस्‍त येसुएदा सिप्‍मायाम्‍बुन पाक्‍तुम्‌नुछाङ अ़पाक्‍तिमिन्‌नुछाङ मो अ़च़वाङ य़ङ माआङ। मेन साकोङ्‌छ़ङ सोमातुक्‍मालाम्‍पा खाङ्‌मु।

१ पत्रुस 1:2

निनाम्‍हाङ पापाआ बुयादाङ्‌का खानानिन ऩसिन्‍तिन्‌कि ऩछेन्‍तिन, खोन्‍कि अ़चुलावालाम्‍पा खानानिन सेङानिन। खोन्‌ओसा निनाम्‍हाङ्‌ओ अ़चुलोमाय़ङ्‌वा खानानिन चुवानिन, खोन्‍कि येसु ख्रिस्‍तओ अ़चुह़आ रेप्‍तानिन्‍चिन। खानानिन्‌एदा सोम्‍तुक्‍मा खोन्‍कि सेवाङ्‌नि च़लोक पोन्‌याङ्‌सा खात्‍ने।

२ तिमोथि 2:10

खोन्‌ओसा निनाम्‍हाङ्‌आ म़छेन्‍तुचिओचिओ निम्‍पाङ झारा य़ङ अ़ङ्‌का आङ्‌तुङ, मोवात्‍नि मोचिआछाङ अ़धुन साम्‌एनान येसु ख्रिस्‍तएदा याक्‌याङ्‌ओ लेन्‍मा अ़तोक्‍ने।

रोमि 1:7

रोम्‌दा कायुङ खानानिन झारा अ़ङ्‌का छाप्‍नाङ्‌नानिन, निनाम्‍हाङ्‌आ सोमाऩतुक्‍तिन्‌येन्‌ओचि, खानानिन निनाम्‍हाङ्‌ओ अ़चुम़नाचि लिसि ऩबुत्‍तिन्‌युङ्‌सिन: आन्‍पापा निनाम्‍हाङ खोन्‍कि हाङ्‌पा येसु ख्रिस्‍तएदाङ्‌का खानानिन्‌आ सोम्‍तुक्‍मा खोन्‍कि सेवाङ्‌नि त़तोक्‍तुम्‍ने।

तितस 1:1

अ़ङ्‌का पावल निनाम्‍हाङ्‌ओ अ़चुहारुक खोन्‍कि ख्रिस्‍त येसुओ छाम्‍माय़ङ्‌आ ओ छाप्‍लावा छाप्‍तुङ्‌योङ। निनाम्‍हाङ्‌आ म़छेन्‍तुचिओचिओ अ़चुसाकोङ्‌छ़ङ पोइसि खोन्‍कि निनाम्‍हाङ्‌ओ अ़ऩङानुओ अ़छ़ङ य़ङ म़नाचिआ तुप्‍मा निकि फासि निनाम्‍हाङ्‌आ अ़ङ्‌का ऩछाम्‍साङ।

मत्‍ति 24:31

खोक्‍कोसाआ निनाम्‍हाङ काफाचि थुथुरिओ अ़धिवो अ़साङ्‌माएनान म़छुत्‍तुचि, खोन्‍कि मोचिआ हेन्‍खामादाओ अ़क च़क्‌दाङ्‌का नि च़क्‌तारिओचि झारादात्‍निओ निनाम्‍हाङ्‌आ म़छेन्‍तुचिओचि म़कोउचि।

लुका 18:7

निनाम्‍हाङ्‌आ म़छेन्‍तुचिओचिआ अ़खाखुत-अ़खोलेन छुक म़फाङ्‍ओ य़ङ्‌दा दि खोक्‍कोसाआ छ़ङ ऩछेन्‍तुन्‍प़न्‍चिन कि? खोन्‍कि दि मोचिओ निकि खोक्‍को स़लेनि म़च़ कि?

लुका 1:78

आन्‍निनाम्‍हाङ ब़द्‍धे सोमाकातुक म़युङ्‌याङ, खोन्‌ओसा खोक्‍कोसाआ लोन्‌याङ्‍ओ नाम्‍साम निनाम्‍माचोक्‌दुङ्‌का आन्‍कान्‌एदा अ़य़।

मर्कुस 13:27

खोन्‍कि खोक्‍कोसाआ निनाम्‍हाङ काफाचि म़छुत्‍तुचिकि झारा हेन्‍खामादाओ खोन्‍कि नाम्‍छ़ऱदु अ़क्‍च़क्‌दाङ्‌का नि च़क्‌तारिओचि झारादात्‍निओ निनाम्‍हाङ्‌आ म़छेन्‍तुचिओचि म़कोउचि।

एफिसि 4:24

खोन्‍कि निनाम्‍हाङ्‌ओ अ़चुकात्‍मादा अ़नुछ्‍याओ साम्‌योक्‍मि खोन्‍कि सेङ्‌माय़ङ्‌दा मुयाओ अ़ऩङ्‌वा च़माथाङ्‌मा लोआनुम।

२ तिमोथि 1:9

खोक्‍कोसाआ आन्‍कान म़लेइसा, खोन्‍कि सेङ्‌याङ्‌ओ ह़ङ्‌म़ङ ह़ङ्‌सि आन्‍कान म़बुत्‍ता। आन्‍कान अ़नुवाक काचिचि मुन्‌ओसा माआङ, मेन खोक्‍कोसोओ आप्‍पिओ अ़नुवाक मित्‍चिऩङ खोन्‍कि सोमातुक्‍माआ ओ। मो सोमातुक्‍मा खोक्‍कोसा ख्रिस्‍त येसुलाम्‍पा अ़पुङ्‌चिपुक्‌दाङ्‌का बुयाङा आन्‍कान म़पुवा।

फिलिप्‍पि 1:8

येसु ख्रिस्‍तआ खानानिन देत्‍नि सोमाऩतुक्‍तिन, मोवात्‍निङा अ़ङ्‌काछाङ खानानिन झारा सोमातुक्‍नाङ्‌नानिन निकिना निनाम्‍हाङ अ़ङ्‌सालुम्‍स़ङ म़युङ्‌याङ।

एफिसि 1:4

निनाम्‍हाङ्‌ओ अ़चुबुदा सेङ्‌याङ्‌ओ खोन्‍कि थुपि मात्‍द़ङ्‌ओ लिसिन्‍ने निकिना हेन्‍खामा मुन्‍मा बुयाङा आन्‍कान सोमाम़तुक्‍ताकि ख्रिस्‍तएदा आन्‍कान म़छेन्‍ता।

रोमि 9:11

खोन्‍कि काप्‍छाले छाचि तोक्‍मा बुया, मोचिआ अ़नुवाक माङ्‌लो अ़अ़त्‍पा च़मा बुयाङा, काचिआ माआङ, मेन खोक्‍कोसाआ म़बुत्‍तुचिवा निनाम्‍हाङ्‌आ म़छेन्‍तुचिओ कान्‍ने निम्‍पाङ,

मर्कुस 13:22

देकिनालो सोज्‍जेओ ख्रिस्‍तचि, खोन्‍कि सोज्‍जेओ निनाम्‍हाङ्‌य़ङ खाकालुचि म़लोन, खोन्‍कि लिमा ऱनालो छेन्‍माय़ङ्‌चिछाङ थेम्‍माखात्‍माचि निम्‍पाङ बुन्‌चि खोन्‍कि म़दोम्‍दाओ काचिचिछाङ म़मुचि।

मर्कुस 13:20

हाङ्‌पा निनाम्‍हाङ्‌आ मो लेन्‌चि मान्‍दुन्‍म़दोचिओ खाङ्‌दे साङ्‌छाङ ह़ङ्‌मा मान्‍ऱचिओ। मेन म़छेन्‍तुचिओ म़नाचिओ निम्‍पाङ निनाम्‍हाङ्‌आ मो लेन्‌चि म़दुइसुचि।

मत्‍ति 24:22

मो लेन्‌चि मान्‍दुन्‍म़दोचिओ खाङ्‌दे साङ्‌छाङ ह़ङ्‌मा मान्‍ऱचिओ, मेन निनाम्‍हाङ्‌आ म़छेन्‍तुचिओ म़नाचिओ निम्‍पाङ मो लेन्‌चि म़दुइसुचि।

खाङ्‌मुमा 17:14

मोचि थुबाछाओ अ़चुदेङ्‌सालाप्‍पादा ङेन म़मु, मेन थुबाछाआ मोचि हाराम़चात्‍तुचि, देकिनालो खोक्‍को हाङ्‌पाचिओ अ़चुहाङ्‌पा खोन्‍कि हाङ्‌चिओ अ़चुहाङ म़मुयाङ। साङ्‌चिआ थुबाछा अ़त़ङ मोचि खोक्‍कोसाआ म़बुत्‍तुचिओचिओ खोन्‍कि म़छेन्‍तुचिओचिओ खोन्‍कि सोम्‍कुवा कामुचिओचि ओ।”

२ युहन्‍ना 1:13

निनाम्‍हाङ्‌आ अ़छेन्‍ताओ आम्‍निछामाओ अ़छाचिआछाङ खाना सेवा ऩछोक्‍तायुङ्‌सा।

मत्‍ति 24:24

देकिनालो सोज्‍जेओ ख्रिस्‍तचि, खोन्‍कि सोज्‍जेओ निनाम्‍हाङ्‌य़ङ खाकालुचि म़लोन, खोन्‍कि लिमा ऱनालो छेन्‍माय़ङ्‌चिछाङ थेम्‍माखात्‍माचि निम्‍पाङ अ़धिवो बुन्‌चि खोन्‍कि म़दोम्‍दाओ काचिचिछाङ म़मुचि।

रोमि 13:14

मेन हाङ्‌पा येसु ख्रिस्‍तओ अ़मात्‍ऩङ त़ङ्‌तानुम खोन्‍कि हेवामि च़माथाङ्‌माओ मित्‍माचिदा देत्‍नि सोम्‍सेत्‍मान्‍चिन्‌ओ अ़तुक्‌वादा मिन्‍मा मान्‍पाक्‍दानुम।

१ कोरिन्‍थि 13:4

सोम्‍तुक्‍मा हुङ्‌मा काऱ खोन्‍कि फामामिन्‍मा मु, सोम्‍तुक्‍मा ऩङ्‌च़ अ़मुनिन, ना ऱक्‍भाक्‌ङा मु ना तोक्‍पो लि।