२ युहन्‍ना 1:9 - बान्‍तावा राई

⁹ ख्रिस्‍तओ अ़चुचिन्‍मादा मान्‌युङ्‌कादा खोन्‍कि साङ अ़थाया खात, खोएदा निनाम्‍हाङ ऩयुङ्‌निन। मेन खोक्‍कोसोओ अ़चुचिन्‍मादा कायुङ निनाम्‍हाङ पापा खोन्‍कि अ़चुछा ह़वाङ्‌माङ युङ्‌चि।

२ युहन्‍ना 1:9 Referans Kwoze

कलस्‍सि 3:16

ख्रिस्‍तओ अ़चुय़ङ खानानिन्‌एदा च़लोक याक्‍ने। झारा खारुएनान अ़क्‍छानिएदात्‍नि चिन्‍मुवानिन खोन्‍कि चाप्‍चेत्‍मुवानिन। चोन्‍मा छाम, साम्‍ऱङ, खोन्‍कि लावामि छाम लुवानिन। आम्‍नुओ साकोङ्‌वादाओ आलाङ्‌एनान निनाम्‍हाङ्‌एदा छाम लुवानिन।

१ युहन्‍ना 1:3

मो आन्‍कान्‍का खाम्‍काओ खोन्‍कि एनुम्‌युङ्‌सुम्‍काओ, आन्‍कान्‍का खानानिन्‌छाङ खाएत्‍निङ्‌नि, खोवात्‍निओसा आन्‍कान्‍काएनान आम्‍नुओ यावायोक लिने। खोन्‍कि आन्‌यावायोक निनाम्‍हाङ पापा खोन्‍कि खोक्‍कोसोओ अ़चुछा येसु ख्रिस्‍तएनान ओ।

छाम्‍माय़ङ 2:42

खोन्‍कि मोचि छाम्‍माय़ङ्‌चिआ म़चिन्‍तुचिओ य़ङ्‌चिवा म़चुवाङा, यावायोक म़मुवाङा, पेम्‍पाक म़हासाचाङा, खोन्‍कि याम़माराङा।

तितस 2:10

खोन्‍कि खाक्‍को सामाछाङ ऩख़सुन्‍ने। मेन अ़धुन्‌ङा मिन्‍माआ चाओ खोन्‍कि अ़नुवाक म़लिकिना म़युङ्‌ने। मोवात्‍नि म़च़नालो म़नाचि दियाको य़ङ्‌दाछाङ आन्‍कान कालेन्‍पा निनाम्‍हाङ्‌ओ अ़चुचिन्‍मा एन्‍मा म़स़।

युहन्‍ना 15:6

साङ अ़ङ्‌काएदा अ़याक्‍निन, मो अ़खेत्‌वात्‍नि बुङ्‌खाया वेत्‍खान, खोन्‍कि मो छोप्‍खात। ओवाको अ़खेत्‍चि म़नाचिआ म़कोउचिकि मिदा म़वेइसुदिसुचि, खोन्‍कि मोचि म़ह़त्‍खात।

युहन्‍ना 14:6

येसुआ अ़लासालोवा, “लाम, अ़छ़ङ खोन्‍कि ह़ङ्‌म़ङ अ़ङ्‌काङा ओ। अ़ङ्‌काएदाङ्‌का नि साङ्‌लाम्‍पाछाङ अ़ङ्‌पापाएदु खात्‍मा अ़ऱनिन।

युहन्‍ना 5:23

खोन्‍कि देत्‍नि मोचिआ पापा साया अ़मेत, मोवात्‍निङा झारासाआ अ़चुछा साया अ़मेत्‍ने। साङ्‌आ अ़चुछा साया अ़मेत्‍तुन, खो काछुत पापाछाङ साया अ़मेत्‍तुन।

लुका 10:22

अ़ङ्‌पापाआ झारा सामाचिएदा पाङ्‌मुमा सावा अ़ङ्‌का ऩपुवाङ्‌युङ्‌साङ। निनाम्‍हाङ्‌ओ अ़चुछा साङ निकि अ़ङ्‌पापाएदाङ्‌का साङ्‌आछाङ अ़सिन्‍तुन। अ़ङ्‌पापा साङ निकिना अ़ङ्‌काएदाङ्‌का साङ्‌आछाङ अ़सिन्‍तुन। खोन्‍कि अ़ङ्‌का साङ्‌एदा खाङ मुमानि मिन्‍ङा, मोएदाङ्‌का नि साङ्‌आछाङ अ़ङ्‌पापा साङ निकिना अ़सिन्‍तुन।”

हिब्रु 6:1

खोन्‌ओसा ख्रिस्‍तओ अ़चुतुक्‌वादाओ ताक्‍पेत्‍निओ चिन्‍माय़ङ्‌चिदा अ़युङिन्‌युङ्‌सिमिन्‍ने, मेन आन्‍कान आन्‍तुप्‍मादा चात्‌याङ्‌सा खारिन्‍ने। आन्‍कान स़मादा कालाखात काचिचिओ अ़तुक्‌वादा खोन्‍कि निनाम्‍हाङ्‌दा साकोङ्‌छ़ङ्‌ओ अ़तुक्‌वादा चिन्‍माय़ङ अ़लासिन्‍पुङ्‌सिमिन्‍ने।

हिब्रु 3:14

ओवात्‍नि आन्‍कान बुयाओदु अ़चुम़नाचि लिसिन्‌दाङ्‌का आन्‍सोम्‍कुवा देङ्‌दातारि नुलोक क़क्‍तुम्‌युङ्‌सुम्‌नालो आन्‍कान ख्रिस्‍तओ अ़चुयावाचि ओ।

मत्‍ति 11:27

खोन्‍किना येसु म़य़ङा, “अ़ङ्‌पापाआ झारा सामाचिएदा पाङ्‌मुमा सावा अ़ङ्‌का ऩपुवाङ्‌युङ्‌साङ। निनाम्‍हाङ्‌ओ अ़चुछा साङ निकि अ़ङ्‌पापाएदाङ्‌का साङ्‌आछाङ अ़सिन्‍तुन। अ़ङ्‌पापा साङ निकिना अ़ङ्‌काएदाङ्‌का साङ्‌आछाङ अ़सिन्‍तुन। खोन्‍कि अ़ङ्‌का साङ्‌एदा खाङ मुमानि मिन्‍ङा, मोएदाङ्‌का नि साङ्‌आछाङ अ़ङ्‌पापा साङ निकिना अ़सिन्‍तुन।

युहन्‍ना 8:31

येसुआ खोक्‍कोएदा साकोङ्‌छ़ङ कामु यहुदिचि म़लोचि, “खानानिन अ़ङ्‌चिन्‍माय़ङ्‌दा त़युङिन्‌नालो खानानिन अ़नुछ्‍या अ़ङ्‌काखेङ्‌चि ओ।

३ युहन्‍ना 1:9

अ़ङ्‌का साम्‍भुङ्‌दा अ़चिलोक य़ङ छाप्‍तुङ्‌युङ्‌सुङ। मेन आम्‍नुओ रादा तोक्‍पो लिमाकालाम दियोत्रिफस्‌आ आन्‍कान्‍का अ़लोइमिन्‍का।