छाम्‍माय़ङ 7:35 - बान्‍तावा राई

³⁵ ओ मोसाङा इस्राएलिचिआ ‘आन्‍कान्‍काएदा हाङ्‌काचि कामु खोन्‍कि छ़ङ्‌काछेन खाना साङ्‌आ त़मुवा?’निकिना बुया ऩङाअ़छिराओ। मेन निनाम्‍हाङ्‌आ लेराङाओ स़ङ्‌फोम्‍सुवादा खाङ्‌कामुनान्‍चिन निनाम्‍हाङ काफालाम्‍पा मो मोसाङा इस्राएलिचिओ अ़चुहाङ्‌काचि कामु खोन्‍कि काफोङ्‌लोन ह्‍वातात्‍माङ अ़मुवाकि अ़छुत्‍ता।

छाम्‍माय़ङ 7:35 Referans Kwoze

लुका 19:14

मेन अ़हेन्‍कोप्‌दाओ म़नाचिआ मो ऩङाअ़छिराकि, ‘ओ म़नाआ आन्‍कान्‍काएदा हाङ्‌काचि मुओ आन्‍काओ ऩङाअ़नुनिन’नि य़ङ्‌सि मोचिआ अ़क रुहुप म़नाचि म़छुत्‍तुचि।

खाङ्‌मुमा 15:3

मोचिआ निनाम्‍हाङ्‌ओ अ़चुहारुक मोसाओ अ़साम्‍ऱङ खोन्‍कि थुबाछाओ अ़चुसाम्‍ऱङ अ़लुवाङा, “हाङ्‌पा निनाम्‍हाङ झारा सावाकातोक, आम्‍नुओ काचिचि देम तोक्‍पो खोन्‍कि म़दोम्‍दाओ म़मुयाङ। रावा-रावाचिओ तोक्‍पोहाङ, आम्‍नुओ लाम्‌चि साम्‌योक्‍मि खोन्‍कि अ़छ़ङ म़मुयाङ।

हिब्रु 2:2

निनाम्‍हाङ काफाचिआ आन्‍सुन्‍तुम्‌चि खाम़एत्‍तुचिओ य़ङ्‌खान अ़छ़ङ लिसा, खोन्‍कि झारा हेवा कामु खोन्‍कि झारा लोमावा मान्‍च़कादाआ खान्‍तुओ दन्‍दा तोक्‍तु।

कलस्‍सि 1:15

ख्रिस्‍त अ़दात्‍निन्‌ओ निनाम्‍हाङ्‌ओ दात्‌ओ अ़चुकात्‍मा खोन्‍कि झारा मुन्‍माय़ङ्‌चिओदाङ्‌का बुयाङा म़युङाङा। खोन्‍कि खोक्‍को झारादाङ्‌का तोक्‍पो म़मुवाङा

छाम्‍माय़ङ 7:51

खानानिन लोमान्‍तेत म़नाचि ओ, ऱक्‍भाक साकोङ्‌वा कामु खोन्‍कि निनाम्‍हाङ्‌ओ अ़चुय़ङ मान्‌एन्‍कादा खानानिन अ़धुन सेङ्‌लावाओ अ़चुदेङ्‌सालाप्‍पा त़च़न। आम्‍नुओ सुन्‍तुम्‌चि देत्‍नि म़चुवा, खानानिन्‌छाङ मोवात्‍निङा त़च़न।

छाम्‍माय़ङ 7:30

चालिस्‌कादोङ क़प्‍तुकिना सिनै भ़ऱ च़क्‌दाओ लेक्‍लेक्‍लेक्‌वाओदा लेरायुङ्‌साङाओ स़ङ्‌फोम्‍सुवादाओ मिलाप्‌दा अ़क्‍छा निनाम्‍हाङ काफा मोसाएदा खाङ्‌मुसान्‍चिन।

छाम्‍माय़ङ 5:31

खोन्‍किना इस्राएलिचिआ हेवा मुमा अ़छित्‌कि अ़चुहेवा लेत्‍मा अ़तोक्‍ने निकिना निनाम्‍हाङ्‌आ खोक्‍को अ़चुचुप्‍ताङ्‌छुक्‌लिप्‍पा अ़झोइसाकि हाङ खोन्‍कि कालेन्‍पा अ़मुवा।

छाम्‍माय़ङ 3:22

मोसा य़ङायुङ्‌सा, ‘हाङ्‌पा निनाम्‍हाङ्‌आ अ़ङ्‌का ऩछेन्‍ताङ्‌वात्‍नि आम्‍नुओ म़नाचिदाङ्‌का अ़ङ्‌कावाको अ़क्‍छा निनाम्‍हाङ्‌य़ङ खाकालु अ़छेन। खोक्‍कोसाआ ऩलोन्‌ओ झारा य़ङ्‌चि खानानिन्‌आ नुलोक एन्‍मादोत।

छाम्‍माय़ङ 2:36

खोन्‌ओसा झारा इस्राएलिचिआ ओ य़ङ अ़नुछ्‍या सिन्‍मादोत, ओ येसु क्रुस्‌दा खानानिन्‌आ त़ख़न्‍तुम्‍सेरुम। खोक्‍कोङा निनाम्‍हाङ्‌आ हाङ्‌पा खोन्‍कि ख्रिस्‍त अ़मुवायुङ्‌सा।”

युहन्‍ना 19:15

मेन मोचि ओवात्‍नि य़ङ्‌सा म़पारा, “खोक्‍को खात्‍तानुम! खोक्‍को खात्‍तानुम! मो क्रुस्‌दा ख़न्‍तासेरानुम!” पिलातस्‌आ मोचि सेनुचि, “दि अ़ङ्‌का आम्‍नुओ हाङ क्रुस्‌दा अ़ङ्‌का ख़न्‍तुङ्‌नेनि त़मिनिन्‌येन?” मुलो काब़क्‍पाचिआ अ़लासालोवा, “कैसरदाङ्‌का आन्‍काओ नि हाङ मात्‍द़ङ।”

युहन्‍ना 18:40

मेन मोचि ओवात्‍नि य़ङ्‌सा म़पारा, “ओ म़ना माआङ! आन्‍कान्‍का बारब्‍बा लेत्‍निप़नि!” बारब्‍बा ना काङाप्‍खात मुवाङा।

मर्कुस 12:26

म़सुवादाओचिओ अ़चुलामाखोन्‍मालोन्‍माओ अ़तुक्‌वादा दि खानानिन्‌आ स़ङ्‌फोम्‍सुवादा लेराङाओ दोय़ङ्‌लाओ अ़तुक्‌वादा निनाम्‍हाङ्‌य़ङ खाकालु मोसाओ अ़छाप्‍लाखादा खानानिन्‌आ मान्‍खिप्‍त़युक्‍तुम? निनाम्‍हाङ्‌आ मोसा अ़लोवा, ‘अ़ङ्‌का अब्राहाम्‌ओ अ़निनाम्‍हाङ, इसहाक्‌ओ अ़निनाम्‍हाङ खोन्‍कि याकुब्‌ओ अ़निनाम्‍हाङ ओ।’