छाम्‍माय़ङ 6:5 - बान्‍तावा राई

⁵ खोन्‍कि मो अ़युङ्‌साओ य़ङ रुहुप्‌दाओ झारासाआ ऩङाअ़नुसा, खोन्‍किना मोचिआ सेङ्‌लावाआ खोन्‍कि साकोङ्‌छ़ङ्‍आ भेप्‍तुचिओचि स्‍तिफनस, फिलिप, प्रखरस, निकनोर, तिमोन, पर्मिनास, खोन्‍किना एन्‍तिओखिया सहरादाओ निरावा निकोलाउस म़छेन्‍तुचि, खो बुयाङे यहुदि साम्‌योक्‌दा वाङाचिआयुङ्‌सा।

छाम्‍माय़ङ 6:5 Referans Kwoze

छाम्‍माय़ङ 11:24

बारनाबास सेङ्‌लावा खोन्‍कि साकोङ्‌छ़ङ्‍आ भेप्‍तुओ अ़नुवाक म़ना मुवाङा, खोन्‌ओसा ब़द्‍धेकापाङ म़नाचि हाङ्‌पाएदा साकोङ्‌छ़ङ म़मुवा।

छाम्‍माय़ङ 21:8

अ़माङ्‌कोलेन तोलेमाइस सहरा छिरुम्‍दोम्‍काकि आन्‍कान्‍का कैसरिया सहरादा तान्‍लान्‍का। आन्‍कान्‍का मोदा नुय़ङ्‌खान खाकालु फिलिप्‌ओ अ़खिम्‌दा याइन्‍का। खो सात्‌कापाङ साम्‍भुङ्‌काफाचिदाङ्‌का अ़क्‍छा ओ।

छाम्‍माय़ङ 6:8

खोन्‍कि निनाम्‍हाङ्‌आ स्‍तिफनस च़लोक आसिखा अ़पुवाकि सावाआ भेप्‍तु, खोन्‍कि म़नाचिओ अ़चुरादा अ़धिवा-अ़धिवा म़दोम्‍दाओ काचिचि खोन्‍कि बुन्‌चि मुचि।

छाम्‍माय़ङ 7:1

खोन्‍किना मुलो काब़क्‍पाआ स्‍तिफनस सेनु, “दि खाना लाहि ऩपाक्‌याङ्‍ओ ओ य़ङ्‌चि अ़नुछ्‍या ओ?”

छाम्‍माय़ङ 6:3

खोन्‌ओसा अ़ङब़ब़, नाना खोन्‍कि निछाचि ओ, आम्‍नुओ रादाङ्‌का सेङ्‌लावाआ भेप्‍तुचिओचिकि खारु खोन्‍कि झारासाआ साया म़मेत्‍तुचिओचि सात्‌कापाङ म़नाचि छेन्‍तानुम्‍च़म। खोन्‍कि आन्‍कान्‍का मोचि ओ काचिदा पाउम्‍च़म्‍का।

छाम्‍माय़ङ 13:1

एन्‍तिओखिया सहरादाओ साम्‍भुङ्‌दा निनाम्‍हाङ्‌य़ङ खाकालुचि खोन्‍कि काचिन्‍पाचि म़याआङा। मोचि बारनाबास, माक़च़क्‍पानि लोवाङाओ सिमियोन, कुरेनिदाओ लुकियस, हेरोद हाङ एन्‍तिपास्‌ओ अ़छायुङ्‌काओ अ़यावा मनेन खोन्‍कि सावल म़याआङा।

छाम्‍माय़ङ 11:19

स्‍तिफनस अ़सेराकि दुखा प़मा म़पुक्‍तुचिओ ग़रि साकोङ्‌छ़ङ कामुचि झारादात्‍नि म़रिसाखाराओचिआ यहुदिचिओ अ़चुरादा ओन्‍ङा नुय़ङ्‌खान खाएत्‌याङ्‌सा फोनिके, साइप्रस खोन्‍कि एन्‍तिओखियातारि म़कोला।

छाम्‍माय़ङ 6:10

मेन स्‍तिफनस सेङ्‌लावाआ अ़न्‍नुनु खारु अ़पुवा, खोन्‍कि खो चेवाओ य़ङ मोचिआ क़प्‍मा मान्‍ऱअ़दा।

खाङ्‌मुमा 2:15

मोवात्‍निङा आम्‍रुहुप्‌दा निकोलाइतस्‌ओ अ़चिन्‍माय़ङ्‌चि कात़ङ म़नाचिछाङ देम्‍कापाङ म़याक्‌याङ।

खाङ्‌मुमा 2:6

मेन खानानिन्‌आ अ़क्‌तात य़ङ तोङ्‌लो त़मुम्‌योम, अ़ङ्‌का ऩङाछिरुङ्‌वात्‍निङा खानानिन्‌आ निकोलाइतस्‌चिओ अ़चुकाचिचि ऩङात़छिरुम्‍च़म।

छाम्‍माय़ङ 15:22

खोन्‍किना छाम्‍माय़ङ्‌चिकि ताङ्‌पाचि खोन्‍कि यरुसलेम साम्‍भुङ्‌दाओ झारा म़नाचि म़तोङाकि अ़चुरादाङ्‌का पावल खोन्‍कि बारनाबास्‌एनान एन्‍तिओखियादा देम्‌कापाङ म़नाचि खान्‍मा अ़छ़ङ अ़मुवा। खोचिआ बारसाबास्‌नि लोवाङाओ यहुदा खोन्‍कि सिलास म़छेन्‍तुचि। खोचि मो साकोङ्‌छ़ङ कामुचिएदाओ बुसुवाचि ओ।

मत्‍ति 23:15

अ़चाअ़त्‍मादा त़छुक्‍तिन खानानिन य़ङ्‌हुप काचिन्‍पाचि खोन्‍कि फरिसिचि ओ! खानानिन कोङ्‌क़त्‌वाचि ओ! देकिनालो खानानिन अ़क्‍छा आम्‍नुओ साम्‌योक्‌दा तात्‍मा धियाङ्‌वामा खोन्‍कि थाम्‍पुक त़कोत्‍तुम, खोन्‍कि मो आम्‍नुओ साम्‌योक्‌दा ताकि मो खानानिन्‌एदाङ्‌का ह्‍वास़रो सित्‍म़ङ्‌चि दुखा तोक्‍खादा छुक्‍मा खान्‍तुओ त़मुम।

छाम्‍माय़ङ 2:4

खोन्‍किना मोचि झारा सेङ्‌लावाआ भेप्‍तुचिकि लावाआ सावा म़प़चि, खोन्‍कि मोचिआ नि य़ङ्‌चिदा चेप्‍मा अ़पुङ्‌सा।

छाम्‍माय़ङ 11:20

मेन मोचिएदा खा-खाक्‍को साइप्रस खोन्‍कि कुरेनिदाओ साकोङ्‌छ़ङ कामुचि एन्‍तिओखियादा म़खाराकि ग्रिक्‌चिछाङ हाङ्‌पा येसुओ अ़चुनुय़ङ्‌खान खाम़एत्‍तुचि।

छाम्‍माय़ङ 11:22

ओ य़ङ्‌खान यरुसलेम्‌दाओ साम्‍भुङ्‌दा म़नाचिआ अ़एना, खोन्‍कि मोचिआ बारनाबास एन्‍तिओखियादा अ़छुत्‍ताखाइसा।

छाम्‍माय़ङ 11:26

खोन्‍कि खोसाआ सावल धिरुकि एन्‍तिओखिया सहरादा लासुतारु। खोन्‍किना अ़क दोङ्‌तारि साम्‍भुङ्‌दाओ म़नाचिएनान मोचि यावायोक म़मुवायुङ्‌सा, खोन्‍कि अ़धिवाङ म़ना रुहुप्‌चि अ़चिन्‍ताचुचिन। खोन्‍कि एन्‍तिओखियादाओ म़नाचिआ काखेङ्‌चि बुयाओदु ख्रिस्‍तियान्‍चिनि म़लोचि।

छाम्‍माय़ङ 11:27

मोन्‍ग़रि खा-खाक्‍को निनाम्‍हाङ्‌य़ङ खाकालुचि यरुसलेम्‌दाङ्‌का एन्‍तिओखियायु म़धा।

छाम्‍माय़ङ 22:20

खोन्‍कि आम्‍नुओ सालुम्‍स़ङ काप़ स्‍तिफनस लुङ्‌ताक्‌आ अ़वेरासेराकि अ़ह़ सोलाङाहिदा अ़ङ्‌काछाङ काङ्‌साङ्‌कि मोदाङा एवाङ्‌याङ। खोन्‍कि अ़ङ्‌का खो कासेत्‍चिओ अ़चुतित्‌चि हुङुङ्‌योङ्‌च़ङ।’