कलस्‍सि 1:12 - बान्‍तावा राई

¹² खोन्‍कि साम्‌ओ हाङ्‌होन्‌दा आन्‍कान निनाम्‍हाङ्‌ओ अ़चुम़नाचि लिमा काऱ कामु निनाम्‍हाङ पापा आलाङ पुवानुम।

कलस्‍सि 1:12 Referans Kwoze

छाम्‍माय़ङ 20:32

हान अ़ङ्‌का खानानिन निनाम्‍हाङ्‌ओ खोन्‍कि खोक्‍कोसोओ अ़चुसोम्‍तुक्‍माओ य़ङ्‌दा पाक्‍नाङ्‌नानिन। निनाम्‍हाङ्‌ओ अ़चुय़ङ्‌आ खानानिन येसुएदा साकोङ्‌छ़ङ नुलोक मुमा त़ऱन्‍ने खोन्‍कि म़सेङ्‌सुचिओ झारा म़नाचिओ अ़चुरादा खानानिन आसिखा ऩप़न्‍ने।

एफिसि 1:11

खोक्‍कोसोओ अ़चुमित्‍चिऩङ्‌वा झारा य़ङ्‌चि खोक्‍कोसोओ अ़चुमिन्‍माओ यायोक्‌वा म़तासुलाचि।

एफिसि 1:18

अ़ङ्‌का ओसोओ निम्‍पाङ्‌छाङ यामात्‍ङा, आम्‍नुओ साकोङ्‌वादाओ म़क छेङ्‌छेङ्‌छेङ्‌वा लिने, खोन्‍कि दिसु सोम्‍कुवाओ निम्‍पाङ खोक्‍कोसाआ खानानिन ऩबुत्‍तिन्‌युङ्‌सिन, खोन्‍कि निनाम्‍हाङ्‌ओ अ़चुम़नाचिएदा खोक्‍कोसोओ साम्‍स़रिओ पाङ्‌यि तोक्‍माओ चासुम्‍छेन्‍बि दि ओ, मो खानानिन्‌आ सिन्‍मा त़ऱम।

छाम्‍माय़ङ 26:18

खाना मोचि निनाम्‍हाङ्‌ओ अ़चुय़ङ चिन्‍तुचि, खोन्‍कि कुइयामादाङ्‌का उयाङ्‌ओदाकि सैतानाओ अ़सावादाङ्‌का निनाम्‍हाङ्‌एदा म़लाने। खोन्‍किना मोचि अ़ङ्‌काएदा मोचिओ अ़चुहेवाचि निनाम्‍हाङ्‌आ म़लेत्‍तुप़चिकिना अ़ङ्‌काएदाओ साकोङ्‌छ़ङ्‌लाम्‍पा म़सेङाकि निनाम्‍हाङ्‌आ म़छेन्‍तुचिओ म़नाचिओ अ़चुरादा मोचिआ युङ्‌मा अ़तोक।’

एफिसि 3:6

निनाम्‍हाङ्‌ओ अ़चुमित्‍चिऩङ ओङा ओ, नुय़ङ्‌खान्‌लाम्‍पा निरावाचि अ़क्‍नि यहुदिचिएनान पाङ्‌यि कातोक्‌चि ओ, अ़क्‌तात पोक्‌ओ पोक्‍फुत्‌चि ओ, खोन्‍कि ख्रिस्‍त येसुदाओ हिप्‍माय़ङ अ़क्‍नि कातोक्‌चि ओ।

२ कोरिन्‍थि 5:5

आन्‍कान्‍का ओ स़दाओ पोक्‌दाङ्‌का अ़स़निन्‍दानिन्‌ओ ह़ङ्‌म़ङ काचुम्‍प़ निनाम्‍हाङ ओ। खोक्‍कोसाआ चिनोयाङ्‌वात्‍नि सेङ्‌लावा आन्‍कान्‍का ऩप़न्‌युङ्‌सिन्‍का।

रोमि 8:17

हान आन्‍कान अ़चुछाचि ओनालो आन्‍कान अ़चुपाङ्‌यिचिछाङ ओ। अ़नुछ्‍याङा निनाम्‍हाङ्‌ओ अ़चुपाङ्‌यि खोन्‍कि ख्रिस्‍तएनान अ़क्‍नि पाङ्‌यिचि ओ। खोक्‍कोएनान अ़क्‍नि आन्‍कान दुखा आङ्‌तुम्‌नालो आन्‍कान खोक्‍कोओसो अ़चुसाम्‌छाङ तोक्‍तुम।

हिब्रु 3:14

ओवात्‍नि आन्‍कान बुयाओदु अ़चुम़नाचि लिसिन्‌दाङ्‌का आन्‍सोम्‍कुवा देङ्‌दातारि नुलोक क़क्‍तुम्‌युङ्‌सुम्‌नालो आन्‍कान ख्रिस्‍तओ अ़चुयावाचि ओ।

युहन्‍ना 14:6

येसुआ अ़लासालोवा, “लाम, अ़छ़ङ खोन्‍कि ह़ङ्‌म़ङ अ़ङ्‌काङा ओ। अ़ङ्‌काएदाङ्‌का नि साङ्‌लाम्‍पाछाङ अ़ङ्‌पापाएदु खात्‍मा अ़ऱनिन।

खाङ्‌मुमा 21:23

मो सहरा उप्‍मा निम्‍पाङ नाम खोन्‍कि लादिप्‍मा मान्‍दोत्‌याङ देकिनालो निनाम्‍हाङ्‌ओ अ़चुसाम्‌आङा मो सहरा अ़उप खोन्‍कि थुबाछाङा मो सहराओ अ़कुपि ओ।

हिब्रु 12:23

खानानिन बुया म़लिसाओचिओ निनाम्‍मादुओ अ़चुयायोक्‍खादा त़तान्‌युङ्‌सिन। मोचिओ अ़चुऩङ निनाम्‍मादु छाप्‍तायुङ्‌सा। मोचि अ़च़क़ल़क मुमाय़ङ साम्‌योक्‍मि म़नाचिओ अ़चुलावा ओ। खानानिन झारा म़नाचि छ़ङ्‌काछेन निनाम्‍हाङ्‌एदा त़तान्‌युङ्‌सिन।

कलस्‍सि 2:2

मोचिआ अ़चुसाकोङ्‌वादा राक अ़तोक्‍ने, खोन्‍कि सोम्‍तुक्‍मादा अ़क्‍नि म़लिने निकिना अ़ङ्‌का ओ दुखा मुङ्‌योङ्‌ओ। मोचिआ निनाम्‍हाङ्‌ओ अ़चुकोङ्‌दुम्‌ओ ताया सिन्‍मादा मोचि नुछ्‍याङा अ़छ़ङ म़लिनेनि मिन्‍ङाङा। मो कोङ्‌दुम ख्रिस्‍त आप्‍पि ओ।

एफिसि 5:20

अ़धुन झारा य़ङ्‌चिओ निम्‍पाङ आन्‍हाङ्‌पा येसु ख्रिस्‍तओ अ़चुऩङ्‌दा निनाम्‍हाङ पापा आलाङ पुवानुम।

१ कोरिन्‍थि 8:6

मेन आन्‍को निम्‍पाङ अ़क्‍छा ओन्‍ङा निनाम्‍हाङ पापा म़युङ्‌याङ। खोक्‍कोङा झारासोओ कामुन्‍पा म़युङ्‌याङ खोन्‍कि खोक्‍कोसोओ निम्‍पाङ आन्‍कान ह़ङिन। अ़क्‍छा ओन्‍ङा आन्‍हाङ्‌पा, येसु ख्रिस्‍त म़युङ्‌याङ। खोक्‍कोलाम्‍पाङा झारा य़ङ्‌चि अ़मुया खोन्‍कि खोक्‍कोलाम्‍पाङा आन्‍कान ह़ङिन।

रोमि 15:27

ओ छुक्‍दाम निरावाचिआ अ़चुऩङानुयाङ्‌सा अ़कोआ खोन्‍कि मोचिआ अ़नुछ्‍याङा मो काचि मुमादोत, देकिनालो निरावाचि यहुदिचिओ अ़चुलावामि आसिखाचिदा म़होलायुङ्‌सानालो निरावाचिआछाङ हेन्‍खामादाओ आसिखाचिलाम्‍पा यहुदिचि फामाचिदोत।

याकुब 3:9

ओ लेम्‌आ आन्‍कान हाङ्‌पा खोन्‍कि निनाम्‍हाङ पापा चोन्‍तुम्‌योम, खोन्‍कि ओ लेम्‌आङा आन्‍कान निनाम्‍हाङ्‌ओ अ़चुकात्‍मादा म़मुयुचिओ म़नाचि माङ्‌हिम्‍सुम्‍च़म।

हिब्रु 3:1

खोन्‌ओसा निनाम्‍हाङ्‌आ ऩबुत्‍तिन्‌ओ त़सेङियेन्‌ओ अ़ङ्‍ब़ब़, नाना, खोन्‍कि निछाचि ओ, निनाम्‍हाङ्‌आ अ़छाम्‍साओ खोन्‍कि मुलो काब़क्‍पानि आन्‍कान य़ङिन्‌ओ येसु मित्‍तानुम।

कलस्‍सि 3:17

दे-दे त़य़ङिन, दे-दे त़च़न, मो झारा हाङ्‌पा येसुओ अ़चुऩङ्‌दा खोक्‍कोलाम्‍पा निनाम्‍हाङ पापा आलाङ प़याङ्‌सा मुवानुम।

कलस्‍सि 3:15

अ़नुछ्‍या, खानानिन सेवाङ्‌निओ निम्‍पाङ अ़क्‌तात पोक्‌दा त़बुत्‍तिन्‌ओ। ख्रिस्‍तआ प़माय़ङ सेवाङ्‌निआ आम्‍नुओ साकोङ्‌वादा हाङ मुने। खोन्‍कि आलाङ्‌मि लिसानिन।

एफिसि 5:4

खाक्‍कोछाङ चिप्‍माकात्‍तुओ य़ङ, खामान्‍सिन चेप्‍मा माङ्‌लो सोज्‍जेओ चुत्‍माय़ङ अ़मुन्‍मिन्‍ने। ओ य़ङ्‌चिआ खानानिन त़खान्‍तिमिन, मेन खानानिन्‌आ निनाम्‍हाङ आलाङ प़मादोत।

एफिसि 4:6

आन्‍कान झारासोओ अ़क्‌तात आन्‍निनाम्‍हाङ खोन्‍कि आन्‍पापा, खोक्‍को आन्‍कान झाराएदा हाङ म़मु खोन्‍कि झाराएदा काचि म़मु खोन्‍कि झाराएदा म़याक।

१ कोरिन्‍थि 9:23

नुय़ङ्‌खान्‌ओ आसिखाचिदा वाङ्‌मा ऱङाने निकिना नुय़ङ्‌खान्‌ओ निम्‍पाङ अ़ङ्‌का ओ झारा मुङ्‌च़ङ।

रोमि 11:17

इस्राएलि म़नाचि जैतुनाओ अ़खेत्‌चिवाकोचिओ खोन्‍कि अब्राहाम, इसाक खोन्‍कि याकुब मो स़ङ्‌ताङ्‌ओ अ़भेन्‍चिवाको ओ। देम अ़खेत्‌चि म़ओराखारावात्‍नि देम यहुदिचिछाङ निनाम्‍हाङ अ़छिरादाकि म़खारा। मेन खाना निरावा खोक्‍लिदाओ स़ङ्‌ताङ्‌ओ अ़क्‌तात अ़खेत, मो जैतुन्‌ओ अ़खेत्‌दा त़चोक्‍तायुङ्‌सा। मोवात्‍नि हान खाना अ़क्‌तात अ़भेन्‌दाङ्‌का सावा खोन्‍कि ह़ङ्‌म़ङ्‌ओ आसिखा त़तोक्‍तु।

रोमि 9:23

उवा, साम्‌ओ निम्‍पाङ बुया म़चुम्‍सुचिओ, खोन्‍कि खोक्‍कोसाआ सोमा म़तुक्‍तुचिओचि, ब़द्‍धे अ़चुऩङ्‌लोङ्‌मा खाङ्‌मेत्‍माचि निकिना खोक्‍कोसाआ ओवात्‍नि अ़मुवा।

युहन्‍ना 20:17

येसुआ मो अ़लोवा, “अ़ङ्‌का मान्‍लाप्‌युङ्‌दाङ, देकिनालो अ़ङ्‌का ओन्‍ग़रितारि निनाम्‍हाङ पापाएदु मान्‍खात्‌युक्‍ङा। अ़ङ्‌निछाचिएदा खाराकि मोचि खाएत्‍तुचि, ‘अ़ङ्‌पापा खोन्‍कि आम्‍नुओ पापा खोन्‍कि अ़ङ्‌निनाम्‍हाङ खोन्‍कि आम्‍नुओ निनाम्‍हाङ्‌एदा खात्‍ङाङा।’”

युहन्‍ना 4:23

मेन ग़रि तायाङ, खोन्‍कि मो ग़रि ओन्‍ग़रिङा ओ, खोन्‍कि अ़छ़ङ काब़क्‌चिआ लावादा खोन्‍कि अ़छ़ङ्‌दा पापा निनाम्‍हाङ अ़ब़क। देकिनालो ओवाको काब़क्‌चिङा पापा निनाम्‍हाङ्‌आ म़लामुचि।

मत्‍ति 25:34

खोन्‍किना हाङ्‌आ अ़चुचुप्‍ताङ्‌छुक्‍लिप्‍पाओचि म़लोचि, ‘बानानिन, अ़ङ्‌पापाओ अ़चुआसिखा कातोक्‌चि ओ! हेन्‍खामा मुन्‍माय़ङ ग़रिदाङ्‌काङा आम्‍नुओ निम्‍पाङ चुम्‍सायुङ्‌साओ हाङ्‌होन्‌दा त़वाङिन।

खाङ्‌मुमा 22:14

अ़चुतित्‌चि वाकाधाप्‌चि आसिखा कातोक्‌चि ओ। मो सहराओ लाप्‍तिखोप्‌चिदाङ्‌का वाङ्‌मा खोन्‍कि ह़ङ्‌म़ङ काप़ स़ङ्‌ताङ्‌दाङ्‌का अ़सिवा चामा पाङ अ़तोक।

खाङ्‌मुमा 22:5

मोदा देम्‍खाछाङ खाअ़खुत्‍निन, खोन्‍कि मोचि कुपि माङ्‌लो नाम साम अ़दोत्‍निन, देकिनालो हाङ्‌पा निनाम्‍हाङ्‌ङा मोचिओ अ़चुसाम म़लि, खोन्‍कि मोचि अ़धुन-अ़धुन्‌तारि हाङ्‌म़मु।

१ युहन्‍ना 1:3

मो आन्‍कान्‍का खाम्‍काओ खोन्‍कि एनुम्‌युङ्‌सुम्‍काओ, आन्‍कान्‍का खानानिन्‌छाङ खाएत्‍निङ्‌नि, खोवात्‍निओसा आन्‍कान्‍काएनान आम्‍नुओ यावायोक लिने। खोन्‍कि आन्‌यावायोक निनाम्‍हाङ पापा खोन्‍कि खोक्‍कोसोओ अ़चुछा येसु ख्रिस्‍तएनान ओ।

१ पत्रुस 5:1

अ़ङ्‌काछाङ अ़क्‍छा ताङ्‌पाओसा ख्रिस्‍तओ दुखाओ सालुम्‍स़ङ खोन्‍कि आन्‍कान खाङ्‌म़मेत्‌ओ साम्‌दा कावाङ्‌चिओसा हान आम्‍नुओ रादाओ ताङ्‌पाचि अ़ङ्‌का राक प़ङ्‌योङ्‌च़ङ।

तितस 2:14

झाराकापाराओ आन्‍हेवादाङ्‌का आन्‍कान फोङ्‌सि, आन्‍कान सेङ्‌सि, खोन्‍कि अ़नुवाक काचि मुमा कास़ आप्‍पिओ अ़चुम़ना मुसि येसु ख्रिस्‍तआ आन्‍को निकि अ़चुह़ङ्‌म़ङ म़पुवा।

२ कोरिन्‍थि 11:14

खोन्‍कि ओ म़दोम्‍दाओ काचि माआङ, देकिनालो सैतानाछाङ साम्‍स़रिओ निनाम्‍हाङ काफाचिवात्‍नि फान्‍नान्‍चिन।

एफिसि 2:18

देकिनालो ख्रिस्‍तलाम्‍पाङा आन्‍कान झारा यहुदि खोन्‍कि निरावा अ़क्‌तात सेङ्‌लावालाम्‍पा आन्‍निनाम्‍हाङ पापाएदा तामालामा ऱन।

एफिसि 5:8

देकिनालो अ़क्‍दु खानानिन कुइयामादा त़युङिन्‌येन्‌ओ, मेन हान हाङ्‌पाएदा खानानिन त़उसिन्‌युङ्‌सिन। खोन्‌ओसा साम्‌ओ अ़छाचिवात्‍नि कोलानिन।

एफिसि 5:11

कुइयामादाओ अ़अ़त्‍पा काचिचिदा मान्‌वाङ्‌दानिन, मेन मोचि खाङ्‌मेत्‍तानुम्‍च़म।