२ कोरिन्‍थि 12:10 - बान्‍तावा राई

¹⁰ खोन्‌ओसा ख्रिस्‍तओ निम्‍पाङ अ़ङ्‌मान्‍ऱदामाचिदा, सुङ्‌माचिदा, चाअ़त्‍लो लिमाचिदा, दुखा प़माय़ङ्‌चिदा, हाप्‍मादिमाचिदा अ़ङ्‌का अ़ङ्‌सोम्‍सेत्‍ङान्‍च़ङ। देकिनालो खाउग़रि अ़ङ्‌का अ़ऱऩङ, मोन्‍ग़रि अ़ङ्‌का सावापोरि मुङा।

२ कोरिन्‍थि 12:10 Referans Kwoze

२ कोरिन्‍थि 12:9

मेन खोक्‍कोसाआ अ़ङ्‌का ऩलोवाङ, “अ़ङ्‌सोम्‍तुक्‍मा आम्‍को निम्‍पाङ च़लोक युङ्‌याङ, देकिनालो खाना मान्‍ऱकादा त़मुयाङ्‌हिदा म़नाचिआ अ़ङ्‌सावा नुलोक अ़खाङ।” खोन्‌ओसा ख्रिस्‍तओ अ़चुसावा अ़ङ्‌काएदा याक्‍ने निकिना अ़ङ्‌का अ़ङ्‌मान्‍ऱदामादा अ़न्‍नुनु अ़ङ्‌ऩङानुयाङ्‌सा तोक्‍पो लिङा।

एफिसि 6:10

हान, हाङ्‌पा खोन्‍कि खोक्‍कोसोओ अ़चुसावाओ ऱमादा काछो लिसानिन।

रोमि 5:3

मोन ओन्‍ङा माआङ, मेन आन्‍कान आन्‍दुखाचिदाछाङ ऩङानुसिन्‍चिन, देकिनालो आन्‍कान सिन्‍तुम्‌योम दुखाआ आङ्‌मा सावा तारु।

२ कोरिन्‍थि 13:4

अ़नुछ्‍याङा, मान्‍ऱदामादा खोक्‍को क्रुस्‌दा म़ख़न्‍तानुछाङ खोक्‍को निनाम्‍हाङ्‌ओ अ़चुसावादा ओन्‍ग़रि म़ह़ङ्‌याङ। मोवात्‍निङा, आन्‍कान्‍काछाङ ख्रिस्‍त मान्‍ऱकादा म़मुवाङावात्‍निङा मुन्‌येन्‍का, मेन ओन्‍ग़रि आन्‍कान्‍का खोक्‍कोएनान ह़ङिन्‍का, खोन्‌ओसा खानानिन्‌एनान आन्‍काओ च़माथाङ्‌मादा निनाम्‍हाङ्‌ओ अ़चुसावा आन्‍कान्‍का तोक्‍तुम्‍का।

याकुब 1:2

ब़ब़, नाना खोन्‍कि निछाचि ओ, खानानिन्‌एदा अ़पारा-अ़पाराओ चिन्‍माखाङ्‌माचि म़ताहिदा आम्‍नुओ अ़न्‍नुनु ऩङानुने।

२ कोरिन्‍थि 6:4

मेन निनाम्‍हाङ्‌ओ अ़चुकाब़त्‍पाचिओसा झाराकापाराआ आन्‍कान्‍का आप्‍पि निनाम्‍हाङ्‌ओ अ़नुवाक म़नाचि निकिना आन्‍कान्‍का च़लोक आङ्‌मादा, दुखाचिदा, मान्‍ऱदामाचिदा, छ़ङ्‌मादिमाचिदा खाङ्‌मुसिन्‍चिन्‍का।

छाम्‍माय़ङ 5:41

खोन्‍किना छाम्‍माय़ङ्‌चि येसुओ अ़चुऩङ्‌दा साया ऩपेप्‍तिन्‍काओ आङ्‌मा अ़खान्‍तिन्‍काओ लिसिन्‌युङ्‌सिन्‍का निकिना अ़चुऩङानुयाङ्‌सा धियायोक्‍खादाङ्‌का बुङ्‌खाया म़लोन्‍ताखारा।

२ कोरिन्‍थि 13:9

आन्‍कान्‍का मान्‍ऱकादा मुन्‌येन्‍कानुछाङ खोन्‍कि खानानिन काछो त़लिसिन्‌हिदा आन्‍काओ ऩङानु। खानानिन उन्‍निज़ङ्‌नि लिसानिन निम्‍पाङ आन्‍कान्‍का यामारिन्‍का।

२ कोरिन्‍थि 1:4

खोक्‍कोसाआ आन्‍कान झारा आन्‍दुखाचिदा आन्‍सोम्‍म़सेत। खोन्‌ओसा आन्‍कान्‌छाङ निनाम्‍हाङ्‌एदाङ्‌का तोक्‍तुम्‌ओ मो सोम्‍सेत्‍मालाम्‍पा दियाकोछाङ दुखादा म़छुक्‍ताओचि अ़चुसोम्‍सेत्‍मा ऱम्‍च़म।

लुका 6:22

अ़ङ्‌का म़नाओ अ़छा त़त़ङ्‌ङाङाऩङ्‌ओसा म़नाचिआ खानानिन ऩङाऩछिरिन, ऩलोइसिन्‍खाइसिन, ऩसुङ्‌तिन खोन्‍कि खानानिन अ़अ़त्‍पा म़ना निकिना ऩलोक्‍नानिमिन्‌नालो खानानिन आसिखा कातोक्‌चि ओ।

२ कोरिन्‍थि 5:15

ओवात्‍नि, ख्रिस्‍त आन्‍कान झारासोओ निम्‍पाङ म़सुवा। खोन्‌ओसा साङ आप्‍पिओ निम्‍पाङ ह़ङ, मो हान्‌दाङ्‌का आप्‍पिओ निम्‍पाङ माआङ, मेन आन्‍कान झारासोओ निकिना कास़ खोन्‍कि म़सुवाओदाङ्‌का म़लासाखोन्‍तालोन्‍ताओसो निम्‍पाङ आन्‍कान ह़ङ्‌मादोत।

२ कोरिन्‍थि 4:17

देकिनालो आन्‍काओ अ़क्‍दुओ खोन्‍कि अ़चुप्‍पो अ़चाअ़त्‍माआ आन्‍काओ निम्‍पाङ तोङ्‌माखाङ्‌का अ़ऱन्‍मिन्‌ओ खोन्‍कि अ़धुन्‌ओ तोक्‍पो ऩङ्‌लोङ्‌मा चुम्‍सुयुङ्‌सुङु।

युहन्‍ना 15:21

मोचिआ ओ झारा काचिचि अ़ङ्‌ऩङ्‌ओ अ़तुक्‌वाआ खानानिन ऩमुन, देकिनालो मोचिआ अ़ङ्‌का काछुत ऩसिन्‍तुन।

१ कोरिन्‍थि 4:10

ख्रिस्‍तओ निम्‍पाङ आन्‍कान्‍का खामान्‍सिन मुन्‌येन्‍का, मेन खानानिन ना ख्रिस्‍तएदा खारु कातोक त़मुन्‌येन। आन्‍कान्‍का मान्‍ऱकादा मुन्‌येन्‍का, मेन खानानिन त़छोसिन्‌येन। खानानिन साऩङ्‌वा ऩमेत्‍तिन, मेन आन्‍कान्‍का ऩसुङ्‌तिन्‍का।

खाङ्‌मुमा 2:3

अ़ङ्‌का सिन्‍तुङ्‌योङ, खानानिन्‌आ त़हुङुम्‌कि त़आङ्‌तुम्‌युङ्‌सुम, खोन्‍कि अ़ङ्‌ऩङ्‌ओ अ़तुक्‌वाआ अ़चाअ़त्‍मा त़आङ्‌तुम्‌युङ्‌सुम, खोन्‍कि खानानिन मान्‍होत्‍त़युक्‍तिन।

२ कोरिन्‍थि 10:18

देकिनालो आप्‍पि काचोन्‍नान्‍चिन म़ना ऩलोउन, मेन हाङ्‌पाआ अ़चोन्‌ओ अ़लोक।

२ थेसलोनिकि 1:4

खोन्‌ओसा खानानिन्‌आ आङ्‌माय़ङ खोन्‍कि झारा दुखाचिदाओ सोम्‍कुवा मुमाय़ङ खोन्‍कि अ़चाअ़त्‍माचि खानानिन्‌आ त़आङ्‌तुम्‌योम्‌ओ अ़तुक्‌वादा तोक्‍पो लियाङ्‌सा निनाम्‍हाङ्‌ओ नि अ़चुसाम्‍भुङ्‌चि आन्‍कान्‍का खाएत्‍तुम्‍च़म्‍का।

फिलिप्‍पि 1:29

देकिनालो ख्रिस्‍तओ निम्‍पाङ खानानिन ब़क्‍मा अ़वाखाम ऩप़न्‌युङ्‌सिन, खोक्‍को साकोङ्‌छ़ङ मुमा ओन्‍ङा माआङ, मेन खोक्‍कोसोओ निम्‍पाङ दुखा आङ्‌माछाङ ओ।

कलस्‍सि 1:24

हान आम्‍नुओ निम्‍पाङ अ़ङ्‌का दुखा आङ्‌मादा अ़ङ्‌ऩङानुङान्‍च़ङ। खोन्‍कि ख्रिस्‍तओ अ़चुलिप्‍पादा म़युङ्‌याङ्‌ओ चाअ़त्‍माचि खोक्‍कोसोओ अ़चुपोक माङ्‌लो साम्‍भुङ्‌ओ निम्‍पाङ अ़ङ्‌का अ़ङ्‌पोक्‌दा तासुङ्‌लाङ।

२ कोरिन्‍थि 7:4

खानानिन्‌एदा अ़ङ्‌को अ़धिवा सोम्‍कुवा याक्‌याङ। खानानिन्‌एदा ब़द्‍धे अ़ङ्‌ऩङानुङाङान्‍च़ङ। अ़न्‍नुनु अ़ङ्‌सोम्‍सुवायुङ्‌सा। झारा आन्‍काओ दुखादा च़लोक अ़ङ्‌ऩङानुवायुङ्‌सा।

२ कोरिन्‍थि 4:5

आन्‍कान्‍का आन्‍काओ तुक्‌वादा खाअ़लुसिमिन्‍का, मेन येसुओ निम्‍पाङ आन्‍कान्‍का आम्‍नुओ हारुक्‌चिवा लिसिन्‍काकिना येसु ख्रिस्‍तङा हाङ्‌पा म़युङ्‌याङ्‌नि खालुसुम्‍का।

२ कोरिन्‍थि 5:20

खोन्‌ओसा आन्‍कान्‍का ख्रिस्‍तओ अ़चुओ हाङ्‌कोङ्‌पिचि ओ, खोन्‍कि निनाम्‍हाङ आन्‍कान्‍कालाम्‍पा म़य़ङ्‌याङ। आन्‍कान्‍का ख्रिस्‍तओ अ़चुलिप्‍पालाम्‍पा खानानिन लोनिङ्‌नि, निनाम्‍हाङ्‌एनान लासातोङानिन।

२ तिमोथि 3:11

खाना त़सिन्‍तुङु देम च़लोक अ़चाअ़त्‍माचि खोन्‍कि दुखाप़माय़ङ्‌चि एन्‍तिओखियादा, आइकोनियन्‌दा खोन्‍कि लुस्‍त्रादा अ़ङ्‌काएदा म़छुक्‍ता, खोन्‍कि दियाको अ़चाअ़त्‍माचि अ़ङ्‌का आङ्‌तुङ्‌च़ङ्‌नुछाङ मो झारादाङ्‌का हाङ्‌पाआ अ़ङ्‌का ऩलेइसाङ।