छाम्‍माय़ङ 10:35 - बान्‍तावा राई

³⁵ मेन झारा रावादा साङ्‌आ खोक्‍को कित्‍तु, खोन्‍कि निनाम्‍हाङ्‌ओ अ़मिन्‍मावा काचि मु, मो निनाम्‍हाङ्‌आ अ़लोक।

छाम्‍माय़ङ 10:35 Referans Kwoze

१ युहन्‍ना 2:29

ख्रिस्‍त साम्‌योक्‍मि म़मुयाङ निकिना खानानिन त़सिन्‍तुम्‌नालो खानानिन सिन्‍मादोत झारा नुलोक काच़चि निनाम्‍हाङ्‌एदाङ्‌का म़लिसाओ।

छाम्‍माय़ङ 10:2

खो खोन्‍कि खोसोओ अ़खिम्‌दाओचि झारासाआ निनाम्‍हाङ अ़मित्‍ताङा, खोन्‍कि अ़कित्‍ताङा। खोसाआ मान्‍तोक्‍कादा यहुदिचि सोमातुक्‍तुचिकि फासुङुचि, खोन्‍कि खो अ़धुन निनाम्‍हाङ्‌एदा यामाराङा।

कलस्‍सि 3:11

ओक्‍को य़ङ्‌दा ग्रिक माङ्‌लो यहुदि, सिप्‍मायाम्‍बुन पाक्‍माय़ङ माङ्‌लो सिप्‍मायाम्‍बुन मान्‍पाक्‍कादा, मान्‍लेकादा माङ्‌लो खोक्‍लिदा कायुङ्‌चि, हारुक माङ्‌लो लेत्‌वा हान्‌दाङ्‌का ऩफेक्‍निन। मेन ख्रिस्‍तङा झारादाङ्‌का तोक्‍पो म़मुयाङ खोन्‍कि खोक्‍को खानानिन झारादा म़युङ।

छाम्‍माय़ङ 15:9

निनाम्‍हाङ्‌आ आन्‍कान यहुदिचि खोन्‍कि निरावाचि मान्‍हाम़दोचि, देकिनालो येसुएदा साकोङ्‌छ़ङ म़मुवाकि मोचिओ अ़चुसाकोङ्‌वा म़सेङ्‌सुप़चि।

२ कोरिन्‍थि 7:1

खोन्‌ओसा सोमातुक्‍निङ्‌निओ यावाचि ओ, आन्‍कान्‌एदाओ हिप्‍माय़ङ्‌चि म़युङ्‌याङ्‌ओसा आन्‍पोक खोन्‍कि आन्‍लावा झारा पोप्‍मादाङ्‌का आन्‍कान आप्‍पि सेङ्‌सिन्‍चिन्‍ने, खोन्‍कि निनाम्‍हाङ्‌ओ अ़चुकित्‍मादा झारा सेङिन्‍ने।

कलस्‍सि 1:6

निनाम्‍हाङ्‌ओ अ़नुछ्‍याओ अ़चुसोम्‍तुक्‍मा खानानिन्‌आ त़एनुम्‌कि त़तुप्‍तुम्‌ओ लेन्‌दाङ्‌का नुय़ङ्‌खान्‌आ आम्‍नुओ रादा अ़सिवा सिसुङु। मोवात्‍निङा ओ नुय़ङ्‌खान्‌आ झारा हेन्‍खामादा फेयाङ्‌सा काचि मुङु।

छाम्‍माय़ङ 9:31

खोन्‍किना झारा यहुदिया, गालिल खोन्‍कि सामरियादाओ साम्‍भुङ्‌दा सेवाङ्‌नि लिसा। साम्‍भुङ छोयाङ्‌सा खाराकि हाङ्‌पा सायामेत्‌याङ्‌सा म़युङाङाओसा सेङ्‌लावाआ सावा प़चिकिना अ़चुखिप्‍मा पोन्‌याङ्‌सा खारा।

एफिसि 5:21

ख्रिस्‍तओ अ़चुसाऩङ्‌वादा अ़क्‍छा निओ अ़पाङ्‌दा युङानिन।

एफिसि 1:6

खोन्‌ओसा खोक्‍कोसाआ सोमाअ़तुक्‍ताङाओ अ़चुछालाम्‍पा आन्‍कान मोहा म़पुवाओ साम्‍स़रिओ अ़चुसोमातुक्‍माओ निम्‍पाङ आन्‍कान निनाम्‍हाङ चोन्‍तुम्‍ने।

गलाति 3:28

खोन्‌ओसा हान ना यहुदि ना ग्रिक, ना हारुक ना लेत्‌वा, ना दुवाछा ना मेत्‍छाछा निकिना अ़फेक्‍निन, देकिनालो ख्रिस्‍त येसुएदा खानानिन झारा अ़क्‌तात्‌ङा ओ।

१ कोरिन्‍थि 12:13

अ़क्‌तात सेङ्‌लावालाम्‍पाङा आन्‍कान झारासा अ़क्‌तात पोक्‌दा बप्‍तिस्‍मा तोक्‍तुम्‌युङ्‌सुम, यहुदि माङ्‌लो ग्रिक, हारुक माङ्‌लो फोङ्‌माय़ङ, आन्‍कान झारा अ़क्‌तात सेङ्‌लावा म़पाक्‍तापुवायुङ्‌सा।

रोमि 3:22

येसु ख्रिस्‍तदा झारा साकोङ्‌छ़ङ कामुचिएदा निनाम्‍हाङ्‌दाङ्‌काओ साम्‌योक्‍मि साकोङ्‌छ़ङ्‌लाम्‍पा ता। देकिनालो निनाम्‍हाङ्‌आ यहुदि खोन्‍कि निरावाचिओ अ़चुरादा लिप्‍पा ऩवाङ्‌निन,

रोमि 2:13

देकिनालो य़ङ्‌हुप काएन्‌चि निनाम्‍हाङ्‌ओ अ़चुबुदा साम्‌योक्‍मि ऩकान्‍निन, मेन य़ङ्‌हुप्‌वा काच़चि अ़चुओ लिप्‍पादा साम्‌योक्‍मि म़काइसुचि।

लुका 1:28

खोन्‍कि निनाम्‍हाङ काफाआ मो वारिसाएदा युवाकि लो, “हाङ्‌पा निनाम्‍हाङ्‌आ सोमाऩतुक्‍ताओ! खाना नुलोक लिसा! खो खानाएदा म़युङ्‌याङ।”

फिलिप्‍पि 3:3

देकिनालो सेङ्‌लावालाम्‍पा काब़क आन्‍कान्‌ङा ओ, खोन्‍कि ख्रिस्‍त येसुआ दि अ़मुवायुङ्‌सा मोदा आन्‍कान तोक्‍पो कालि खोन्‍कि च़माथाङ्‌मादा सोम्‍कुवा मान्‍मुकादा अ़नुछ्‍याओ सिप्‍मायाम्‍बुन कापाक आन्‍कान्‌ङा ओ।

छाम्‍माय़ङ 10:28

खोन्‍कि खोसाआ मोचि लोचि, “अ़क्‍छा यहुदिआ ओवात्‍नि निरावाचिएनान यावा मुमा खोन्‍कि अ़चुखिम्‌दा वाङ्‌मा आन्‍काओ य़ङ्‌हुप्‌ओ अ़देङ्‌सालाप्‍पा ओ निकिना खानानिन्‌आ नुलोक त़सिन्‍तुम्‌योम। मेन निनाम्‍हाङ्‌आ साङ्‌छाङ अ़सेङ्‌निनिन्‌ओनि अ़मित्‍तिमिन निकिना अ़ङ्‌का खाङ्‌ऩमेत्‍ताङ्‌युङ्‌साङ।

रोमि 2:14

देकिनालो य़ङ्‌हुप मान्‍तोक्‍कादा निरावाचि अ़चुच़माथाङ्‌मालाम्‍पा अ़नुवाक खोन्‍कि अ़अ़त्‍पा अ़सिन्‌कि य़ङ्‌हुप्‌वात्‍नि काचि म़मुनालो मोचिओ अ़चुय़ङ्‌हुप मात्‍द़ङ्‌नुछाङ मो मुमाय़ङ य़ङ्‌चिआङा मोचिओ अ़चुओ साकोङ्‌वादा य़ङ्‌हुप याक्‌याङ निकिना खाङ्‌मुसु।