छाम्‍माय़ङ 13:50 - बान्‍तावा राई

⁵⁰ मेन यहुदि बुसुवाचिआ निनाम्‍हाङ कामित सायाकातोक निरावा मेत्‍छामाचि खोन्‍कि सहरादाओ अ़चुऩङ ऱङाओ म़नाचि म़थेन्‍तुचिकि पावल खोन्‍कि बारनाबास्‌ओ अ़चुदेङ्‌सालाप्‍पादा दुखा म़प़चि, खोन्‍कि अ़चुधिखाहुप्‌दाङ्‌का मोचि म़लोइसुखाइसुचि।

छाम्‍माय़ङ 13:50 Referans Kwoze

२ तिमोथि 3:11

खाना त़सिन्‍तुङु देम च़लोक अ़चाअ़त्‍माचि खोन्‍कि दुखाप़माय़ङ्‌चि एन्‍तिओखियादा, आइकोनियन्‌दा खोन्‍कि लुस्‍त्रादा अ़ङ्‌काएदा म़छुक्‍ता, खोन्‍कि दियाको अ़चाअ़त्‍माचि अ़ङ्‌का आङ्‌तुङ्‌च़ङ्‌नुछाङ मो झारादाङ्‌का हाङ्‌पाआ अ़ङ्‌का ऩलेइसाङ।

छाम्‍माय़ङ 14:19

खोन्‍किना खा-खाक्‍को एन्‍तिओखिया खोन्‍कि आइकोनियन्‌याङ्‌का म़बानाओ यहुदिचिआ पावल्‌ओ अ़देङ्‌सालाप्‍पादा म़ना मुक्‍लाचि म़थेन्‍तुचि। खोचिआ पावल लुङ्‍आ अ़वेरा, खोन्‍कि खो सुवादानि अ़मित्‍ताकिना सहरादाङ्‌का बुङ्‌खाया अ़सारालोत्‍ता।

छाम्‍माय़ङ 14:2

मेन साकोङ्‌छ़ङ मान्‍मुकादा यहुदिचिआ निरावाचि म़थेन्‍तुचिकि हाङ्‌पाएदा साकोङ्‌छ़ङ कामुचिओ अ़चुदेङ्‌सालाप्‍पादा अ़चुमिन्‍मा अ़त्‍लो म़मेत्‍तुप़चि।

छाम्‍माय़ङ 13:45

मेन यहुदि बुसुवाचिआ म़ना मुक्‍लाचि म़खाचिहिदा मोचि च़लोक ऩङ्‌च़ म़मुवा, खोन्‍कि पावल चेवाङाओ य़ङ्‍ओ अ़देङ्‌सालाप्‍पादा याअ़सान्‍ता।

छाम्‍माय़ङ 21:27

म़सेङ्‌सान्‍चिन्‌ओ सात्‌कालेन तामालामा मुवाङाहिदा एसिया धिखाहुप्‌दाओ यहुदिचिआ पावल ब़क्‍खाखिम्‌दा अ़खा। खोन्‍कि मोचिआ झारा म़ना मुक्‍लाचि खोसोओ अ़देङ्‌सालाप्‍पादा म़चोङ्‌सुचिकि खो अ़लावा।

छाम्‍माय़ङ 17:13

थेसलोनिकेदा म़युङाङाओ यहुदिचि बेरियादाछाङ म़तालाकि पावल्‌आ निनाम्‍हाङ्‌ओ अ़चुय़ङ खालुसुङुनिओ य़ङ अ़एनाकि पावल्‌ओ अ़देङ्‌सालाप्‍पादा मुक्‍लाचि म़चोङ्‌सुचि।

रोमि 10:2

देकिनालो अ़ङ्‌का मोचिओ अ़चुतुक्‌वादा सालुम्‍स़ङ प़मा ऱनानिन, निनाम्‍हाङ्‌एदा मोचि अ़चुराक्‍स़रि ना म़मुयाङ, मेन मो राक अ़नुछ्‍याओ अ़चुतायावा अ़मुनिनिन।

छाम्‍माय़ङ 13:43

अ़चुयायोक चिआकि ब़द्‍धे यहुदिचि खोन्‍कि यहुदि च़माथाङ्‌मावा काच़ निरावा निनाम्‍हाङ काब़क्‌चिआ पावल खोन्‍कि बारनाबास म़त़ङ्‌तुचि, खोन्‍कि खोचिआ निनाम्‍हाङ्‌ओ अ़चुसोम्‍तुक्‍मादा युङायुङ्‌सानिन्‌नि लोयाङ्‌सा मो म़नाचि राक अ़पुवाचुचिन।

छाम्‍माय़ङ 8:1

स्‍तिफनस लुङ्‌ताक्‌आ वेन्‍मासेत्‍मादा सावल काङ्‌सा। मो लेन्‌ङा यरुसलेम्‌दा साम्‍भुङ्‍ओ अ़देङ्‌सालाप्‍पादा म़नाचिआ चाअ़त्‍लो दुखा प़मा म़पुक्‍तुचि। खोन्‍कि छाम्‍माय़ङ्‌चिदाङ्‌का नि झारा साकोङ्‌छ़ङ कामुचि यहुदिया खोन्‍कि सामरिया धिखाहुप्‌चिदात्‍नि म़रिसाखारा।

छाम्‍माय़ङ 6:12

खोन्‍किना मोचिआ म़ना मुक्‍लाचि, अ़धुवाचि खोन्‍कि य़ङ्‌हुप काचिन्‍पाचि म़थेन्‍तुचिकिना स्‍तिफनस अ़थिलाखात्‍ता, खोन्‍कि अ़लावाकि धियायोक्‍खादा अ़तारा।

छाम्‍माय़ङ 2:5

मोन्‍ग़रि हेन्‍खामादाओ झारा हेन्‍कोप्‌चिदाङ्‌का निनाम्‍हाङ कामित यहुदिचि यरुसलेम्‌दा म़ताकि म़युङाङा।

मर्कुस 5:17

खोन्‍किना मो म़नाचिआ येसु “आन्‍काओ धिखाहुप्‌दाङ्‌का लोन्‍ताखारानिन”नि खोक्‍को अ़लोवा।

मत्‍ति 10:23

मोचिआ खानानिन अ़क्‌तात सहरादा दुखा ऩप़न्‌हिदा खानानिन नि सहरादा फुङ्‌सानिन। देकिनालो अ़नुछ्‍या अ़ङ्‌का खानानिन लोनानिन, म़नाओ अ़छा तामा बुया खानानिन्‌आ इस्राएल्‌दाओ झारा सहराचिदा आम्‍नुओ काचि त़मुन्‍चिइमिन।

मर्कुस 15:43

अरिमाथियादाओ योसेफ, धियायोक्‍खादाओ पाङ्‌कातोक अ़क्‍छा ब़द्‍धे अ़ऩङ ऱङाओसाआ निनाम्‍हाङ्‌ओ अ़चुहाङ्‌होन ताङाओ हुङुङु। खो अ़राक्‌एनान पिलातस्‌एदा खाराकि येसुओ अ़चुस़पोक दोरु।

छाम्‍माय़ङ 14:4

मेन सहरादाओ म़नाचि ह्‍वा रुहुप्‌दा म़हासान्‍चिन। देम्‍पाङ यहुदिचिएह्‍यात्‍नि खोन्‍कि देम्‍पाङ छाम्‍माय़ङ्‌चिएदात्‍नि म़वाङा।

छाम्‍माय़ङ 14:5

खोन्‍किना निरावाचिकि यहुदिचि अ़क्‍नि अ़चुबुसुवाचिएनान म़तोङाकिना पावल खोन्‍कि बारनाबास म़सुङुचिकि लुङ्‍आ वेन्‍मा याम़योआ।

छाम्‍माय़ङ 16:14

मोचिएदाओ थिआतिरा सहरादा कायुङ्‌मा लिदिया अ़ऩङ मुवाङाओ अ़क्‍छा निरावा मेत्‍छामा याआङा, मो ब़द्‍धे अ़लुङ छुक्‍ताङाओ तित इनाङा। मोसाआ निनाम्‍हाङ ब़क्‍तुङु। हाङ्‌पाआ मोसोओ अ़साकोङ्‌वा अ़होत्‍तापुवाओसा पावल चेवाङाओ य़ङ नुलोक तुप्‍तु।

छाम्‍माय़ङ 17:4

मोचिएदाओ देम्‌कापाङ यहुदिचि साकोङ्‌छ़ङ म़मुवाकि पावल खोन्‍कि सिलास म़त़ङ्‌तुचि। निनाम्‍हाङ काब़क ब़द्‍धे ग्रिक म़नाचि खोन्‍कि अ़क्‍चित ब़द्‍धे बुसुवा मेत्‍छामाचिछाङ साकोङ्‌छ़ङ म़मुवाकि मोवात्‍निङा म़चुवा।

छाम्‍माय़ङ 17:12

खोन्‌ओसा ब़द्‍धे यहुदिचि हाङ्‌पाएदा साकोङ्‌छ़ङ म़मुवा, खोन्‍कि अ़चुऩङ ऱङाओ ब़द्‍धे ग्रिक मेत्‍छामाचिआकिना दुवाछाचिआछाङ हाङ्‌पाएदा साकोङ्‌छ़ङ म़मुवा।

छाम्‍माय़ङ 17:17

खोन्‌ओसा यहुदिचिओ यावायोक्‍खिम्‌दा खाराकि यहुदिचि खोन्‍कि निनाम्‍हाङ काब़क ग्रिक्‌चिएनान खोन्‍कि अ़लेन्‍खिन्‍तुम हाता रादा तुउचिओ झारा म़नाचिएनान्‌छाङ खो दुम्‍तुसायुङ्‌साङा।

छाम्‍माय़ङ 18:7

खोन्‍किना पावल्‌आ यावायोक्‍खिम छिरुदोकि निरावा निनाम्‍हाङ काब़क तितस युस्‍तस अ़ऩङ मुवाङाओ म़नाओ अ़खिम्‌दा खारा। खोसोओ अ़खिम यावायोक्‍खिम च़क्‌दा छुक्‍ताङा।

छाम्‍माय़ङ 28:17

पावल रोम्‌दा तालाओ सुम्‌कालेन्‌कि खोसाआ मोदाओ यहुदिचिओ अ़चुबुसुवाचि अ़क्‍नि बुत्‍तुचि। खोन्‍कि मोचि म़कोवान्‍चिन्‌किना खोसाआ मोचि लोचि, “अ़ङ्‍ब़ब़ निछाचि ओ, अ़ङ्‌का आन्‍म़नाचिओ माङ्‌लो आन्‍सुन्‍तुम्‌चिओ अ़चुच़माथाङ्‌माओ अ़देङ्‌सालाप्‍पादा देत्‍छाङ मान्‍फिङानुछाङ यहुदि आन्‍म़नाचिआ अ़ङ्‌का यरुसलेम्‌दा ऩलावाङ्‌कि छेक्‍ताङाओ म़नावा रोमिचिओ अ़चुपाङ्‌दा ऩपाआङ।

२ कोरिन्‍थि 11:26

अ़ङ्‌का अ़दु-अ़दु अ़ङ्‌कोन्‍खादा याङ्‌वामाचिओ क़मादा, काङाप्‌चिओ क़मादा, यहुदि आप्‍पि अ़ङ्‌म़नाचिदा खोन्‍कि निरावाचिओ क़मादा छुक्‍मादोरा। मोवात्‍निङा अ़ङ्‌ह़ङ्‌म़ङ सहराओ क़मादा, लेक्‍लेक्‍लेक्‌वाओ क़मादा, धियाङ्‌वामाओ क़मादा, सोज्‍जेओ ब़ब़, नाना खोन्‍कि निछाचिएदाङ्‌काओ क़मादा छुक्‍ताङ।

१ थेसलोनिकि 2:14

देकिनालो अ़ङ्‍ब़ब़, नाना खोन्‍कि निछाचि ओ, ख्रिस्‍त येसुदा साकोङ्‌छ़ङ कामु यहुदियादाओ निनाम्‍हाङ्‌ओ अ़चुसाम्‍भुङ्‌चि कात़ङ खानानिन त़लिसिन्‌युङ्‌सिन। देत्‍नि यहुदि साम्‍भुङ्‌चिआ अ़चुम़नाचिदाङ्‌का दुखा अ़आङ्‌ता, मोवात्‍निङा खानानिन्‌आ आम्‍नुओ हेन्‍कोप्‌दाओ म़नाचिलाम्‍पा दुखा त़आङ्‌तुम।