छाम्‍माय़ङ 14:15 - बान्‍तावा राई

¹⁵ “यावाचि ओ, खानानिन देकिना ओवाको काचि त़मुन्‌येन? आन्‍काच्‍याछाङ खानानिन्‌वाको म़नाङा ओ। आन्‍काच्‍या खानानिन ओ सोज्‍जेओ य़ङ्‌चिदाङ्‌का अ़ह़ङ निनाम्‍हाङ्‌एदात्‍नि लासानिन निकि नुय़ङ्‌खान खुत्‍निकि तायुङ्‌साच्‍या। मोक्‍को निनाम्‍हाङ्‌आङा निनाम्‍मा, हेन्‍खामा, धियाङ्‌वामा खोन्‍कि मोदा म़याक्‌याङ्‌ओ झारा म़मुयुचि।

छाम्‍माय़ङ 14:15 Referans Kwoze

याकुब 5:17

एलिया आन्‍कान्‌वाकोङा अ़क्‍छा म़ना ओ। वा अ़तानिन्‍ने निकिना खो निनाम्‍हाङ्‌एदा अ़साकोङ्‌वाहुत्‌याङ्‌काङा यामारा, खोन्‍कि सुम्‌कादोङ छकादोङ्‌वात्‌तारि हेन्‍खामादा वा मान्‍ता।

१ कोरिन्‍थि 8:4

खोन्‌ओसा सेम्‍पोक प़माय़ङ्‌ओ चामायु चामाओ अ़तुक्‌वादा आन्‍कान सिन्‍तुम्‌योम, ओ हेन्‍खामादा सेम्‍पोक्‌चिओ अ़चुदित्‍छाङ मात्‍द़ङ, मेन अ़क्‍छा निनाम्‍हाङ्‌एदाङ्‌का नि मात्‍द़ङ।

छाम्‍माय़ङ 10:26

मेन पत्रुस्‌आ खो क़क्‍तुकि लो, “पुवालोन्‍तानिन, अ़ङ्‌काछाङ म़ल़क म़नाङा ओ।”

खाङ्‌मुमा 14:7

खोसाआ अ़धिवा य़ङ्‌दा य़ङा, “निनाम्‍हाङ कित्‍तानुम, खोन्‍कि खोक्‍कोसोओ अ़चुऩङ लोङ्‌सानुम, देकिनालो खोक्‍कोसाआ म़नाचिओ अ़चुछ़ङ्‌छेन्‍मा ग़रि तायुङ्‌सा। निनाम्‍मा, हेन्‍खामा, धियाङ्‌वामा खोन्‍कि चाक्‌वाओ अ़लित्‍खा कामुन्‍पा निनाम्‍हाङ ब़क्‍तानुम।”

१ थेसलोनिकि 1:9

देकिनालो देत्‍नि आन्‍कान्‍का खानानिन तुप्‍निहिदा साऩङ्‌वा त़मेत्‍निओ, खोन्‍कि देत्‍नि सेम्‍पोक्‌चिदाङ्‌का अ़ह़ङ खोन्‍कि अ़छ़ङ निनाम्‍हाङ ब़त्‍सि त़लासिन्‌ओ, मोसोओ अ़तुक्‌वादा झारादात्‍निओ म़नाचिआ खाअ़लु।

एफिसि 4:17

हान अ़ङ्‌का हाङ्‌पाओ अ़चुओ ऩङ्‌दा क़न्‍नान्‍चिन्‍सा य़ङ्‌ङा, खोन्‍कि हाङ्‌पादा सालुम्‍स़ङ प़ङ, निरावाचि देत्‍नि मोचिओ अ़चुमित्‍माचिओ सोज्‍जेदा म़ह़ङ, मोवात्‍नि खानानिन हान्‌दाङ्‌का मोह्‍यात्‍नि मान्‍ह़ङ्‌दानिन।

छाम्‍माय़ङ 4:24

खोन्‍किना ओ य़ङ अ़एनाकि मोचि झारा म़तोङाकि अ़धिवाङ य़ङ्‌आ निनाम्‍हाङ्‌एदा याम़मारा, “झारासोओ अ़चुहाङ्‌पा निनाम्‍हाङ, खानानिन्‌आङा निनाम्‍मा, हेन्‍खामा, धियाङ्‌वामा खोन्‍कि मोदा म़याक्‌याङ्‌ओ झारा त़मुयुम्‍च़म।

मत्‍ति 16:16

सिमोन पत्रुस्‌आ लासुलो, “खानानिन ख्रिस्‍त ओ, अ़ह़ङ निनाम्‍हाङ्‌ओ अ़चुछा ओ।”

हिब्रु 3:12

ब़ब़, नाना खोन्‍कि निछाचि ओ, चाप्‍चेत्‍तानिन्‍चिन! खानानिन खा-खाक्‍कोएदा याक्‌याङ्‌ओ अ़अ़त्‍पा खोन्‍कि साकोङ्‌छ़ङ मान्‍मुदामा साकोङ्‌वाआ खानानिन अ़ह़ङ निनाम्‍हाङ्‌एदाङ्‌का अ़थाया ऩखात्‍तिमिन्‍ने।

१ तिमोथि 3:15

मेन अ़ङ्‌का बान्‍मा छ़ङानालो निनाम्‍हाङ्‌ओ अ़चुखिम्‍लुम्‍पादा देत्‍नि तुङ्‌मादोत मो खानानिन सिन्‍मादोत। ओ खिम्‍लुम्‍पा अ़ह़ङ निनाम्‍हाङ्‌ओ अ़चुसाम्‍भुङ ओ, खोन्‍कि अ़नुछ्‍याओ अ़तोम्‍खा खोन्‍कि छ़ङ ओ।

छाम्‍माय़ङ 14:21

खोचिआ मो दर्बि सहरादा नुय़ङ्‌खान खाअ़एत्‍ताचुचिन, खोन्‍कि हाङ्‌पाएदा ब़द्‍धे काखेङ्‌चि म़लिसा। खोन्‍किना खोचि लुस्‍त्रा, आइकोनियन खोन्‍कि एन्‍तिओखिया लासाचि।

युहन्‍ना 7:18

साङ आप्‍पि अ़पाङ्‌लाम्‍पा चेप, मोसाआ आप्‍पिओ अ़साऩङ्‌वा लामु, मेन साङ्‌आ खो काछुत्‌ओ अ़साऩङ्‌वा लामु, मो अ़छ़ङ काचेप ओ, खोन्‍कि खोएदा म़प्‍माय़ङ अ़याक्‍निन।

खाङ्‌मुमा 22:9

मेन निनाम्‍हाङ काफाआ अ़ङ्‌का अ़लोवाङ, “खाना ओवात्‍नि मान्‍च़दा! खाना, निनाम्‍हाङ्‌य़ङ खाकालु आम्‍द़क्‍छा बुवाचि खोन्‍कि ओक्‍को छाप्‍लाखा भोङ्‌दा छाप्‍ताओ य़ङ्‌चि काकाङ झारा म़नाचिवात्‍नि अ़ङ्‌का निनाम्‍हाङ्‌ओ अ़चुहारुक ओन्‍ङा ओ। खाना निनाम्‍हाङ ओन्‍ङा ब़क्‍मादोत।”

खाङ्‌मुमा 19:19

हेन्‍खामादाओ साक्‍स़ङ खोन्‍कि झारा हाङ्‌चि खोन्‍कि अ़चुओ रात्‍खामिचि म़कोवान्‍चिन्‌ओ अ़ङ्‌का खाङ्‌च़ङ। मोचि युक्‌वादा कायुक खोन्‍कि खोसोओ अ़रात्‍खामिचिओ अ़चुदेङ्‌सालाप्‍पादा ङेन म़मुवा।

खाङ्‌मुमा 19:10

खोन्‍किना खो सेवा मेत्‍सि अ़ङ्‌का खोसोओ अ़लाङ्‌दा बोम्‍साङ्‌च़ङ। मेन खोसाआ अ़ङ्‌का अ़लोवाङ, “खाना अ़ङ्‌का ओवात्‍नि मुमा अ़नुनिन। अ़ङ्‌का येसुओ अ़छ़ङ सालुम्‍स़ङ काखुन आम्‍निछाचि खोन्‍कि अ़क्‍निओ आम्‌यावा काफाचि ओन्‍ङा ओ। निनाम्‍हाङ ब़क्‍तु!” देकिनालो येसु ख्रिस्‍तआ खाङ्‌अ़मुसाओ अ़छ़ङ्‌आङा निनाम्‍हाङ्‌य़ङ खाकालुचि मो अ़छ़ङ य़ङ्‌खान खालुमा सावा प़चि।

छाम्‍माय़ङ 27:25

खोन्‌ओसा अ़ङ्‌यावाचि ओ, आम्‍नुओ राक पोइसानुम! देकिनालो अ़ङ्‌का निनाम्‍हाङ्‌एदा साकोङ्‌छ़ङ मुङा, निनाम्‍हाङ काफाआ अ़ङ्‌का ऩलोवाङ्‌वात्‍निङा लि।

छाम्‍माय़ङ 27:21

म़नाचिआ चामायु मान्‍चाचिओ ब़द्‍धेकालेन लिसाखारायुङ्‌साओसा पावल्‌आ झारासोओ अ़चुबुदा एवाकि मोचि लोचि, “अ़ङ्‌यावाचि ओ, अ़ङ्‌यायोक खानानिन्‌आ त़एनुम्‌कि क्रेत्‌दाङ्‌का मान्‍बान्‍दामादोराङाओ। मोन्‍ग़रि अ़ङ्‌का लोनानिन्‌ओ य़ङ त़एनुम्‌ओ खाङ्‌दे ओ केत्‍मा खोन्‍कि तुत्‍ता खानानिन्‌आ आङ्‌मा मान्‍दोत्‌याङ्‌ओ।

छाम्‍माय़ङ 27:10

“यावाचि ओ, अ़ङ्‌का खाङ्‌योङ, ओन्‍ग़रि वाप्‍तेलादाङ्‌का आन्‍कान खारिन्‌नालो वाप्‍तेला खोन्‍कि ओदा म़याक्‌याङ्‌ओ सामाचि ओन्‍ङा ऩलुक्‍निन, मेन आन्‍कान्‌छाङ लुक्‍तिन।”

छाम्‍माय़ङ 16:30

खोन्‍किना खोसाआ बुङ्‌खाया लोत्‍तुचिकि खोचि सेनुचि, “अ़धुवाचि ओ, अ़ङ्‌का लेत्‍मा दे च़मादोत?”

छाम्‍माय़ङ 14:7

मोदा खोचिआ नुय़ङ्‌खान खाअ़लुसायुङ्‌साचु।

छाम्‍माय़ङ 13:32

निनाम्‍हाङ्‌आ आन्‍सुन्‍तुम्‌चि म़हिप्‍तुचिओ अ़तुक्‌वादाओ नुय़ङ्‌खान आन्‍काच्‍या खानानिन खाएत्‍निङ्‌नि।

छाम्‍माय़ङ 7:26

अ़माङ्‌कोलेन मोसाआ ह़वाङ इस्राएलिचि म्‍हुवाङाचिओ खाचि। मोचि अ़क्‍छा निएदा तोङ्‌माचिनि मिनाकि खोसाआ लोचि, ‘एनाचु, यावाचि ओ, खानाचिना यहुदि-यहुदि ए, देकि खानाचि ओवात्‍नि त़म्‍हुचिङ्‌चिओ?’

युहन्‍ना 5:26

देत्‍नि पापा आप्‍पिएदा ह़ङ्‌म़ङ प़मा सावा याक्‌याङ, मोवात्‍निङा खोक्‍कोसाआ अ़चुछाछाङ अ़धुन्‌ओ ह़ङ्‌म़ङ प़माओ सावा अ़पुवायुङ्‌सा।

खाङ्‌मुमा 4:11

“आन्‍काओ हाङ्‌पा खोन्‍कि निनाम्‍हाङ, खानानिन ऩङ्‌लोङ्‌मा, साया खोन्‍कि सावा लोक्‍मा त़खान्‍तिन्‌ओ त़मुन्‌येन, देकिनालो खानानिन्‌आङा झारा सामाचि त़मुयुम्‍च़मओ, खोन्‍कि आम्‍नुओ मिन्‍मावा मोचि म़लिसाओ खोन्‍कि म़मुयाओ।”