छाम्‍माय़ङ 20:24 - बान्‍तावा राई

²⁴ खोन्‍नुछाङ अ़ङ्‌का अ़ङ्‌ह़ङ्‌म़ङ देम्‌छाङ अ़लुङ छुक्‌ओ खोन्‍कि अ़ङ्‌को निम्‍पाङ दिसुवाछाङ अ़मित्‍ऩङ। मेन हाङ्‌पा येसुआ ऩपुवाङ्‌ओ खालुमा काचि निनाम्‍हाङ्‌ओ अ़चुसोमातुक्‍माओ नुय़ङ्‌खान्‌ओ अ़सालुम्‍स़ङ प़मा अ़ङ्‌लोत्‍मा तामालामा ऱङ्‌ने।

छाम्‍माय़ङ 20:24 Referans Kwoze

२ कोरिन्‍थि 4:1

निनाम्‍हाङ्‌ओ अ़चुसोम्‍तुक्‍मालाम्‍पा ओ काचि आन्‍कान्‍का ऩप़न्‍काओसा आन्‍काओ राक अ़स़निन।

२ कोरिन्‍थि 12:10

खोन्‌ओसा ख्रिस्‍तओ निम्‍पाङ अ़ङ्‌मान्‍ऱदामाचिदा, सुङ्‌माचिदा, चाअ़त्‍लो लिमाचिदा, दुखा प़माय़ङ्‌चिदा, हाप्‍मादिमाचिदा अ़ङ्‌का अ़ङ्‌सोम्‍सेत्‍ङान्‍च़ङ। देकिनालो खाउग़रि अ़ङ्‌का अ़ऱऩङ, मोन्‍ग़रि अ़ङ्‌का सावापोरि मुङा।

छाम्‍माय़ङ 21:13

मेन पावल्‌आ, “खानानिन देकि त़खाविन्‍किना अ़ङ्‌साकोङ्‌वा चाअ़त्‍लो त़मेत्‍निप़निङ्‌नि? अ़ङ्‌का छेक्‍खादा छेक्‍मा ओन्‍ङा माआङ, मेन हाङ्‌पा येसुओ अ़चुऩङ्‌दा अ़ङ्‌का यरुसलेम्‌दा स़माछाङ चुम्‍ङान्‍च़ङ”नि लासुलोचि।

१ कोरिन्‍थि 15:58

खोन्‌ओसा, अ़ङ्‌का सोमातुक्‍नाङ्‌नानिन्‌ओ अ़ङ्‍ब़ब़, नाना खोन्‍कि निछाचि ओ, नुलोक युङानिन। दिसाआछाङ ओह्‍यात्‍नि-मोह्‍यात्‍नि त़मुन्‍मिन्‍ने। हाङ्‌पाओ अ़चुकाचिदा अ़धुन पोइसा खारानिन। देकिनालो खानानिन त़सिन्‍तुम्‌योम, निनाम्‍हाङ्‌एदा आम्‍नुओ काचि सोज्‍जे अ़लिनिन।

रोमि 11:6

मेन ओ सोम्‍तुक्‍मालाम्‍पाओ ओ, देम्‍खाछाङ काचिचिओ अ़तुक्‌वाआ माआङ। माङ्‌नालोना सोम्‍तुक्‍मा अ़नुछ्‍याओ सोम्‍तुक्‍माङा अ़लिनिन।

छाम्‍माय़ङ 14:3

खोन्‍नुछाङ पावल खोन्‍कि बारनाबास मो सहरादा ब़द्‍धेकालेन्‌तारि हाङ्‌पाओ अ़चुसोमातुक्‍मा य़ङ्‍ओ अ़तुक्‌वादा राक्‌एनान खालुयाङ्‌सा युङाचि। हाङ्‌पा येसुआ खोचि म़दोम्‍दाओ बुन्‌चि खोन्‍कि काचिचि मुमा सावा म़प़चिकिना खोचिओ अ़चुय़ङ अ़छ़ङ मुयाङ निकिना खाङ्‌अ़मुसा।

१ पत्रुस 5:12

सोम्‍कुवा मुमा खान्‍तुओ निछा सिलास्‌ओ अ़फामालाम्‍पा ओ थुत्‍मेत्‍लो छाप्‍लावा अ़ङ्‌का छाप्‍तुङ्‌योङ। खानानिन राक प़नानिन खोन्‍कि खाएत्‍नानिन, निनाम्‍हाङ्‌ओ अ़छ़ङ अ़चुसोमातुक्‍मा ओङा ओ। ओदाङा खानानिन युङायाक्‍तानिन।

तितस 1:3

खोन्‍किना तोङ्‌ओ ग़रिदाङा निनाम्‍हाङ्‌आ खोक्‍कोसोओ मो य़ङ खाङ्‌अ़मुसा। ओक्‍को नुय़ङ्‌खान खाएत्‍मा पाङ्‌खुन आन्‍कालेन्‍पा निनाम्‍हाङ्‌ओ अ़लोमावा अ़ङ्‌का ऩपुवाङ।

गलाति 1:1

अ़ङ्‌का पावल, ख्रिस्‍तओ अ़क्‍छा अ़चुछाम्‍माय़ङ, खोक्‍को म़नाचिएदाङ्‌का माङ्‌लो खोक्‍को म़नालाम्‍पा अ़छुत्‍ताओ माआङ, मेन येसु ख्रिस्‍त खोन्‍कि आन्‍निनाम्‍हाङ पापा, साङ्‌आ येसु ख्रिस्‍त म़सुवादाओदाङ्‌का अ़खोन्‍तालोइसा खोक्‍कोसाआङा ऩछुत्‍ताङ्‌ओ।

२ कोरिन्‍थि 5:8

आन्‍कान्‍काएदा झारा सोम्‍कुवा याक्‌याङ, हान पोक्‌दाङ्‌का फेक्‍मान्‍चिन्‌कि हाङ्‌पाएनान युङ्‌मा आन्‍कान्‍का स़न्‍का।

छाम्‍माय़ङ 20:32

हान अ़ङ्‌का खानानिन निनाम्‍हाङ्‌ओ खोन्‍कि खोक्‍कोसोओ अ़चुसोम्‍तुक्‍माओ य़ङ्‌दा पाक्‍नाङ्‌नानिन। निनाम्‍हाङ्‌ओ अ़चुय़ङ्‌आ खानानिन येसुएदा साकोङ्‌छ़ङ नुलोक मुमा त़ऱन्‍ने खोन्‍कि म़सेङ्‌सुचिओ झारा म़नाचिओ अ़चुरादा खानानिन आसिखा ऩप़न्‍ने।

छाम्‍माय़ङ 11:23

खो मोदा तालाकि निनाम्‍हाङ्‌आ मोचि आसिखा प़चिओ खाकिना ब़द्‍धे अ़ऩङानुवा। खोन्‍कि खोसाआ झारा अ़चुमिन्‍माआ हाङ्‌पाएदा सोम्‍कुवा म़मुयुङ्‌ने निकिना मोचि झारा राक प़चि।

फिलिप्‍पि 2:17

मेन मोवात्‍नि आम्‍नुओ साकोङ्‌छ़ङ्‌ओ हेन्‍खोक्‌वादा अ़ङ्‌कोछाङ ह़ हेन्‍खोक्‌वावात्‍नि सोन्‌नुछाङ, अ़ङ्‌का अ़ङ्‌ऩङानु, खोन्‍कि खानानिन झाराएनान अ़ङ्‌सोम्‍स़।

छाम्‍माय़ङ 9:15

मेन हाङ्‌पाआ हननिया अ़लोवा, “खारा! देकिनालो निरावाचि, हाङ्‌चि खोन्‍कि इस्राएलि म़नाचिओ अ़चुबुदा अ़ङ्‌ऩङ खालुमा निकि खो अ़ङ्‌का छेन्‍तुङ्‌युङ्‌सुङ।

छाम्‍माय़ङ 1:17

यहुदा हाङ्‌पाओ बारकापाङ अ़चुछाम्‍माय़ङ्‌चिएदाओ अ़क्‍छा याआङा। येसुआ अ़चुकाचि मुसि खो आन्‍कान्‍काएनान अ़छेन्‍ता।

युहन्‍ना 17:4

खाक्‍को काचि खानानिन्‌आ अ़ङ्‌का मुमा त़प़नि, मो तासुङ्‌लोङ्‌कि हेन्‍खामादा अ़ङ्‌का आम्‍नुओ ऩङ लोङ्‌सुङ्‌युङ्‌सुङ।

खाङ्‌मुमा 12:11

ब़ब़, नाना खोन्‍कि निछाचिआ थुबाछाओ अ़चुह़ खोन्‍कि अ़चुओ सालुम्‍स़ङ य़ङ्‌ओ अ़तुक्‌वाआ मोएदा म़छोसायुङ्‌सा। मोचिआ अ़चुस़मातारिछाङ अ़चुह़ङ्‌म़ङ सोमामान्‍तुक्‌अ़दा।

१ युहन्‍ना 3:16

ओदाङ्‌काङा सोम्‍तुक्‍मा दि ओ निकिना आन्‍कान सिन्‍तुम, देकिनालो ख्रिस्‍तआ आन्‍को निकिना अ़चुह़ङ्‌म़ङ म़पुवा। खोन्‌ओसा आन्‍कान्‌छाङ ख्रिस्‍तियान आन्‌यावाचिओ निम्‍पाङ आन्‍ह़ङ्‌म़ङ प़मादोत।

२ तिमोथि 1:12

खोवात्‍निओसा अ़ङ्‌का ओ य़ङ्‌चिदा छेक्‍खादा दुखा आङ्‌तुङ्‌योङ, खोन्‍नुछाङ अ़ङ्‌का ओ य़ङ्‌दा अ़ङ्‌लेजो अ़कात्‍निन। देकिनालो अ़ङ्‌का साङ्‌एदा साकोङ्‌छ़ङ मुङ्‌युङ्‌सुङ, अ़ङ्‌का सिन्‍तुङ्‌योङ खोन्‍कि अ़छ़ङ मुङ्‌युङ्‌सुङ, दि अ़ङ्‌का खोक्‍कोसोओ अ़चुलामाय़मातारि प़ङ्‌युङ्‌सुङ, मो रात्‍मा काऱ खोक्‍को म़युङ्‌याङ।

कलस्‍सि 1:24

हान आम्‍नुओ निम्‍पाङ अ़ङ्‌का दुखा आङ्‌मादा अ़ङ्‌ऩङानुङान्‍च़ङ। खोन्‍कि ख्रिस्‍तओ अ़चुलिप्‍पादा म़युङ्‌याङ्‌ओ चाअ़त्‍माचि खोक्‍कोसोओ अ़चुपोक माङ्‌लो साम्‍भुङ्‌ओ निम्‍पाङ अ़ङ्‌का अ़ङ्‌पोक्‌दा तासुङ्‌लाङ।

एफिसि 3:13

खोन्‌ओसा अ़ङ्‌का खानानिन लोनाङ्‌नानिन, आम्‍नुओ निम्‍पाङ अ़ङ्‌का आङ्‌तुङ्‌योङ्‍ओ अ़चाअ़त्‍मादा आम्‍नुओ राक अ़स़निन्‍ने। ओ ना आम्‍नुओ साऩङ्‌वा ओ।

२ कोरिन्‍थि 7:4

खानानिन्‌एदा अ़ङ्‌को अ़धिवा सोम्‍कुवा याक्‌याङ। खानानिन्‌एदा ब़द्‍धे अ़ङ्‌ऩङानुङाङान्‍च़ङ। अ़न्‍नुनु अ़ङ्‌सोम्‍सुवायुङ्‌सा। झारा आन्‍काओ दुखादा च़लोक अ़ङ्‌ऩङानुवायुङ्‌सा।

हिब्रु 10:34

म़छेक्‍ताङाओचि खानानिन सोमात़तुक्‍तुम्‍च़म। आम्‍नुओ चासुम्‍छेन्‍बि ऩङाप्‍तिन्‌हिदाछाङ आम्‍नुओ ऩङानुयाङ्‌सा त़आङ्‌तुम, देकिनालो खानानिन त़सिन्‍तुम्‌योम आम्‍नुओ झारासोओ अ़नुवाक चासुम्‍छेन्‍बि युङ्‌याङ, मो अ़धुन्‌तारि युङ्‌युङ।

तितस 2:11

देकिनालो निनाम्‍हाङ्‌आ झारा म़नाचि लेन्‍मा खोक्‍कोसोओ अ़चुसोम्‍तुक्‍मा खाङ्‌अ़मुसा।

२ तिमोथि 4:17

मेन झारा निरावाचिआ नुय़ङ्‌खान एन्‍मा अ़ऱने निकिना हाङ्‌पा अ़ङ्‌काएनान म़युङा, खोन्‍कि अ़ङ्‌का सावा ऩपुवाङ। मोवात्‍नि खोक्‍कोसाआ अ़ङ्‌का धिनाराओ अ़दोदाङ्‌का अ़लेइसाङ।

छाम्‍माय़ङ 22:21

खोन्‍किना हाङ्‌पाआ अ़ङ्‌का ऩलोवाङ, ‘खारा, देकिनालो अ़ङ्‌का खाना अ़थायातारि अ़ङ्‌तुक्‌वादा निरावाचिएदा अ़ङ्‌सालुम्‍स़ङ प़सि खान्‍ना।’”

१ थेसलोनिकि 3:3

खोन्‌ओसा दुखाचिआ आम्‍नुओ साङ्‌कोछाङ राक अ़स़निन्‍ने। खानानिन्‌ङा त़सिन्‍तुम्‌योम, ओवाको दुखाचि ना आन्‍कान आङ्‌माङादोत।

१ थेसलोनिकि 2:2

आन्‍कान्‍का बुयाङा फिलिप्‍पिदा चाअ़त्‍लो दुखा आङ्‌तुम्‍काओ खोन्‍कि आन्‍काओ साया ऩपेप्‍तिन्‍काओ य़ङ ना खानानिन त़सिन्‍तुम्‌योम। मेन अ़न्‍नुनु फित्‍चि ऩमुन्‍कानुछाङ आन्‍निनाम्‍हाङ्‌लाम्‍पा आन्‍कान्‍का राक तोक्‍तुम्‍काकिना खोक्‍कोसोओ अ़नुय़ङ्‌खान मान्‍क़माङ खानानिन खाएत्‍नि।

छाम्‍माय़ङ 20:21

यहुदिचि खोन्‍कि ग्रिक्‌चि अ़चुहेवादाङ्‌का निनाम्‍हाङ्‌एदा लामादोत, खोन्‍कि आन्‍हाङ्‌पा येसुएदा साकोङ्‌छ़ङ मुमादोत्‌निओसो अ़तुक्‌वादा अ़ङ्‌का खालुसुङ्‌युङ्‌सुङ।

एफिसि 1:6

खोन्‌ओसा खोक्‍कोसाआ सोमाअ़तुक्‍ताङाओ अ़चुछालाम्‍पा आन्‍कान मोहा म़पुवाओ साम्‍स़रिओ अ़चुसोमातुक्‍माओ निम्‍पाङ आन्‍कान निनाम्‍हाङ चोन्‍तुम्‍ने।

२ तिमोथि 3:11

खाना त़सिन्‍तुङु देम च़लोक अ़चाअ़त्‍माचि खोन्‍कि दुखाप़माय़ङ्‌चि एन्‍तिओखियादा, आइकोनियन्‌दा खोन्‍कि लुस्‍त्रादा अ़ङ्‌काएदा म़छुक्‍ता, खोन्‍कि दियाको अ़चाअ़त्‍माचि अ़ङ्‌का आङ्‌तुङ्‌च़ङ्‌नुछाङ मो झारादाङ्‌का हाङ्‌पाआ अ़ङ्‌का ऩलेइसाङ।

रोमि 4:4

काचि कामुआ तोक्‍तुओ काचिलुङ मोहा प़माय़ङ माआङ, मेन मो खोसाआ तोक्‍मादोत्‌ओ अ़पाङ ओ।

युहन्‍ना 15:27

खोन्‍कि खानानिन बुयादाङ्‌का अ़ङ्‌काएनान त़युङिन्‌येन्‌ओसाआ, खानानिन्‌आछाङ अ़ङ्‌सालुम्‍स़ङ प़मादोत।”

लुका 16:28

देकिनालो अ़ङ्‌द़क्‍छाबुवाचि पाच्‌कापाङ म़याक्‌याङ। लाजरस्‌आ मोचि चाप्‍चेत्‍तुचिनेकि मोचि ओ दुखा तोक्‍खादा ऩवाङ्‌निन्‍ने।’

छाम्‍माय़ङ 13:25

युहन्‍नाआ अ़काचि चिन्‍मा मुङुहिदा खोसाआ सेनुचि, ‘खानानिन अ़ङ्‌का साङ्‌नि त़मित्‍ङाङाऩङ? अ़ङ्‌का ना मसिह माआङ! मेन एनानुम, अ़ङ्‌देङ्‌दा अ़क्‍छा म़तायाङ, खोक्‍कोसोओ अ़चुलाङ्‌दाओ फेङ्‌ता हुत्‍माछाङ अ़ङ्‌का अ़खान्‍ऩङ।’

छाम्‍माय़ङ 15:7

ब़द्‍धे दुम अ़तुसाचिआकि पत्रुस पुवालोन्‍ताकि मोचि लोचि, “ब़ब़, नाना खोन्‍कि निछाचि ओ, खानानिन त़सिन्‍तुम्‌योम्‌ङा, बुयाङा अ़ङ्‌दोदाङ्‌का निरावाचिआ नुय़ङ्‌खान अ़एन्‌कि साकोङ्‌छ़ङ म़मुने निकिना आम्‍नुओ रादाङ्‌का अ़ङ्‌का निनाम्‍हाङ्‌आ ऩछेन्‍ताङ।

छाम्‍माय़ङ 18:5

खोन्‍किना सिलास खोन्‍कि तिमोथि माकेदोनिया धिखाहुप्‌दाङ्‌का तादिसाचि, खोन्‍कि पावल्‌आ यहुदिचि येसुङा ख्रिस्‍त म़मुयाङ्‌नि य़ङ्‌याङ्‌सा निनाम्‍हाङ य़ङ खाएत्‍मा काचिदा झारा अ़ग़रि पाउ।

छाम्‍माय़ङ 20:23

अ़ङ्‌का कोन्‍ङाओ झारा सहरादा छेक्‍खाआ खोन्‍कि दुखाचिआ अ़ङ्‌का ऩहुङ्‌ङाङाओ सेङ्‌लावाआ अ़ङ्‌का चाप्‍ऩचेत्‍ताङ्‌युङ्‌साङ, ओन ओन्‍ङा अ़ङ्‌का सिन्‍तुङ्‌योङ।

फिलिप्‍पि 2:30

देकिनालो ख्रिस्‍तओ अ़चुकाचिओ निम्‍पाङ खो आप्‍फात सुवादाओ। खोन्‍कि अ़ङ्‌काएदाओ आम्‍नुओ ब़त्‍मा तामालामा निम्‍पाङ खोसाआ अ़ह़ङ्‌म़ङ चाअ़त्‍लोदा पाउ।

खाङ्‌मुमा 6:11

खोन्‍किना मो झारा म़सेरुचिओचि अ़क्‌तातात ओमाङाओ तित म़प़चि, खोन्‍कि म़लोचि, “मोदा ब़द्‍धे खानानिन्‌वाङा निनाम्‍हाङ काब़क साकोङ्‌छ़ङ कामुचि म़युङ्‌याङ, खानानिन ऩसेरिन्‌वाङा म़नाचिआ मोचि म़सेरुचि। मोन्‍ग़रितारि खानानिन थुत्‍मेत्‍लो सावा तोम्‍सानिन।”

२ कोरिन्‍थि 4:12

ओवात्‍नि आन्‍कान्‍का स़माओ अ़बुदा ह़ङिन्‍का, मेन खानानिन्‌आ अ़लुक्‍निन्‌ओ ह़ङ्‌म़ङ त़तोक्‍तुम।