छाम्‍माय़ङ 26:13 - बान्‍तावा राई

¹³ हाङ अग्रिपा ओ, आप्‍फात अ़खोलेन लाम्‌दा खाराङ्‌याङ्‌हिदा निनाम्‍मादुङ्‌का नाम्‍साम्‌दाङ्‌काछाङ छाक्‍छाक्‍छाक्‌वाओ साम धाओ अ़ङ्‌का खाङ, मो अ़ङ्‌ऱङ्‌कोप्‍नि खोन्‍कि अ़ङ्‌काएनान काखात अ़ङ्‌यावाचिएदा लेराङा।

छाम्‍माय़ङ 26:13 Referans Kwoze

मत्‍ति 17:2

मोदु अ़चुकाखेङ्‌पाचिओ अ़चुबुदा खोक्‍कोसोओ अ़चुकात्‍मा फान्‍ता। खोक्‍कोसोओ अ़चुङाइवा नाम्‌वात्‍नि लेरा, खोन्‍कि खोक्‍कोसोओ अ़चुतित साम्‌वात्‍नि ओम्‍पुवाचिचि लेरा।

खाङ्‌मुमा 21:23

मो सहरा उप्‍मा निम्‍पाङ नाम खोन्‍कि लादिप्‍मा मान्‍दोत्‌याङ देकिनालो निनाम्‍हाङ्‌ओ अ़चुसाम्‌आङा मो सहरा अ़उप खोन्‍कि थुबाछाङा मो सहराओ अ़कुपि ओ।

खाङ्‌मुमा 1:16

खोक्‍कोसोओ अ़चुचुप्‍ताङ्‌छुक्‌आ सात्‌कातात साङ्‌केन्‍माचि म़क़क्‍तुङुचि, खोन्‍कि खोक्‍कोसोओ अ़चुदोदाङ्‌का ह्‍वालिप्‍पा अ़हायाआङाओ बान्‍छोन लोन्‍तायुङ्‌सा। खोक्‍कोसोओ अ़चुङाइवा अ़खोलेन लेराङाओ नाम्‌वा मुवाङा।

छाम्‍माय़ङ 22:6

आप्‍फात अ़खोलेन दमस्‍कस सहराओ अ़च़क्‌दा तामालामा मुवाङ्‌याङ्‌हिदा म़प्‍च़क़क्‌दा अ़क्‌तात अ़न्‍नुनु छाक्‍छाक्‍छाक्‌वाओ साम्‌आ नाम्‍चोक्‌दुङ्‌का अ़ङ्‌ऱङ्‌कोप्‍नि अ़उप्‍ताङ्‌दिसाङ।

छाम्‍माय़ङ 9:3

खोन्‍किना सावल कोन्‌याङ्‌सा दमस्‍कस सहराओ अ़च़क्‌दा तालाहिदा म़प्‍च़क़क्‌दा निनाम्‍मादुङ्‌का छोक्‍छोक्‍छोक्‌वाओ साम धाकि खोसोओ अ़ऱङ्‌कोप्‍नि उप्‍तुदिसु।

छाम्‍माय़ङ 22:9

अ़ङ्‌काएनान कायुङ्‌चिआ साम ना अ़खा, मेन अ़ङ्‌काएदा चेवाङाओसोओ अ़य़ङ मान्‌एन्‌अ़दा।

छाम्‍माय़ङ 26:12

ओवात्‍निङा अ़क लेन मुलो काब़क्‍पाचिलाम्‍पा पाङ खोन्‍कि काचि मुमा छाप्‍लावा तोक्‍तुङ्‌कि अ़ङ्‌का दमस्‍कस सहराह्‍यात्‍नि खाराङ्‌याङ।

छाम्‍माय़ङ 26:14

खोन्‍कि आन्‍कान्‍का झारा बाखादा ध़न्‍खारिन्‍का, खोन्‍कि हिब्रु य़ङ्‌दा अ़ङ्‌का ओवात्‍नि य़ङाङाओ अ़क्‌तात य़ङ एनुङ, ‘सावल, सावल! देकि खाना अ़ङ्‌का दुखा त़प़ङाङा? अ़ङ्‌काएनान त़म्‍हुनालो खाना आप्‍पि चाअ़त्‍लो त़लि।’