33 मो छाम्माय़ङ्चिआ तोक्पो सावाएनान हाङ्पा येसु म़खोन्तालोन्ताओ अ़चुसालुम्स़ङ अ़पुवाङा, खोन्कि निनाम्हाङ्आ झारा साकोङ्छ़ङ कामुचि ब़द्धे आसिखा म़प़चि।
खोक्को अ़चुसोम्तुक्माआ खोन्कि अ़चुओ अ़छ़ङ्आ भेप्तुओसा आन्कान झारा अ़क्तात सोम्तुक्मादाङ्का नि सोम्तुक्मा तोक्तुम्युङ्सुम।
मेन सेङ्लावा खानानिन्एदा म़य़कि खानानिन सावा त़तोक्तुम, खोन्किना खानानिन यरुसलेम्दा खोन्कि झारा यहुदियादा खोन्कि सामरियादाकिना झारा हेन्खामादाओ म़नाचि अ़ङ्तुक्वादा खात़एत्तुम्च़म।”
देकिनालो आन्कान्का खानानिन्एदा नुय़ङ्खान तारुम्काहिदा य़ङ्चिदा ओन्ङा माआङ, मेन सावा खोन्कि सेङ्लावादाछाङ अ़नुछ्या तारुम्काओ त़सिन्तुम्युङ्सुम। आम्नुओ निम्पाङ आन्कान्का आम्नुओ रादा देत्नि युङिन्काओ खानानिन नुलोक त़सिन्तुम्योम।
खोन्कि सेङ्याङ्ओ हारुक येसुओ अ़चुऩङ्लाम्पा कातुक म़नाचि नुखा खोन्कि बुन्चि खोन्कि म़दोम्दाओ काचिचि मुमादा आम्नुओ सावा आन्कान्का प़नि।”
खोन्कि अ़धुन निनाम्हाङ्ओ अ़चुऩङ अ़चोन्ताङा खोन्कि झारा म़नाचिआ मोचि ऩङाम़नुसुङुचि। खोन्कि हाङ्पाआ मोचिओ अ़चुरुहुप्दा अ़लेन्खिन्तुम साकोङ्छ़ङ कामु म़नाचि म़तेप्तुप़ङुचि।
येसु अ़चुखारु खोन्कि अ़चुपोक्दा पोन्याङ्सा म़खाराकि खोक्कोएदाङ्का निनाम्हाङ खोन्कि म़नाचिओ अ़चुऩङानुवा।
खोन्कि मोचि झारादात्नि म़खाराकि नुय़ङ्खान खाअ़लुसा। हाङ्पा खोचिएनान काचि म़मुवा, खोन्कि बुन्चिलाम्पा खोक्कोसोओ अ़चुय़ङ अ़छ़ङ म़मुचि।]
निनाम्हाङ्आछाङ बुन्चि खोन्कि म़दोम्दाओ काचिचि, अ़पारा-अ़पाराओ सावाओ दोम्मादामायुचि खोन्कि खोक्कोसोओ अ़चुमित्मावा सेङ्लावाओ आसिखाचि अ़हासाकि ओ य़ङ्ओ सालुम्स़ङ अ़पुवा।