छाम्‍माय़ङ 20:30 - बान्‍तावा राई

³⁰ आम्‍नुओ रुहुप्‌दाङ्‌काछाङ अ़छ़ङ्‌य़ङ काम़प म़नाचि म़लोन्‍किना काखेङ्‌चि खोचिएह्‍यात्‍नि म़तित्‍तुखात्‍तुचि।

छाम्‍माय़ङ 20:30 Referans Kwoze

१ युहन्‍ना 2:19

मोचि आन्‍कान्‌एदाङ्‌का म़फेआन्‍खात्‍तान्‍चिन, देकिनालो मोचि आन्‍कोचि माआङ। मोचि आन्‍कोचिओदे आन्‍कान्‌एनान अ़क्‍नि म़युङाओ, मेन मोचि झारा आन्‍कोचि माआङ्‌निओ य़ङ खाङ्‌मुमा निम्‍पाङ मोचि म़लोन्‍ताखाराओ।

छाम्‍माय़ङ 11:26

खोन्‍कि खोसाआ सावल धिरुकि एन्‍तिओखिया सहरादा लासुतारु। खोन्‍किना अ़क दोङ्‌तारि साम्‍भुङ्‌दाओ म़नाचिएनान मोचि यावायोक म़मुवायुङ्‌सा, खोन्‍कि अ़धिवाङ म़ना रुहुप्‌चि अ़चिन्‍ताचुचिन। खोन्‍कि एन्‍तिओखियादाओ म़नाचिआ काखेङ्‌चि बुयाओदु ख्रिस्‍तियान्‍चिनि म़लोचि।

खाङ्‌मुमा 2:6

मेन खानानिन्‌आ अ़क्‌तात य़ङ तोङ्‌लो त़मुम्‌योम, अ़ङ्‌का ऩङाछिरुङ्‌वात्‍निङा खानानिन्‌आ निकोलाइतस्‌चिओ अ़चुकाचिचि ऩङात़छिरुम्‍च़म।

२ युहन्‍ना 1:7

देकिनालो हेन्‍खामादा ब़द्‍धेकापाङ काधान्‌चि झारादात्‍नि म़खारायुङ्‌सा, मोचिआ येसु ख्रिस्‍त अ़चुपोक्‌दा म़ताओनि ऩय़ङ्‌निन। मोवाको म़नाङा काधान खोन्‍कि ख्रिस्‍तओ अ़चुङेङ ओ।

२ पत्रुस 2:18

मोचि ऱक्‍भाक्‌एनान तोक्‍पो-तोक्‍पो खामान्‍सिन य़ङ म़मु, खोन्‍कि राक्‍काभाला अ़अ़त्‍पा लाम्‌दाङ्‌का म़लासाताओचि मोचिआ पोक मित्‍माय़ङ थालिदा म़धान्‍तुचि।

१ तिमोथि 6:5

ओ म़नाचिआ अ़धुन खिखा अ़लोन। अ़चुओ मिन्‍मा अ़ओङ्‌सायुङ्‌सा, खोन्‍कि मोचिआ अ़छ़ङ देङ्‍अ़ह़त्‍तायुङ्‌सा। मोचिओ निम्‍पाङ साम्‌योक काचि ना दुप्‍खा लाम ओन्‍ङा ओनि म़मिन।

१ तिमोथि 5:13

मोन्‌ओन्‍ङा माआङ, मोदाङ्‌का च़लोक मोचि खिम-खिम्‌दा काकोन म़लिकि सोसे लिमा म़चिन्‍नान्‍चिन। खोन्‍कि सोसे लिमा ओन्‍ङा माआङ, मेन दुम्‍कालु खोन्‍कि नि म़नाओ अ़काचिदा छुक कापाक, चेप्‍मा अ़नुनिन्‌ओ य़ङ्‌चि म़चेप।

छाम्‍माय़ङ 21:38

दि खाना हेन्‍कोप्‌ओ अ़देङ्‌सालाप्‍पादा बुया ङेन त़मुवाकि चार हजारकापाङ म़ना कासेत्‌चि लेक्‍लेक्‌लेक्‌वादा कातित्‍खात मो मिस्रि माआङ कि?”

मत्‍ति 23:15

अ़चाअ़त्‍मादा त़छुक्‍तिन खानानिन य़ङ्‌हुप काचिन्‍पाचि खोन्‍कि फरिसिचि ओ! खानानिन कोङ्‌क़त्‌वाचि ओ! देकिनालो खानानिन अ़क्‍छा आम्‍नुओ साम्‌योक्‌दा तात्‍मा धियाङ्‌वामा खोन्‍कि थाम्‍पुक त़कोत्‍तुम, खोन्‍कि मो आम्‍नुओ साम्‌योक्‌दा ताकि मो खानानिन्‌एदाङ्‌का ह्‍वास़रो सित्‍म़ङ्‌चि दुखा तोक्‍खादा छुक्‍मा खान्‍तुओ त़मुम।

२ कोरिन्‍थि 11:13

देकिनालो ओवाको म़नाचि सोज्‍जेओ छाम्‍माय़ङ्‌चि खोन्‍कि काम़प्‌चि ओ, खोन्‍कि मोचि आप्‍पि ख्रिस्‍तओ अ़चुछाम्‍माय़ङ्‌चिवात्‍नि काफान्‍नान्‍चिन्‍चिओ।