छाम्‍माय़ङ 13:43 - बान्‍तावा राई

⁴³ अ़चुयायोक चिआकि ब़द्‍धे यहुदिचि खोन्‍कि यहुदि च़माथाङ्‌मावा काच़ निरावा निनाम्‍हाङ काब़क्‌चिआ पावल खोन्‍कि बारनाबास म़त़ङ्‌तुचि, खोन्‍कि खोचिआ निनाम्‍हाङ्‌ओ अ़चुसोम्‍तुक्‍मादा युङायुङ्‌सानिन्‌नि लोयाङ्‌सा मो म़नाचि राक अ़पुवाचुचिन।

छाम्‍माय़ङ 13:43 Referans Kwoze

छाम्‍माय़ङ 11:23

खो मोदा तालाकि निनाम्‍हाङ्‌आ मोचि आसिखा प़चिओ खाकिना ब़द्‍धे अ़ऩङानुवा। खोन्‍कि खोसाआ झारा अ़चुमिन्‍माआ हाङ्‌पाएदा सोम्‍कुवा म़मुयुङ्‌ने निकिना मोचि झारा राक प़चि।

छाम्‍माय़ङ 14:22

खोचिआ येसु काखेङ्‌चि “लावामि ह़ङ्‌म़ङ्‌दा सावा खोन्‍कि साकोङ्‌छ़ङ मुवायुङ्‌सानिन” निकिना राक अ़पुवाचुचिन। “निनाम्‍हाङ्‌ओ अ़चुहाङ्‌होन्‌दा वाङ्‌मा आन्‍कान ब़द्‍धे दुखाचि आङ्‌माङादोत”नि खोचिआ अ़लोवाचुचिन।

२ युहन्‍ना 1:9

ख्रिस्‍तओ अ़चुचिन्‍मादा मान्‌युङ्‌कादा खोन्‍कि साङ अ़थाया खात, खोएदा निनाम्‍हाङ ऩयुङ्‌निन। मेन खोक्‍कोसोओ अ़चुचिन्‍मादा कायुङ निनाम्‍हाङ पापा खोन्‍कि अ़चुछा ह़वाङ्‌माङ युङ्‌चि।

हिब्रु 13:9

अ़खाला-खालाओ मान्‍सिन्‍माय़ङ्‌ओ चिन्‍माय़ङ्‌चिआ खानानिन ऩतित्‍तिन्‍खातिमिन्‍ने। देकिनालो चामायु दुङ्‌मायुओ य़ङ्‌हुप्‌आ माआङ, मेन निनाम्‍हाङ्‌ओ अ़चुसोमातुक्‍माआ साकोङ्‌वा छोलो मुमादा अ़नुवाक मु। चामायु दुङ्‌मायुओ य़ङ्‌हुप्‌आ मो य़ङ्‌हुप कात़ङ्‌चि नुलोक मान्‍मुयुक्‍तुचि।

हिब्रु 12:15

मिन्‍मा पाक्‍तानुम, खाक्‍कोछाङ म़ना निनाम्‍हाङ्‌ओ अ़चुसोम्‍तुक्‍मा तोक्‍मादाङ्‌का देङ्‌सा अ़लानिन्‍ने। मोवात्‍नि खाक्‍कोछाङ ख़क्‌याङ्‌ओ छ़क्‌ओ अ़ताङ लित्‌किना मोसाआ झारा खान्‌अ़त्‍लो त़मुन खोन्‍कि मोसाआ ब़द्‍धेकापाङ त़पोप्‍तिन।

कलस्‍सि 1:28

ख्रिस्‍त कात़ङ झारा म़नाचि आन्‍कान्‍का निनाम्‍हाङ्‌ओ अ़चुबुदा खात्‍तुम्‌योम्‍च़म्‍काहिदा खोचि म़पोन्‍चिन्‍ने निकिना आन्‍कान्‍का झारा म़नाचि चाप्‍चेत्‌याङ्‌सा खोन्‍कि झारा खारुदा चिन्‌याङ्‌सा ख्रिस्‍तओ अ़तुक्‌वादा खालुसुम्‍का।

कलस्‍सि 1:23

मोवात्‍नि लिमाओ निम्‍पाङ खानानिन आम्‍नुओ साकोङ्‌छ़ङ्‌दा ओह्‍यात्‍नि-मोह्‍यात्‍नि मान्‍लिमाङ युङ्‌मादोत, खोन्‍कि खानानिन्‌आ नुय़ङ्‌खान त़एनुम्‌हिदा निनाम्‍हाङ्‌आ ऩहिप्‍तिन्‌ओ य़ङ खोसाआ ऩप़न्‌निओ य़ङ्‌दा अ़छ़ङ लिमाकि युङ्‌मायुङ्‌मादोत। मो नुय़ङ्‌खान हेन्‍खामादाओ झारा म़नाचि खाम़एत्‍तायुङ्‌सा। अ़ङ्‌का पावल मो नुय़ङ्‌खान खाकालु हारुक लिसाङ्‌युङ्‌साङ।

फिलिप्‍पि 4:1

खोन्‌ओसा अ़ङ्‌का सोमातुक्‍नानिन्‌ओ खोन्‍कि खाङ्‌मा स़ङाङाओ अ़ङ्‍ब़ब़, नाना खोन्‍कि निछाचि ओ, खानानिन अ़ङ्‌ऩङानुमा खोन्‍कि अ़ङ्‌तोक्‍पो लिखा ओ। अ़ङ्‌का सोमातुक्‍नाङ्‌नानिन्‌ओचि ओ, ओवात्‍निङा हाङ्‌पाएदा नुलोक युङानिन।

फिलिप्‍पि 3:16

दि आन्‍कान निनाम्‍हाङ्‌आ खाङ्‌म़मेत्‍तायुङ्‌सा, मो नुलोक क़क्‍तुम्‌युङ्‌सुम्‍ने।

एफिसि 2:8

देकिनालो सोमातुक्‍मादाङ्‌का साकोङ्‌छ़ङ्‌लाम्‍पा खानानिन त़लेरिन्‌युङ्‌सिन। खोन्‍कि ओ खानानिन आप्‍पिएदाङ्‌का माआङ, ओ ना निनाम्‍हाङ्‌आ मोहा प़माय़ङ ओ।

गलाति 5:1

ख्रिस्‍तआ आन्‍कान म़फोङ्‌साओ। खोन्‌ओसा खानानिन नुलोक एवानिन, खोन्‍कि देम्‍खाछाङ हारुक्‌ओ कोम्‌दा मान्‍लानाप्‌दानिन्‍चिन।

२ कोरिन्‍थि 6:1

निनाम्‍हाङ्‌एनान अ़क्‍नि काचि कामुओसा आन्‍कान्‍का खानानिन लोनिङ्‌नि, निनाम्‍हाङ्‌ओ अ़चुसोम्‍तुक्‍मा त़तोक्‍तुम्‌युङ्‌सुम, हान निनाम्‍हाङ काचि मुमा खानानिन्‌एदा पुवानुम।

२ कोरिन्‍थि 5:11

खोन्‌ओसा, निनाम्‍हाङ्‌एनान देत्‍नि क़मादोत्‌नि आन्‍कान्‍का सिन्‍तुम्‌काकिना आन्‍कान्‍का म़नाचि काङ्‌मेत्‍तुम्‍च़म्‍का। मेन आन्‍कान्‍का देत्‍नि मुन्‌येन्‍का निनाम्‍हाङ्‌आ अ़सिन्‌याङ, खोन्‍कि अ़ङ्‌का सोम्‍कुवा मुङा, मो आम्‍नुओ छेन्‍खातायाआछाङ नुलोक्‌ङा सिन्‍तुङु।

रोमि 11:6

मेन ओ सोम्‍तुक्‍मालाम्‍पाओ ओ, देम्‍खाछाङ काचिचिओ अ़तुक्‌वाआ माआङ। माङ्‌नालोना सोम्‍तुक्‍मा अ़नुछ्‍याओ सोम्‍तुक्‍माङा अ़लिनिन।

रोमि 5:21

खोन्‌ओसा देत्‍नि हेवाआ स़मादा हाङ मुवा, मोवात्‍निङा येसु ख्रिस्‍त आन्‍हाङ्‌पालाम्‍पा सोमातुक्‍माआछाङ हाङ मुकिना साम्‌योक्‍मिलाम्‍पा अ़लुक्‍निन्‌ओ ह़ङ्‌म़ङ्‌दा म़तित।

रोमि 5:2

खोक्‍कोएदाङ्‌का आन्‍कान ओ सोम्‍तुक्‍मादा साकोङ्‌छ़ङ्‌लाम्‍पा वाङ्‌मा तोक्‍तुम्‌युङ्‌सुम। मो सोम्‍तुक्‍मादा आन्‍कान युङिन्‌येन, खोन्‍कि निनाम्‍हाङ्‌ओ अ़चुसाम आन्‍कान्‌छाङ तोक्‍मा सोम्‍कुवादा आन्‍ऩङानुसिन्‍चिन्‍ने।

रोमि 3:24

निनाम्‍हाङ्‌ओ अ़चुसोम्‍तुक्‍माओ आसिखाआ, ख्रिस्‍त येसुओ अ़चुलेन्‍मादाङ्‌का मोचि मोहा साम्‌योक्‍मि म़काइसायुङ्‌सा।

छाम्‍माय़ङ 17:34

खा-खाक्‍को म़नाचि खोलिप्‍पा म़वाङाकि येसुएदा साकोङ्‌छ़ङ म़मुवा। मोचिएदाओ अरियोपागस यायोक्‍खादाओ म़ना दियनुसियस खोन्‍कि दामारिस अ़ऩङ मुवाङाओ मेत्‍छामा युङाङा। खोन्‍कि निचिछाङ साकोङ्‌छ़ङ म़मुवा।

छाम्‍माय़ङ 17:4

मोचिएदाओ देम्‌कापाङ यहुदिचि साकोङ्‌छ़ङ म़मुवाकि पावल खोन्‍कि सिलास म़त़ङ्‌तुचि। निनाम्‍हाङ काब़क ब़द्‍धे ग्रिक म़नाचि खोन्‍कि अ़क्‍चित ब़द्‍धे बुसुवा मेत्‍छामाचिछाङ साकोङ्‌छ़ङ म़मुवाकि मोवात्‍निङा म़चुवा।

छाम्‍माय़ङ 16:14

मोचिएदाओ थिआतिरा सहरादा कायुङ्‌मा लिदिया अ़ऩङ मुवाङाओ अ़क्‍छा निरावा मेत्‍छामा याआङा, मो ब़द्‍धे अ़लुङ छुक्‍ताङाओ तित इनाङा। मोसाआ निनाम्‍हाङ ब़क्‍तुङु। हाङ्‌पाआ मोसोओ अ़साकोङ्‌वा अ़होत्‍तापुवाओसा पावल चेवाङाओ य़ङ नुलोक तुप्‍तु।

छाम्‍माय़ङ 14:3

खोन्‍नुछाङ पावल खोन्‍कि बारनाबास मो सहरादा ब़द्‍धेकालेन्‌तारि हाङ्‌पाओ अ़चुसोमातुक्‍मा य़ङ्‍ओ अ़तुक्‌वादा राक्‌एनान खालुयाङ्‌सा युङाचि। हाङ्‌पा येसुआ खोचि म़दोम्‍दाओ बुन्‌चि खोन्‍कि काचिचि मुमा सावा म़प़चिकिना खोचिओ अ़चुय़ङ अ़छ़ङ मुयाङ निकिना खाङ्‌अ़मुसा।

२ पत्रुस 3:14

खोन्‌ओसा सोमातुक्‍नाङ्‌नानिन्‌ओ अ़ङ्‌यावाचि ओ, ओ य़ङ्‌चि काहुङ्‌चिओसा निनाम्‍हाङ्‌ओ अ़चुखाङ्‌मादा खानानिन थुपि खोन्‍कि ह़त्‍माय़ङ मात्‍द़ङ्‌ओ सेवाङ्‌निओ ह़ङ्‌म़ङ ह़ङानिन।

१ पत्रुस 5:12

सोम्‍कुवा मुमा खान्‍तुओ निछा सिलास्‌ओ अ़फामालाम्‍पा ओ थुत्‍मेत्‍लो छाप्‍लावा अ़ङ्‌का छाप्‍तुङ्‌योङ। खानानिन राक प़नानिन खोन्‍कि खाएत्‍नानिन, निनाम्‍हाङ्‌ओ अ़छ़ङ अ़चुसोमातुक्‍मा ओङा ओ। ओदाङा खानानिन युङायाक्‍तानिन।

गलाति 5:4

खानानिन य़ङ्‌हुप्‌लाम्‍पा साम्‌योक्‍मि कान्‍मा त़लामिन्‌येन्‌ओचि, ख्रिस्‍तएदाङ्‌का खानानिन त़लोइसिन्‍खाइसिन्‌युङ्‌सिन्‍चिन। खोन्‍कि खानानिन निनाम्‍हाङ्‌ओ अ़चुसोम्‍तुक्‍मादाङ्‌का त़धान्‍खारिन्‌युङ्‌सिन।

छाम्‍माय़ङ 28:23

खोन्‍किना खोचिआ पावल तुप्‍खालेन अ़तोङ्‌सा, खोन्‍कि खो युङाङाओदा ब़द्‍धे यहुदिचि म़ता। खोसाआ अ़वाय़ङ्‌दाङ्‌का अ़नाम्‍प़क्‌तारि निनाम्‍हाङ्‌ओ अ़चुहाङ्‌होन्‌ओ अ़तुक्‌वादा खाएत्‌याङ्‌सा खोन्‍कि मोसाओ अ़य़ङ्‌हुप खोन्‍कि निनाम्‍हाङ्‌य़ङ खाकालुचिओ अ़चुछाप्‍लाखादाङ्‌का येसुओ अ़तुक्‌वादा साकोङ्‌छ़ङ मुमा निम्‍पाङ सोन्‍तुचि।

छाम्‍माय़ङ 17:17

खोन्‌ओसा यहुदिचिओ यावायोक्‍खिम्‌दा खाराकि यहुदिचि खोन्‍कि निनाम्‍हाङ काब़क ग्रिक्‌चिएनान खोन्‍कि अ़लेन्‍खिन्‍तुम हाता रादा तुउचिओ झारा म़नाचिएनान्‌छाङ खो दुम्‍तुसायुङ्‌साङा।

छाम्‍माय़ङ 13:50

मेन यहुदि बुसुवाचिआ निनाम्‍हाङ कामित सायाकातोक निरावा मेत्‍छामाचि खोन्‍कि सहरादाओ अ़चुऩङ ऱङाओ म़नाचि म़थेन्‍तुचिकि पावल खोन्‍कि बारनाबास्‌ओ अ़चुदेङ्‌सालाप्‍पादा दुखा म़प़चि, खोन्‍कि अ़चुधिखाहुप्‌दाङ्‌का मोचि म़लोइसुखाइसुचि।

छाम्‍माय़ङ 6:5

खोन्‍कि मो अ़युङ्‌साओ य़ङ रुहुप्‌दाओ झारासाआ ऩङाअ़नुसा, खोन्‍किना मोचिआ सेङ्‌लावाआ खोन्‍कि साकोङ्‌छ़ङ्‍आ भेप्‍तुचिओचि स्‍तिफनस, फिलिप, प्रखरस, निकनोर, तिमोन, पर्मिनास, खोन्‍किना एन्‍तिओखिया सहरादाओ निरावा निकोलाउस म़छेन्‍तुचि, खो बुयाङे यहुदि साम्‌योक्‌दा वाङाचिआयुङ्‌सा।

छाम्‍माय़ङ 2:10

फ्रिगिया, पाम्‍फिलिया, मिस्र खोन्‍कि कुरेनिओ अ़च़क्‌दा छुक्‌ओ लिबिया धिखाहुप्‌चि खोन्‍कि रोम्‌दाङ्‌का हुसि बानिन्‌ओ यहुदि

मत्‍ति 23:15

अ़चाअ़त्‍मादा त़छुक्‍तिन खानानिन य़ङ्‌हुप काचिन्‍पाचि खोन्‍कि फरिसिचि ओ! खानानिन कोङ्‌क़त्‌वाचि ओ! देकिनालो खानानिन अ़क्‍छा आम्‍नुओ साम्‌योक्‌दा तात्‍मा धियाङ्‌वामा खोन्‍कि थाम्‍पुक त़कोत्‍तुम, खोन्‍कि मो आम्‍नुओ साम्‌योक्‌दा ताकि मो खानानिन्‌एदाङ्‌का ह्‍वास़रो सित्‍म़ङ्‌चि दुखा तोक्‍खादा छुक्‍मा खान्‍तुओ त़मुम।

१ युहन्‍ना 2:28

खोन्‍कि हान अ़चुप्‍पो सोमातुक्‍निङ्‌निओ छाचि ओ, खोक्‍कोएदा युङायाक्‍तानिन, खोन्‌ओसा खोक्‍को खाङ्‌म़मुनान्‍चिन्‌ओ ग़रि आन्‍कान राक तोक्‍तुम्‍ने, खोन्‍कि खोक्‍कोसोओ अ़चुबुदा आन्‍कान लेजोदा अ़छुक्‍तिमिन्‍ने।

तितस 2:11

देकिनालो निनाम्‍हाङ्‌आ झारा म़नाचि लेन्‍मा खोक्‍कोसोओ अ़चुसोम्‍तुक्‍मा खाङ्‌अ़मुसा।

छाम्‍माय़ङ 18:7

खोन्‍किना पावल्‌आ यावायोक्‍खिम छिरुदोकि निरावा निनाम्‍हाङ काब़क तितस युस्‍तस अ़ऩङ मुवाङाओ म़नाओ अ़खिम्‌दा खारा। खोसोओ अ़खिम यावायोक्‍खिम च़क्‌दा छुक्‍ताङा।