छाम्‍माय़ङ 28:23 - बान्‍तावा राई

²³ खोन्‍किना खोचिआ पावल तुप्‍खालेन अ़तोङ्‌सा, खोन्‍कि खो युङाङाओदा ब़द्‍धे यहुदिचि म़ता। खोसाआ अ़वाय़ङ्‌दाङ्‌का अ़नाम्‍प़क्‌तारि निनाम्‍हाङ्‌ओ अ़चुहाङ्‌होन्‌ओ अ़तुक्‌वादा खाएत्‌याङ्‌सा खोन्‍कि मोसाओ अ़य़ङ्‌हुप खोन्‍कि निनाम्‍हाङ्‌य़ङ खाकालुचिओ अ़चुछाप्‍लाखादाङ्‌का येसुओ अ़तुक्‌वादा साकोङ्‌छ़ङ मुमा निम्‍पाङ सोन्‍तुचि।

छाम्‍माय़ङ 28:23 Referans Kwoze

छाम्‍माय़ङ 19:8

खोन्‍किना पावल यहुदिचिओ अ़चुयावायोक्‍खिम्‌दा खाराकि यहुदिचिएनान सुम्‌कादोङ्‌वात्‌तारि निनाम्‍हाङ्‌ओ अ़चुहाङ्‌होन्‌ओ अ़तुक्‌वादा राक्‌एनान दुम्‍चामेत्‌याङ्‌सा दुम्‍तुसा।

छाम्‍माय़ङ 18:28

देकिनालो खोसाआ साम्‍कालिन्‌दाओ य़ङ मोचि खाएत्‌याङ्‌सा, “खानानिन्‌आ त़हुङुम्‌योम्‌ओ येसुङा ख्रिस्‍तओ”नि लोयाङ्‌सा सावाएनान झारा म़नाचिओ अ़चुबुदा यहुदिचिओ अ़चुदो ह़सुप़चि।

छाम्‍माय़ङ 26:6

निनाम्‍हाङ्‌आ आन्‍काओ सुन्‍तुम्‌चि म़हिप्‍तुचिओ य़ङ माय़ङ ताला निकिना सोम्‍कुवा मुङ्‌ओसा अ़ङ्‌का आय़ ओदा खानानिन्‌लाम्‍पा सेन्‍लुङाङा।

छाम्‍माय़ङ 8:35

खोन्‍किना फिलिप्‌आ ओ साम्‍कालिन्‌ओ अ़धाङ्‌दाङ्‌का पुङ्‌सुकिना येसुओ अ़तुक्‌वादा नुय़ङ्‌खान खो खाएत्‍तु।

लुका 24:44

खोक्‍कोसाआ मोचि म़लोचि, “खानानिन्‌एनान युङाङ्‌याङ्‌हिदा अ़ङ्‌का चेवाङ्‍ओ य़ङ्‌चि ओचिङा ओ: मोसाओ अ़य़ङ्‌हुप, निनाम्‍हाङ्‌य़ङ खाकालुचिओ छाप्‍लाखा खोन्‍कि साम्‍ऱङ्‌भुङ्‍ओ छाप्‍लाखादा छाप्‍ताओ अ़ङ्‌तुक्‌वादाओ झारा य़ङ्‌चि तामालामाङादोत।”

छाम्‍माय़ङ 18:4

झारा सावातोम्‍खा-लेन पावल यहुदिचिओ अ़चुयावायोक्‍खिम्‌दा खाराकि यहुदिचि खोन्‍कि ग्रिक्‌चिएनान दुम्‍तुसाङा, खोन्‍कि मोचि हाङ्‌पाएदा साकोङ्‌छ़ङ मुवानिन्‌नि लोङुचि।

युहन्‍ना 4:34

येसुआ मोचि म़लोचि, “अ़ङ्‌का काछुत्‌ओ अ़चुमिन्‍मावा च़मा खोन्‍कि खोक्‍कोसोओ अ़चुकाचि तामालामाङा अ़ङ्‌चामायु ओ।

मर्कुस 4:34

खोक्‍कोसाआ दोय़ङ्‌लाचि मान्‌याङ्‌माङ दित्‍छाङ मोचि मान्‍लोम़दोचि। मेन सुकुलादा खोक्‍कोसाआ अ़चुकाखेङ्‌पाचि झारा य़ङ्‌चि खाम़एत्‍तुङुचि।

लुका 16:28

देकिनालो अ़ङ्‌द़क्‍छाबुवाचि पाच्‌कापाङ म़याक्‌याङ। लाजरस्‌आ मोचि चाप्‍चेत्‍तुचिनेकि मोचि ओ दुखा तोक्‍खादा ऩवाङ्‌निन्‍ने।’

छाम्‍माय़ङ 1:3

येसु क्रुस्‌दा म़सुवा खोन्‍कि खोक्‍को म़खोन्‍तालोन्‍ताकि चालिस्‌कालेन्‌तारि छाम्‍माय़ङ्‌चिएदा ब़द्‍धेकादु खाङ्‌म़मुसान्‍चिन। मोन्‍ग़रि खोक्‍को खोचिएनान निनाम्‍हाङ्‌ओ अ़चुहाङ्‌होन्‌ओ अ़तुक्‌वादा म़चेवा। खोक्‍कोसाआ मो म़नाचिएनान हान्‍छाङ ह़ङ्‌ङाङा निकिना ब़द्‍धे अ़नुछ्‍याओ सालुम्‍स़ङ्‌चि खाङ्‌अ़मुसा।

छाम्‍माय़ङ 23:11

मो अ़खाखुत्‌ङा पावल्‌ओ अ़च़क्‌दा हाङ्‌पा म़एवाकि अ़लोवा, “राक मुवा! देत्‍नि खाना यरुसलेम्‌दा अ़ङ्‌तुक्‌वादा अ़ङ्‌सालुम्‍स़ङ म़नाचि त़प़युङ्‌सुचि, मोवात्‍निङा खाना रोम्‌याछाङ अ़ङ्‌सालुम्‍स़ङ प़माचिदोत।”

छाम्‍माय़ङ 24:14

मेन अ़ङ्‌का ओ य़ङ खानानिन खाएत्‍नानिन, मोचिआ ‘फेआओ साम्‌योक’नि लोवाङाओ साकोङ्‌छ़ङ कामु लिसाङ्‌कि आन्‍काओ सुन्‍तुम्‌चिओ अ़चुनिनाम्‍हाङ अ़ङ्‌का ब़क्‍तुङ। खोन्‍कि निनाम्‍हाङ्‌य़ङ खाकालुचिआ छाप्‍लाखादा अ़छाप्‍ताओ झारा य़ङ्‌हुप अ़ङ्‌का साकोङ्‌छ़ङ मुङ।

छाम्‍माय़ङ 28:31

खोसाआ राक्‌एनान निनाम्‍हाङ्‌ओ अ़चुहाङ्‌होन खालुसुङु, खोन्‍कि हाङ्‌पा येसु ख्रिस्‍तओ अ़तुक्‌वादा झारा चिन्‍तुङुचि, खोन्‍कि साङ्‌आछाङ खो मान्‍छेक्‌अ़दाङा।

फिलेमोन 1:22

खोन्‍कि अ़ङ्‌को निकि युङ्‌खाछाङ तोङ्‌निप़नि। निनाम्‍हाङ्‌आ आम्‍नुओ यामात्‍मा अ़एन्‍कि अ़ङ्‌का खानानिन्‌एदा बान्‍मा तोक्‍तुङ्‌नेनिओ तामित्‍मा मुङाङा।