२ कोरिन्‍थि 9:14 - बान्‍तावा राई

¹⁴ खोन्‍कि निनाम्‍हाङ्‌ओ च़लोक अ़चुसोमातुक्‍मा खानानिन्‌एदा याक्‌याङ्‌ओसा, मोचिआ खानानिन च़लोक सोम्‍ऩतुक्‍तिन खोन्‍कि आम्‍नुओ निकिना याऩमात्‍तिन्‍प़न।

२ कोरिन्‍थि 9:14 Referans Kwoze

१ तिमोथि 1:14

खोन्‍कि येसु ख्रिस्‍तएदाओ अ़ङ्‌साकोङ्‌छ़ङ खोन्‍कि अ़ङ्‌सोमातुक्‍माआ अ़ङ्‌को निम्‍पाङ आन्‍हाङ्‌पा येसुओ अ़चुसोम्‍तुक्‍मा च़लोक खाङ्‌ऩमेत्‍ताङ्‌युङ्‌साङ।

फिलिप्‍पि 4:1

खोन्‌ओसा अ़ङ्‌का सोमातुक्‍नानिन्‌ओ खोन्‍कि खाङ्‌मा स़ङाङाओ अ़ङ्‍ब़ब़, नाना खोन्‍कि निछाचि ओ, खानानिन अ़ङ्‌ऩङानुमा खोन्‍कि अ़ङ्‌तोक्‍पो लिखा ओ। अ़ङ्‌का सोमातुक्‍नाङ्‌नानिन्‌ओचि ओ, ओवात्‍निङा हाङ्‌पाएदा नुलोक युङानिन।

फिलिप्‍पि 1:8

येसु ख्रिस्‍तआ खानानिन देत्‍नि सोमाऩतुक्‍तिन, मोवात्‍निङा अ़ङ्‌काछाङ खानानिन झारा सोमातुक्‍नाङ्‌नानिन निकिना निनाम्‍हाङ अ़ङ्‌सालुम्‍स़ङ म़युङ्‌याङ।

२ कोरिन्‍थि 8:1

ब़ब़, नाना खोन्‍कि निछाचि ओ, माकेदोनियादाओ साम्‍भुङ्‌चिदा निनाम्‍हाङ्‌आ सोम्‍तुक्‍मा खाङ्‌म़मेत्‍तुचिओ अ़तुक्‌वादा आन्‍कान्‍का खानानिन खाएत्‍मा स़न्‌येन्‍का।

फिलिप्‍पि 2:26

खोसाआ खानानिन झारा अ़न्‍नुनु तुप्‍मा स़याङ। खो तुआओ य़ङ्‌खान खानानिन्‌आ त़एनुम्‌ओसा खो चाअ़त्‍लो लिसायुङ्‌सा।

२ कोरिन्‍थि 1:11

खानानिन्‌आछाङ आन्‍कान्‍का यामात्‍मालाम्‍पा फामादोत। खोन्‍कि ब़द्‍धे यामात्‍माओ अ़लामाय़ङ्‌दा आन्‍कान्‍का तोक्‍तुम्‍काओ आसिखाओ निम्‍पाङ ब़द्‍धे म़नाचिआ आन्‍लिप्‍पादा आलाङ अ़प़।

रोमि 1:11

अ़ङ्‌का अ़न्‍नुनु खानानिन तुप्‍मा स़ङाङा, देकिनालो अ़ङ्‌का खानानिन लावामि आसिखा प़माकि आम्‍नुओ साकोङ्‌छ़ङ छोयाङ्‌ओ लिनेनि मिन्‍ङाङा।

लुका 16:9

अ़ङ्‌का खानानिन लोनानिन, हेन्‍खामादाओ चासुम्‍छेन्‍बिआ आप्‍पिओ निकि यावाचि मुवानुम्‍च़म। मोवात्‍नि त़च़न्‌नालो आम्‍नुओ चासुम्‍छेन्‍बि लुक्‍खात्‌नुछाङ खानानिन निनाम्‍मादुओ खिम्‌दा अ़धुन युङ्‌मा त़तोक्‍तुम।”

२ कोरिन्‍थि 9:13

खानानिन्‌आ त़मुम्‌ओ ओ काचि सिवाआ मोचिआ निनाम्‍हाङ अ़लोङ। देकिनालो मोचिआ अ़नुवाक मिन्‍माआ मोचि खोन्‍कि झारा साकोङ्‌छ़ङ कामुचि त़फासुम्‍च़म्‌ओ काचिआ ख्रिस्‍तओ अ़चुनुय़ङ्‌खान्‌दा साकोङ्‌छ़ङ त़मुम्‌ओ य़ङ खोन्‍कि निनाम्‍हाङ्‌ओ अ़चुलोमाय़ङ्‌वा त़च़न्‌ओ अ़छ़ङ मुयुङ्‌सुयुङ्‌सु।

२ कोरिन्‍थि 9:15

अ़लुङ छाम्‍मा अ़ऱन्‍मिन्‌ओ छुक्‍तुप्‍मा निम्‍पाङ निनाम्‍हाङ आलाङ्‌ने!