२ कोरिन्‍थि 6:10 - बान्‍तावा राई

¹⁰ आन्‍काओ राक स़याङ, खोन्‍नुछाङ अ़धुन आन्‍काओ ऩङानुसिन्‍चिन्‍का। मान्‍तोक्‍कादानुछाङ, ब़द्‍धेकापाङ कातोक मुम्‍च़म्‍का, दित्‍छाङ मात्‍द़ङ्‌नुछाङ आन्‍कान्‍काएदा झारा सामाचि म़याक्‌याङ।

२ कोरिन्‍थि 6:10 Referans Kwoze

युहन्‍ना 16:22

खोन्‌ओसा ओन्‍ग़रि खानानिन दुखा लि, मेन अ़ङ्‌का खानानिन लोनाखाङ्‌नानिन, खोन्‍कि आम्‍नुओ साकोङ्‌वाओ अ़ऩङानु। खोन्‍किना साङ्‌आछाङ आम्‍नुओ ऩङानुमा खानानिन्‌एदाङ्‌का त़ङाप्‍तिमिन।

२ कोरिन्‍थि 8:9

देकिनालो आन्‍हाङ्‌पा येसु ख्रिस्‍तओ अ़चुसोमातुक्‍मा खानानिन त़सिन्‍तुम्‌योम। खोक्‍को कातोक म़मुवाङानुछाङ आम्‍नुओ निम्‍पाङ खोक्‍को मान्‍तोक्‍कादा म़लिसा, खोन्‌ओसा खोक्‍कोसोओ अ़मान्‍तोक्‍दामादाङ्‌का खानानिन कातोक लिमा रुवानिन।

खाङ्‌मुमा 2:9

अ़ङ्‌का आम्‍दुखाचि खोन्‍कि आम्‍मान्‍तोक्‍दामाचि सिन्‍तुङ्‌योङ्‌च़ङ। मेन खाना कातोक त़मुयाङ! साङ आप्‍पि यहुदिनि म़लोनानान्‍चिन, मोचिआ खानानिन ऩसुङ्‌तिन्‌येन्‌ओ अ़ङ्‌का सिन्‍तुङ्‌योङ। मोचि यहुदिचि माआङ, मेन सैतानाओ अ़रुहुप्‌चि ओ।

याकुब 2:5

अ़ङ्‌का सोमातुक्‍नाङ्‌नानिन्‌ओ ब़ब़, नाना खोन्‍कि निछाचि ओ, एनानुम, दि निनाम्‍हाङ्‌आ हेन्‍खामादाओ मान्‍तोक्‍कादाचि साकोङ्‌छ़ङ्‌दा कातोक मुसि म़छेन्‍तुचिओ माआङ कि? खोक्‍को सोमाकातुक्‌चि निनाम्‍हाङ्‌आ म़हिप्‍तुचिओ हेन्‍कोप्‌ओ पाङ्‌यि दि मोचिआ ऩतोक्‍तुन कि?

हिब्रु 10:34

म़छेक्‍ताङाओचि खानानिन सोमात़तुक्‍तुम्‍च़म। आम्‍नुओ चासुम्‍छेन्‍बि ऩङाप्‍तिन्‌हिदाछाङ आम्‍नुओ ऩङानुयाङ्‌सा त़आङ्‌तुम, देकिनालो खानानिन त़सिन्‍तुम्‌योम आम्‍नुओ झारासोओ अ़नुवाक चासुम्‍छेन्‍बि युङ्‌याङ, मो अ़धुन्‌तारि युङ्‌युङ।

१ तिमोथि 4:8

पोक्‌योक्‍मा थोरेत नुलोक लि, मेन लावामि योक्‍मादा झारादाङ्‌का अ़नुवाक मु, देकिनालो ओसाआ आइमित्‌ओ खोन्‍कि माय़ङ तोक्‍तुम्‌ओ ह़ङ्‌म़ङ ह्‍वातात्‍माङ्‌दा म़हिप।

फिलिप्‍पि 4:4

हाङ्‌पाएदा अ़धुन आम्‍नुओ ऩङानुसानिन्‍चिन। अ़ङ्‌का लाङाय़ङ्‌ङा आम्‍नुओ ऩङानुसानिन्‍चिन!

१ थेसलोनिकि 1:6

खानानिन आन्‍कान्‍का खोन्‍कि हाङ्‌पा काखेङ त़लिसिन, देकिनालो ब़द्‍धे दुखा त़आङ्‌तुम्‌किछाङ सेङ्‌लावाआ ऩप़न्‌ओ ऩङानुयाङ्‌सा खानानिन्‌आ य़ङ्‌खान त़लोउम।

कलस्‍सि 3:16

ख्रिस्‍तओ अ़चुय़ङ खानानिन्‌एदा च़लोक याक्‍ने। झारा खारुएनान अ़क्‍छानिएदात्‍नि चिन्‍मुवानिन खोन्‍कि चाप्‍चेत्‍मुवानिन। चोन्‍मा छाम, साम्‍ऱङ, खोन्‍कि लावामि छाम लुवानिन। आम्‍नुओ साकोङ्‌वादाओ आलाङ्‌एनान निनाम्‍हाङ्‌एदा छाम लुवानिन।

फिलिप्‍पि 2:17

मेन मोवात्‍नि आम्‍नुओ साकोङ्‌छ़ङ्‌ओ हेन्‍खोक्‌वादा अ़ङ्‌कोछाङ ह़ हेन्‍खोक्‌वावात्‍नि सोन्‌नुछाङ, अ़ङ्‌का अ़ङ्‌ऩङानु, खोन्‍कि खानानिन झाराएनान अ़ङ्‌सोम्‍स़।

रोमि 11:12

हान मोचिओ अ़चुहेवा हेन्‍खामाओ निम्‍पाङ लेन्‍माओ तोक्‍पो आसिखा खोन्‍कि मोचिओ मान्‍ऱदामा निरावाचिओ निम्‍पाङ लावामि आसिखा लिओनालोना मोचि झारा साकोङ्‌छ़ङ म़मुनालो देम च़लोक आसिखापोरिओ लि!

१ पत्रुस 4:13

मेन ख्रिस्‍तओ अ़चुदुखा आङ्‌मादा खानानिन त़वाङिन्‌येन्‌हिदा ऩङानुसानिन्‍चिन। खोन्‍नालो खोक्‍कोसोओ अ़चुसाम दात्‌हिदा खानानिन्‌छाङ अ़न्‍नुनु आम्‍नुओ ऩङानुने खोन्‍कि छेमाकात्‍ने।

२ कोरिन्‍थि 4:7

झारादाङ्‌का तोक्‍पो सावा आन्‍कान्‍काएदाङ्‌का माआङ, मेन निनाम्‍हाङ्‌एदाङ्‌काओनि नुलोक खाङ्‌मुमाओ निम्‍पाङ ओ अ़लुङ छ़ओ छेन्‍बि आन्‍कान्‍का खाम्‍बाखावाको ब़चिदा याक्‌याङ।

२ कोरिन्‍थि 2:4

आम्‍नुओ राक सेत्‍मा माआङ, मेन खानानिन्‌एदा याक्‌याङ्‍ओ अ़ङ्‌को च़लोक अ़ङ्‌सोमातुक्‍मा खानानिन सिन्‍तानुम निकिना अ़ङ्‌साकोङ्‌वादाओ ब़द्‍धे दुखा खोन्‍कि अ़ङ्‌योक्‍मा खोन्‍कि ब़द्‍धे अ़ङ्‌म़क्‌वाएनान अ़ङ्‌का खानानिन छाप्‍नानिन्‌ओ।

रोमि 15:13

सोम्‍कुवा मुमा खान्‍तुओ निनाम्‍हाङ्‌आ झारा मिन्‍माचानुमा खोन्‍कि सेवाङ्‌निआ ऩभेम्‍सिन्‍ने, देकिनालो खानानिन खोक्‍को साकोङ्‌छ़ङ त़मुम। खोन्‌ओसा सेङ्‌लावाओ अ़चुसावाआ आम्‍नुओ सोम्‍कुवा पोन्‌याङ्‌सा खात।

रोमि 12:15

ऩङाकानुचिएनान ऩङानुसानिन्‍चिन। काखाप्‌चिएनान खावानिन।

छाम्‍माय़ङ 5:41

खोन्‍किना छाम्‍माय़ङ्‌चि येसुओ अ़चुऩङ्‌दा साया ऩपेप्‍तिन्‍काओ आङ्‌मा अ़खान्‍तिन्‍काओ लिसिन्‌युङ्‌सिन्‍का निकिना अ़चुऩङानुयाङ्‌सा धियायोक्‍खादाङ्‌का बुङ्‌खाया म़लोन्‍ताखारा।

लुका 6:21

ओन्‍ग़रि साकास़चि, खानानिन आसिखा कातोक्‌चि ओ, देकिनालो आम्‍नुओ बुक खा। ओन्‍ग़रि खानानिन काखाप्‌चि ओ, खानानिन आसिखा कातोक्‌चि ओ, देकिनालो खानानिन त़इन।

मत्‍ति 5:4

सोखा कामुचि आसिखा कातोक्‌चि ओ, देकिनालो निनाम्‍हाङ्‌आ मोचि अ़चुसोम्‍म़सेत्‍तुचि।

१ तिमोथि 6:18

मोचि अ़नुवाक काचि मुमा, खोन्‍कि अ़नुवाक काचिचिदा कातोक लिमा, फामामिन्‍माओ खोन्‍कि निचिएनान हामाचामा मिन्‍माओ लिसानिन्‌नि लोचि।

१ थेसलोनिकि 5:16

अ़धुन आम्‍नुओ ऩङानुने,

छाम्‍माय़ङ 3:6

खोन्‍किना पत्रुस्‌आ खो लो, “अ़ङ्‌काएदा हाराक्‌वा खोन्‍कि रुपा ना मात्‍द़ङ, मेन दि अ़ङ्‌काएदा युङ्‌याङ, मो अ़ङ्‌का खाना प़ना। नासरत्‌ओ येसु ख्रिस्‍तओ अ़चुऩङ्‌दा कोला!”

कलस्‍सि 1:24

हान आम्‍नुओ निम्‍पाङ अ़ङ्‌का दुखा आङ्‌मादा अ़ङ्‌ऩङानुङान्‍च़ङ। खोन्‍कि ख्रिस्‍तओ अ़चुलिप्‍पादा म़युङ्‌याङ्‌ओ चाअ़त्‍माचि खोक्‍कोसोओ अ़चुपोक माङ्‌लो साम्‍भुङ्‌ओ निम्‍पाङ अ़ङ्‌का अ़ङ्‌पोक्‌दा तासुङ्‌लाङ।

एफिसि 3:16

अ़ङ्‌का यामात्‍ङा, निनाम्‍हाङ्‌ओ अ़न्‍नुनु तोक्‍पो सायाआ अ़चुलावाओ सावालाम्‍पा आम्‍नुओ कोङ्‌हुत्‌दा त़छोसिन्‍लो ऩमुन्‍ने।

एफिसि 3:8

झारा निनाम्‍हाङ्‌ओ अ़चुम़नाचिएदा अ़ङ्‌का अ़न्‍नुनु अ़चुप्‍पा लिसाङ्‌नुछाङ ख्रिस्‍तओ तुप्‍माङा अ़ऱन्‍मिन्‌ओ अ़चुआसिखाओ नुय़ङ्‌खान निरावाचि खाएत्‍मा निम्‍पाङ अ़ङ्‌का ओ अ़वाखाम ऩपुवाङ्‌ओ।

२ कोरिन्‍थि 4:15

देकिनालो ओ झारा आम्‍नुओ निम्‍पाङ्‌ङा म़लिसाओ ओ, खोन्‌ओसा सोम्‍तुक्‍मा ब़द्‍धे म़नाचिएदा फेकि आलाङ प़माय़ङ पोन्‌याङ्‌सा खात्‌कि निनाम्‍हाङ्‌ओ अ़चुऩङ अ़लोङ्‌ने।

१ कोरिन्‍थि 1:5

ख्रिस्‍तदा खानानिन झाराकापाराआ झारा य़ङ चेप्‍मा खोन्‍कि झारा तायादा कातोक त़लिसिन्‌युङ्‌सिन।

रोमि 9:2

अ़ङ्‌साकोङ्‌वादा अ़न्‍नुनु सोखा खोन्‍कि अ़ङ्‌मिन्‍मादा अ़लुक्‍निन्‌ओ योक्‍मा याक्‌याङ।

रोमि 8:32

निनाम्‍हाङ्‌आ आप्‍पिओ अ़चुछा मान्‍लेत्‌अ़दा, मेन आन्‍कान झारासोओ निम्‍पाङ अ़चुछा म़पुवालावा। दि खोक्‍कोसाआ आन्‍कान म़हिप्‍ताओ झारा सामाचिछाङ अ़चुछाएनान अ़क्‍नि म़प़निन कि?

छाम्‍माय़ङ 16:25

अ़दाक्‌वा खाखुत्‌दात्‍नि पावल खोन्‍कि सिलास यामात्‌याङ्‌सा निनाम्‍हाङ्‌ओ अ़चुसाम्‍ऱङ अ़लुवाङाचु। खोन्‍कि नि म़छेक्‍ताङाओ म़नाचिआ अ़एनाङा।

मत्‍ति 5:12

मोन्‍ग़रि ऩङानुसानिन्‍चिन, खोन्‍कि छेमा काइसानिन्‍चिन, देकिनालो निनाम्‍मादु आम्‍नुओ सिरिफा तोक्‍पो युङ्‌याङ। देकिनालो खानानिन्‌दाङ्‌का बुयाओ निनाम्‍हाङ्‌य़ङ खाकालुचि मोवात्‍निङा मोचिआ म़ल़क्‍तुचिओ।

खाङ्‌मुमा 21:7

साङ्‌चि म़छो मोचिआ अ़ङ्‌काएदाङ्‌का ओ पाङ्‌यि अ़तोक, खोन्‍कि अ़ङ्‌का मोचिओ अ़चुनिनाम्‍हाङ लिङा, खोन्‍कि मोचि अ़ङ्‌छाचि म़लि।