छाम्‍माय़ङ 25:10 - बान्‍तावा राई

¹⁰ मेन पावल्‌आ लासुलो, “अ़ङ्‌का रोमि तोक्‍पोहाङ कैसरओ अ़छ़ङ्‌छेन्‍खाओ अ़बुदा एप्‍ङाङा। खोन्‌ओसा अ़ङ्‌को ओदाङा अ़ङ्‌छ़ङ्‌छेन्‍मादोत। अ़ङ्‌का यहुदिचिओ अ़चुदेङ्‌सालाप्‍पादा दित्‍छाङ अ़त्‍लोकाचि मान्‍मुयुक्‍तुङ, मो य़ङ खानानिन्‌आ नुलोक त़सिन्‍तुम्‌योम।

छाम्‍माय़ङ 25:10 Referans Kwoze

२ कोरिन्‍थि 4:2

आन्‍कान्‍का लेजोकात्‌ओ खोन्‍कि कुम्‌याङ्‌सा मुमायु काचिचि ऩङाछिरुम्‍च़म्‌का। आन्‍कान्‍का चाप्‍चा मुमा माङ्‌लो निनाम्‍हाङ्‌ओ अ़चुय़ङ ऱक्‍मा छुन्‍तिन्‍का। मेन अ़छ़ङ्‌य़ङ नुलोक खालुयाङ्‌सा निनाम्‍हाङ्‌ओ अ़चुबुदा आन्‍कान्‍का झारा म़नाओ छेन्‍खातायादा लोक्‍मा अ़खान्‍तिन्‍काओ मुन्‍चिन्‍का।

छाम्‍माय़ङ 28:18

रोमि पाङ्‌कातोक्‌चिआ ऩसेनाङ्‌चिआङ्‌कि अ़ङ्‌का लेत्‍माखान्‍मानि ऩमित्‍ताङ, देकिनालो मोचिआ अ़ङ्‌का सेत्‍मा दन्‍दा प़मा अ़खान्‍ताङ्‍ओ अ़ङ्‌देङ्‌सालाप्‍पादा दित्‍छाङ अ़तुक्‌वा मान्‍धित्‌अ़दा।

छाम्‍माय़ङ 26:31

खोन्‍कि तुप्‍खाखिम्‌दाङ्‌का म़हासान्‌यान्‍चिन्‌हिदा अ़क्‍छा निएदा म़य़ङा, “ओ म़नाआ ना सेत्‍मा दन्‍दा प़मा माङ्‌लो छेक्‍मा खान्‍तुओ काचि दित्‍छाङ मान्‍मुयुक्‍तु।”

छाम्‍माय़ङ 25:25

मेन अ़ङ्‌का ओ म़नाएदा सेत्‍मा दन्‍दा प़मा खान्‍तुओ दित्‍छाङ काचि फिसुओ मान्‍धित्‌ङा। खोन्‍कि खोसाआ तोक्‍पोहाङ्‌लाम्‍पा छ़ङ्‌छेन्‍प़लुवाओसा अ़ङ्‌का खो तोक्‍पोहाङ्‍एदाङा छुत्‍माखान्‍मा अ़छ़ङ मुङ।

मत्‍ति 27:18

देकिनालो यहुदिचिओ अ़चुसाम्‌योक्‍मि अ़चुबुसुवाचिओ अ़चुऩङ्‌च़आ येसु खो अ़पुवालावाओ निकिना खोसाआ नुलोक सिन्‍तुङु।

छाम्‍माय़ङ 25:17

मो यहुदि अ़धुवाचि अ़ङ्‌काएनान ओदा म़बाना, खोन्‍किना अ़ङ्‌का स़लेनि मान्‍च़माङ अ़माङ्‌कोलेन्‌ङा पावल छ़ङ्‌छेन्‍खादा तात्‍मेत्‍तुङ्‌च़ङ।

छाम्‍माय़ङ 25:6

खोन्‍किना आथ-दस्‌कालेन्‌तारि ओन्‍ङा फेस्‍तस खोचिएनान यरुसलेम्‌दा युङाकि खो कैसरिया लासाखारा। खोन्‍कि अ़माङ्‌कोलेन अ़छ़ङ्‌छेन्‍खादा युङाकि पावल मोदा तात्‍मेत्‍तुचि।

छाम्‍माय़ङ 23:29

खोचिओ अ़चुयहुदि य़ङ्‌हुप सेन्‍मायुचिओ अ़तुक्‌वादा खो अ़ह़त्‍ताओ, मेन ओसाआ ना सेत्‍मा दन्‍दा माङ्‌लो छेक्‍मादोत्‌ओ काचि दित्‍छाङ मान्‍फियुक्‍तुनि अ़ङ्‌का सिन्‍तुङ्‌लाउङ।

मत्‍ति 27:19

खोन्‍कि पिलातस छ़ङ्‌छेन्‍खादा युङाङाओ ग़रि खोसोओ अ़खिम्‍हाङ्‌माआ ओवाको य़ङ्‌खान छोक्‍तु, “मो साम्‌योक्‍मि म़ना देत्‍छाङ मान्‍मुदानुम, देकिनालो आय़ सेन्‍मुयुदा मोसोओ अ़तुक्‌वाआ अ़ङ्‌का ब़द्‍धे दुखा आङ्‌तुङ्‌युङ्‌सुङ।”