छाम्‍माय़ङ 28:15 - बान्‍तावा राई

¹⁵ खोन्‍कि रोम्‌दा कायुङ हाङ्‌पा येसुएदा साकोङ्‌छ़ङ कामुचिआ आन्‍कान्‍का तान्‌येन्‍काओ अ़एनाकिना अप्‍पियस बजारादा खोन्‍कि सुम्‌कायाक्‍खाखिम्‌निओदातारि आन्‍कान्‍का तुप्‍सि म़बाना। मोचि खाचिकि पावल्‌आ निनाम्‍हाङ आलाङ प़ खोन्‍कि राक तोक्‍तु।

छाम्‍माय़ङ 28:15 Referans Kwoze

हिब्रु 13:3

खानानिन्‌छाङ छेक्‍खादा मोचिएनान त़याइन्‌येन्‌वा काछेक्‌चि फासानुम्‍च़म। खोन्‍कि खानानिन्‌आछाङ दुखा त़आङ्‌तुम्‌योम्‌वा दुखादा म़छुक्‍ताओचि फासानुम्‍च़म।

रोमि 15:24

खोन्‍किना अ़ङ्‌का स्‍पेन खात्‍ङाङाहिदा खानानिन तुप्‍मानि मिन्‍ङाङा। अ़चित लेन्‌तारि अ़ङ्‌का खानानिन्‌एनान यावायोक्‌दा ऩङानुङाचिन्‍ङान्‍च़ङ्‌कि खानानिन्‌आ अ़ङ्‌को अ़ङ्‌कोन्‍खादा त़फाङाऩङ्‌हेनि मिन्‍ङाङा।

गलाति 4:14

अ़ङ्‌मान्‍ऱदामा आम्‍नुओ निम्‍पाङ अ़क्‌तात चिन्‍माखाङ्‌मा ओ, खोन्‍नुछाङ खानानिन्‌आ अ़ङ्‌का ऩङामान्‍छित्‍त़दाङ्‌ऩङ ना आम्‍नुओ चिप्‍माङा त़कात्‍ताङ्‌ऩङ, मेन निनाम्‍हाङ्‌ओ अ़क्‍छा अ़चुकाफा माङ्‌लो ख्रिस्‍त येसुवात्‍नि अ़ङ्‌का त़लोआङ्‌ऩङ।

छाम्‍माय़ङ 21:5

मेन आन्‍काओ ग़रि चिआकि आन्‍कान्‍का हासिन्‍चिन्‍का खोन्‍कि आन्‍कान्‍का लाम वाङिन्‍का। झारा काखेङ्‌चिओ अ़चुओ खिम्‍हाङ्‌माचि खोन्‍कि अ़चुछाचि आन्‍कान्‍का सहरादाङ्‌का धियाङ्‌वामाओ अ़केम्‌तारि ऩछोङ्‌सिन्‍दान्‍का। मोदा झारासा आन्‍काओ तुम्‍प़छ़क तोम्‍तुम्‍काकि यामारिन्‍का।

छाम्‍माय़ङ 10:25

पत्रुस तादिसाकिना कर्नेलियस्‌आ तुउ, खोन्‍कि खोसोओ अ़लाङ्‌दा बोम्‍सान्‍चिन्‌कि साया मेत्‍तु।

युहन्‍ना 12:13

खोन्‍किना मोचिआ खजुराताङ्‌ओ अ़खेक्‌चि अ़खात्‍ताकि खोक्‍को साऩङ्‌वा मेत्‍सि पात्‌याङ्‌सा म़लोन्‍ता, “होसन्‍ना! खोक्‍को निनाम्‍हाङ्‌आ आसिखा अ़प़ने, साङ हाङ्‌पा निनाम्‍हाङ्‌ओ अ़चुऩङ्‌दा म़ता! खोक्‍को इस्राएलिचिओ अ़चुहाङ ओ!”

१ थेसलोनिकि 3:7

खोन्‌ओसा, ब़ब़, नाना खोन्‍कि निछाचि ओ, आन्‍काओ झारा दुखा खोन्‍कि अ़चाअ़त्‍माओ ग़रिचिदा आम्‍नुओ सोम्‍कुवालाम्‍पा आन्‍कान्‍का राक तोक्‍तुम्‌युङ्‌सुम्‍का।

२ कोरिन्‍थि 2:14

मेन निनाम्‍हाङ आलाङ्‌ने, खोक्‍कोसाआ आन्‍कान्‍का ख्रिस्‍तदा अ़धुन छोमादा म़तित, खोन्‍कि खोक्‍कोसोओ अ़चुताया आन्‍कान्‍कालाम्‍पा झारादात्‍नि अ़फे।

छाम्‍माय़ङ 1:15

खोन्‍कि अ़क्‌लेन पत्रुस पुवालोन्‍ताकि साकोङ्‌छ़ङ कामुचिओ अ़चुरादा चेप्‍मा पुङ्‌सु, मोदा आप्‍फात अ़क सये बिस्‌कापाङ हाङ्‌पा येसुदा साकोङ्‌छ़ङ कामु म़नाचि म़कोवान्‌युङ्‌सान्‍चिन।

छाम्‍माय़ङ 10:23

खोन्‍किना पत्रुस्‌आ मो म़नाचि खिम्‍हुत्‌दा बुत्‍तुचिकि साऩङ्‌वा मेत्‍तुचि। खोन्‍कि अ़माङ्‌कोलेन पत्रुस चुम्‍सान्‍चिन्‌कि मोचिएनान खारा। खोन्‍कि योप्‍पादाओ साकोङ्‌छ़ङ कामुचिछाङ थोरेत खोएनान अ़क्‍नि म़खारा।

छाम्‍माय़ङ 11:1

यहुदियादा कायुङ छाम्‍माय़ङ्‌चि खोन्‍कि नि साकोङ्‌छ़ङ कामुचिआ निरावाचिआछाङ निनाम्‍हाङ्‌ओ अ़चुय़ङ्‌दा साकोङ्‌छ़ङ म़मुवाओ अ़एना।

छाम्‍माय़ङ 11:12

खोन्‍कि ‘आम्‍ऩङ्‌मान्‍छुन्‍माङ मोचिएनान अ़क्‍नि खारा’नि सेङ्‌लावाआ अ़ङ्‌का ऩलोवाङ। ओ छकापाङ साकोङ्‌छ़ङ कामु निछाचिछाङ अ़ङ्‌काएनान म़खारा, खोन्‍कि आन्‍कान्‍का कर्नेलियस्‌निओ म़नाओ अ़खिम्‌दा वाङिन्‍का।

छाम्‍माय़ङ 12:17

मेन पत्रुस्‌आ मोचि “वाइवेत युङानिन”निकिना अ़छुक्‌चाला मेत्‍तुचि, खोन्‍कि हाङ्‌पाआ देत्‍नि छेक्‍खाखिम्‌दाङ्‌का अ़लोइसाओ मो य़ङ मोचि खाएत्‍तुचि। खोसाआ “ओवात्‍नि लिसाओ य़ङ याकुब खोन्‍कि नि साकोङ्‌छ़ङ कामुचि खाएत्‍तानुम्‍च़म”नि लोचि। खोन्‍किना खो मोदाङ्‌का हासान्‍चिन्‌कि नि दात्‍नि खारा।

छाम्‍माय़ङ 28:14

मोदा आन्‍कान्‍का अ़क्‍चित्‌कापाङ हाङ्‌पा येसुएदा साकोङ्‌छ़ङ कामुचि धिरुम्‍च़म्‍का। आन्‍कान्‍का खोचिएनान अ़क्‍साता युङ्‌सि ऩबुत्‍तिन्‍का। खोन्‍किना आन्‍कान्‍का रोम सहराह्‍यात्‍नि खारिन्‍का।