छाम्‍माय़ङ 28:14 - बान्‍तावा राई

¹⁴ मोदा आन्‍कान्‍का अ़क्‍चित्‌कापाङ हाङ्‌पा येसुएदा साकोङ्‌छ़ङ कामुचि धिरुम्‍च़म्‍का। आन्‍कान्‍का खोचिएनान अ़क्‍साता युङ्‌सि ऩबुत्‍तिन्‍का। खोन्‍किना आन्‍कान्‍का रोम सहराह्‍यात्‍नि खारिन्‍का।

छाम्‍माय़ङ 28:14 Referans Kwoze

छाम्‍माय़ङ 21:4

मोदा कायुङ काखेङ्‌चि धिरुम्‍च़म्‍का खोन्‍कि अ़क सातातारि आन्‍कान्‍का खोचिएनान युङिन्‍का। मोचिआ पावल “यरुसलेम मान्‍खात्‍दानिन”नि सेङ्‌लावालाम्‍पा अ़लोवा।

छाम्‍माय़ङ 20:6

आन्‍काच्‍या खमिरा मान्‍पाक्‍माय़ङ पेम्‍पाक्‌ओ चानुचा चिआकि फिलिप्‍पि सहरादाङ्‌का धियाङ्‌वामा लाम लियाङ्‌सा खाराच्‍या। खोन्‍कि पाच्‌कालेन्‌कि त्रोआस सहरादा मोचिएदा तालाच्‍या, मोदा आन्‍कान्‍का सात्‌कालेन युङिन्‍का।

छाम्‍माय़ङ 19:1

अपोल्‍लोस कोरिन्‍थदा युङाङाहिदा पावल धाउलिप्‍पा लियाङ्‌सा धिखाहुप्‌ओ अ़रादात्‍नि लियाङ्‌सा एफिसस्‌दा तादिसा। खोसाआ खा-खाक्‍को काखेङ्‌चि मोदा धिरुचि।

युहन्‍ना 21:23

खोन्‌ओसा मो काखेङ्‌पा अ़स़निन्‌निओ य़ङ साकोङ्‌छ़ङ कामुचिओ अ़चुरादा फेसा। येसुआ मो अ़स़निन्‌नि म़य़ङाओ माआङ, मेन “अ़ङ्‌का अ़ताऩङ्‌तारि मो ह़ङ्‌युङ्‌नेनि मिन्‍ङानुछाङ खाना देकात?”नि म़य़ङाओ।

मत्‍ति 10:11

खाउ सहरा माङ्‌लो तेन्‌दा खानानिन त़वाङिन, मोदा साङ खान्‍तुओ म़ना युङ्‌याङ, खो लामानुम, खोन्‍कि मोदाङ्‌का त़हासिमिन्‍चिन्‌तारि मोदाङा युङानिन।

छाम्‍माय़ङ 1:15

खोन्‍कि अ़क्‌लेन पत्रुस पुवालोन्‍ताकि साकोङ्‌छ़ङ कामुचिओ अ़चुरादा चेप्‍मा पुङ्‌सु, मोदा आप्‍फात अ़क सये बिस्‌कापाङ हाङ्‌पा येसुदा साकोङ्‌छ़ङ कामु म़नाचि म़कोवान्‌युङ्‌सान्‍चिन।

छाम्‍माय़ङ 6:3

खोन्‌ओसा अ़ङब़ब़, नाना खोन्‍कि निछाचि ओ, आम्‍नुओ रादाङ्‌का सेङ्‌लावाआ भेप्‍तुचिओचिकि खारु खोन्‍कि झारासाआ साया म़मेत्‍तुचिओचि सात्‌कापाङ म़नाचि छेन्‍तानुम्‍च़म। खोन्‍कि आन्‍कान्‍का मोचि ओ काचिदा पाउम्‍च़म्‍का।

छाम्‍माय़ङ 9:30

मेन हाङ्‌पाएदा साकोङ्‌छ़ङ कामुचिआ मो य़ङ्‍ओ अ़तुक्‌वादा अ़सिन्‍तातोक्‍ताकि खो कैसरिया सहराह्‍युत्‍नि अ़धान्‍ता, खोन्‍कि मोदाङ्‌का तार्सस सहराह्‍यात्‍नि खो अ़छुत्‍ताखाइसा।

छाम्‍माय़ङ 28:13

खोन्‍कि मोदाङ्‌का आन्‍कान्‍का रेगियन सहरादा तान्‍लान्‍का। अ़माङ्‌कोलेन ह्‍युहोन्‌युङ्‌का ह़क थाङा खोन्‍कि अ़छिन्‍तु आन्‍कान्‍का पतिओलि सहरादा तान्‍लान्‍का।

छाम्‍माय़ङ 28:15

खोन्‍कि रोम्‌दा कायुङ हाङ्‌पा येसुएदा साकोङ्‌छ़ङ कामुचिआ आन्‍कान्‍का तान्‌येन्‍काओ अ़एनाकिना अप्‍पियस बजारादा खोन्‍कि सुम्‌कायाक्‍खाखिम्‌निओदातारि आन्‍कान्‍का तुप्‍सि म़बाना। मोचि खाचिकि पावल्‌आ निनाम्‍हाङ आलाङ प़ खोन्‍कि राक तोक्‍तु।

छाम्‍माय़ङ 28:21

खोन्‍कि खोचिआ खो अ़लोवा, “आन्‍कान्‍का यहुदिया धिखाहुप्‌दाङ्‌का अ़क्‌तात्‌छाङ छाप्‍लावा आम्‍नुओ तुक्‌वादा मान्‍तोक्‍दोम्‍का खोन्‍कि मोयाङ्‌का म़बानाओ खाक्‍कोछाङ आन्‍म़नाचिआ आम्‍नुओ तुक्‌वादा य़ङ्‌खान खामान्‌एत्‍ऩदान्‍का माङ्‌लो दित्‍छाङ एन्‌अ़त्‍साङाओ दुम खामान्‍लुचि।

रोमि 1:13

ब़ब़, नाना खोन्‍कि निछाचि ओ, अ़ङ्‌का खानानिन्‌आ सिन्‍तानुम्‌नि मिन्‍ङा, अ़ङ्‌का खानानिन्‌एदा ब़द्‍धेकादु बान्‍मानि मिनाङ, मेन आय़तारि अ़ङ्‌का दि-दिसाआ अ़छेक्‍ताङ्‌युङ्‌साङ। देत्‍नि अ़ङ्‌का नि म़नाचिओ अ़चुरादा सिवा कोउङ, मोवात्‍निङा आम्‍नुओ रादाछाङ कोप्‍मानि मिन्‍ङाङा।