छाम्‍माय़ङ 14:3 - बान्‍तावा राई

³ खोन्‍नुछाङ पावल खोन्‍कि बारनाबास मो सहरादा ब़द्‍धेकालेन्‌तारि हाङ्‌पाओ अ़चुसोमातुक्‍मा य़ङ्‍ओ अ़तुक्‌वादा राक्‌एनान खालुयाङ्‌सा युङाचि। हाङ्‌पा येसुआ खोचि म़दोम्‍दाओ बुन्‌चि खोन्‍कि काचिचि मुमा सावा म़प़चिकिना खोचिओ अ़चुय़ङ अ़छ़ङ मुयाङ निकिना खाङ्‌अ़मुसा।

छाम्‍माय़ङ 14:3 Referans Kwoze

हिब्रु 2:4

निनाम्‍हाङ्‌आछाङ बुन्‌चि खोन्‍कि म़दोम्‍दाओ काचिचि, अ़पारा-अ़पाराओ सावाओ दोम्‍मादामायुचि खोन्‍कि खोक्‍कोसोओ अ़चुमित्‍मावा सेङ्‌लावाओ आसिखाचि अ़हासाकि ओ य़ङ्‌ओ सालुम्‍स़ङ अ़पुवा।

छाम्‍माय़ङ 20:32

हान अ़ङ्‌का खानानिन निनाम्‍हाङ्‌ओ खोन्‍कि खोक्‍कोसोओ अ़चुसोम्‍तुक्‍माओ य़ङ्‌दा पाक्‍नाङ्‌नानिन। निनाम्‍हाङ्‌ओ अ़चुय़ङ्‌आ खानानिन येसुएदा साकोङ्‌छ़ङ नुलोक मुमा त़ऱन्‍ने खोन्‍कि म़सेङ्‌सुचिओ झारा म़नाचिओ अ़चुरादा खानानिन आसिखा ऩप़न्‍ने।

छाम्‍माय़ङ 20:24

खोन्‍नुछाङ अ़ङ्‌का अ़ङ्‌ह़ङ्‌म़ङ देम्‌छाङ अ़लुङ छुक्‌ओ खोन्‍कि अ़ङ्‌को निम्‍पाङ दिसुवाछाङ अ़मित्‍ऩङ। मेन हाङ्‌पा येसुआ ऩपुवाङ्‌ओ खालुमा काचि निनाम्‍हाङ्‌ओ अ़चुसोमातुक्‍माओ नुय़ङ्‌खान्‌ओ अ़सालुम्‍स़ङ प़मा अ़ङ्‌लोत्‍मा तामालामा ऱङ्‌ने।

१ थेसलोनिकि 2:2

आन्‍कान्‍का बुयाङा फिलिप्‍पिदा चाअ़त्‍लो दुखा आङ्‌तुम्‍काओ खोन्‍कि आन्‍काओ साया ऩपेप्‍तिन्‍काओ य़ङ ना खानानिन त़सिन्‍तुम्‌योम। मेन अ़न्‍नुनु फित्‍चि ऩमुन्‍कानुछाङ आन्‍निनाम्‍हाङ्‌लाम्‍पा आन्‍कान्‍का राक तोक्‍तुम्‍काकिना खोक्‍कोसोओ अ़नुय़ङ्‌खान मान्‍क़माङ खानानिन खाएत्‍नि।

रोमि 1:16

नुय़ङ्‌खान खालुमा अ़ङ्‌लेजो अ़कात्‍निन, देकिनालो झारा साकोङ्‌छ़ङ कामु लेत्‍माओ निम्‍पाङ ओ निनाम्‍हाङ्‌ओ अ़चुसावा ओ: बुयाओदु यहुदिचि, खोन्‍कि ग्रिक्‌चिओ निम्‍पाङ्‌छाङ ओ।

मर्कुस 16:20

खोन्‍कि मोचि झारादात्‍नि म़खाराकि नुय़ङ्‌खान खाअ़लुसा। हाङ्‌पा खोचिएनान काचि म़मुवा, खोन्‍कि बुन्‍चिलाम्‍पा खोक्‍कोसोओ अ़चुय़ङ अ़छ़ङ म़मुचि।]

छाम्‍माय़ङ 5:32

आन्‍कान्‍का ओ य़ङ्‌चिओ अ़सालुम्‍स़ङ युङिन्‌येन्‍का, खोन्‍कि सेङ्‌लावाछाङ ओ य़ङ्‌चिओ अ़सालुम्‍स़ङ म़युङ्‌याङ। खोन्‍कि निनाम्‍हाङ्‌आ लोचिवा काच़चि सेङ्‌लावा म़प़युङ्‌सुचि।”

छाम्‍माय़ङ 2:22

इस्राएल म़नाचि ओ, ओ य़ङ्‌चि एनानुम्‍च़म! नासरत्‌ओ येसु आम्‍नुओ बुदा निनाम्‍हाङ्‌आ सावा काचिचि, म़दोम्‍दाओ काचिचि खोन्‍कि बुन्‍चिलाम्‍पा अ़य़साओ निकिना खाङ्‌अ़मुसा। मो खानानिन नुलोक त़सिन्‍तुम्‌योम।

छाम्‍माय़ङ 13:46

मेन पावल खोन्‍कि बारनाबास्‌आ राक्‌एनान अ़लासालोवाचुचिन, “निनाम्‍हाङ्‌ओ अ़चुय़ङ झारादाङ्‌का बुया खानानिन्‌ङा खाएत्‍मा दोराङाओ। मेन खानानिन्‌आ ओ ऩङात़छिरुम, खोन्‍कि खानानिन आप्‍पिङा अ़लुक्‍निन्‌ओ ह़ङ्‌म़ङ्‌आ त़खान्‍तिमिन्‌ओ त़काइसिन्‍चिन, खोन्‌ओसा हान आन्‍काच्‍या निरावाचिएदा लाच्‍या।

युहन्‍ना 4:48

येसुआ मो अ़लोवा, “खानानिन झारा बुन खोन्‍कि म़दोम्‍दाओ काचिचि मान्‍खाङ्‌माङ्‌तारि साकोङ्‌छ़ङ त़मुन्‍मिन।”

छाम्‍माय़ङ 4:31

याम़माराचिआकिना मोचि म़कोवान्‍चिन्‌ओदा ङाङ्‌सा, खोन्‍कि मोचि झारा सेङ्‌लावाआ भेप्‍तुचिकि मोचिआ निनाम्‍हाङ्‌ओ अ़चुय़ङ राक्‌एनान खाअ़लुसा।