6 चात्लो काचि कामुआ चा सिवाओ बुयाओ अ़लोक तोक्मादोत।
निनाम्हाङ्ओ अ़चुमिन्मा तामालामा खोन्कि हिप्माय़ङ्ओसो अ़सिवा तोक्मा खानानिन दुखा आङ्मादोत।
नुय़ङ्खान्ओ आसिखाचिदा वाङ्मा ऱङाने निकिना नुय़ङ्खान्ओ निम्पाङ अ़ङ्का ओ झारा मुङ्च़ङ।
खोक्कोसाआ मोचि म़लोचि, “चा सिवा ना च़लोक याक्याङ, मेन काचि कामुचि अ़क्चित्कापाङ ओन्ङा म़युङ्याङ। खोन्ओसा चाखाओ अ़चुहाङ्पाएदा यामारानिन, खोन्कि खोक्कोसाआ अ़चुओ चाखादा काचि कामुचि म़छुत्तुचिने।
“निनाम्हाङ्होन अ़क्छा व़क हाङ्पावाको ओ। खो अ़वाय़ङ अ़अङ्गुराखादा काचि कामुचि काचिलुङ्दा काचि मुमेत्सि बुङ्खाया लोन्ता।
अ़ङ्का दे य़ङ्ङाङाओ मो मित्तु। ओ झारा य़ङ्चि हाङ्पाआ खाना तुप्मा ऩफाने।
अ़ङ्का अ़क्तात अ़मात्ऩङ खाएत्नानिन्ने: हेन्खामादा वाताओसाआ बाखा वापोक्तु, खोन्कि व़क काचि कामुचिओ निम्पाङ अ़नुवाक चा सिसु। अ़नुछ्याङा ओवाको व़क निनाम्हाङ्आ आसिखा अ़प़।
खोन्किना पाच्काबेखा हाराक्वाओ फेक्वा कातोक्आ च़क्नि खाराकि मो खित्मा इन्मा काचिदा पाउ, खोन्कि पाच्काबेखा च़लोक दुउ।
