छाम्‍माय़ङ 21:2 - बान्‍तावा राई

² मोदा आन्‍कान्‍का सिरिया धिखाहुप्‌दाओ फोनिके खाराङाओ वाप्‍तेला धिरुम्‍का, खोन्‍कि आन्‍कान्‍का मोदा वाङिन्‍काकि खारिन्‍का।

छाम्‍माय़ङ 21:2 Referans Kwoze

छाम्‍माय़ङ 27:6

मोदा कप्‍ताना युलियस्‌आ अलेक्‍जेन्‍द्रिया सहरादाङ्‌का इतालिया खात्‍खा वाप्‍तेला धिरु, खोन्‍कि खोसाआ आन्‍कान्‍का मो वाप्‍तेलादा अ़पाइन्‍का।

छाम्‍माय़ङ 15:3

खोन्‍किना साम्‍भुङ्‌दाओचिआ खोचि मोदाङ्‌का म़छुत्‍तुचि। खोचि फोनिके खोन्‍कि सामरिया लियाङ्‌सा म़खाराङाहिदा निरावाचिआछाङ निनाम्‍हाङ अ़लोआओ य़ङ मोचि खाम़एत्‍तुचि। मो य़ङ्‌आ मोदाओ झारा साकोङ्‌छ़ङ कामुचिओ अ़न्‍नुनु अ़चुऩङानुवा।

छाम्‍माय़ङ 11:19

स्‍तिफनस अ़सेराकि दुखा प़मा म़पुक्‍तुचिओ ग़रि साकोङ्‌छ़ङ कामुचि झारादात्‍नि म़रिसाखाराओचिआ यहुदिचिओ अ़चुरादा ओन्‍ङा नुय़ङ्‌खान खाएत्‌याङ्‌सा फोनिके, साइप्रस खोन्‍कि एन्‍तिओखियातारि म़कोला।

छाम्‍माय़ङ 21:3

खोन्‍किना आन्‍कान्‍का साइप्रस खाम्‍दाक खाम्‍का खोन्‍कि मो अ़बेङ्‌वा मुम्‍का खोन्‍कि आन्‍कान्‍का सिरिया धिखाहुप्‌ह्‍यात्‍नि खारिन्‍का खोन्‍कि तुरोस सहरादा धान्‍तिन्‍चिन्‍का। देकिनालो वाप्‍तेलादाओ सामाचि मोदा धान्‍मा म़दोराङा।