२ कोरिन्‍थि 11:20 - बान्‍तावा राई

²⁰ खाक्‍को अ़क्‍छा म़नाआ खानानिन हारुक त़मुन माङ्‌लो खानानिन ऩच़न्‍तिन माङ्‌लो खानानिन त़लुत्‍तिन माङ्‌लो खो आप्‍पि ऱक्‍भाक मु माङ्‌लो आम्‍नुओ खोम्‍ताङ्‌मादा त़फेङ्‌सिन्‌नुछाङ खानानिन्‌आ झारा त़आङ्‌तुम।

२ कोरिन्‍थि 11:20 Referans Kwoze

गलाति 2:4

देम्‌कापाङ सोज्‍जेओ साकोङ्‌छ़ङ कामुचिएदाङ्‌का सिप्‍मायाम्‍बुन्‌ओ अ़तुक्‌वादा खा-खाक्‍कोचिआ ओ य़ङ अ़लोइसा। मोचि आन्‍रुहुप्‌दा मान्‍सिन्‍माङ म़वाङाकि आन्‍कान हारुक मुमा निम्‍पाङ ख्रिस्‍तएदाओ आन्‍फोङ्‌माय़ङ्‌दा म़सुक्‍ताखा।

गलाति 5:1

ख्रिस्‍तआ आन्‍कान म़फोङ्‌साओ। खोन्‌ओसा खानानिन नुलोक एवानिन, खोन्‍कि देम्‍खाछाङ हारुक्‌ओ कोम्‌दा मान्‍लानाप्‌दानिन्‍चिन।

गलाति 4:9

मेन हान ना खानानिन्‌आ निनाम्‍हाङ त़सिन्‍तुम्‌युङ्‌सुम, माङ्‌लो ब़द्‍धे अ़च़वाङ निनाम्‍हाङ्‌आ खानानिन ऩसिन्‍तिन्‌युङ्‌सिन। हान देत्‍नि खानानिन मान्‍ऱकादा खोन्‍कि बुयाओ अ़चुप्‍पो लाम्‌चिदा त़लासिन? दि खानानिन हान्‍छाङ मोचिओ अ़चुहारुक लिमा त़स़न्‌येन?

गलाति 4:3

ओवात्‍निङा आन्‍कान्‌छाङ ख्रिस्‍त तामा बुया छाचिवा मुन्‌येन, आन्‍कान हेन्‍खामादाओ माङ्‌चिओ अ़चुहारुक्‌दा याइन्‌येन।

२ कोरिन्‍थि 1:24

आम्‍नुओ सोम्‍कुवादा आन्‍कान्‍का हाङ अ़मुन्‍मिन्‍का। मेन आम्‍नुओ सेवाङ्‌निओ निम्‍पाङ खानानिन्‌एनान तोङ्‌याङ्‌सा काचि आन्‍कान्‍का मुन्‍का। देकिनालो आम्‍नुओ सोम्‍कुवादा खानानिन काछो त़मुन्‌येन।

लुका 6:29

खोसाआ अ़क्‌तात आम्‍खोम्‍ताङ्‌मादा त़फेङ्‌नालो नि आम्‍खोम्‍ताङ्‌माछाङ तात्‍तु प़, आम्‍बोप्‍खु खात्‍मा कालाम आम्‍लोक्‍छुम्‌छाङ खात्‍मा प़।

१ थेसलोनिकि 2:5

खानानिन त़सिन्‍तुम्‌योम आन्‍कान्‍का देम्‍खाछाङ खानानिन्‌एदा दोलेङ्‌वा मान्‍मुदान्‍का, ना आन्‍कान्‍का आम्‍नुओ सामाचि तोक्‍मा च़क्‍ख़य़ मुन्‍का। आन्‍काओ अ़सालुम्‍स़ङ निनाम्‍हाङ्‌ङा म़युङ्‌याङ।

फिलिप्‍पि 3:19

आदेङ्‌माङ निनाम्‍हाङ्‌आ मोचि म़लुक्‍तुचि, अ़चुबुक मोचिओ अ़चुमाङ ओ, खोन्‍कि मोचि लेजो य़ङ्‌चि म़मुओदा तोक्‍पो म़लि, खोन्‍कि मोचिओ अ़चुमिन्‍मा हेन्‍खामादाओ य़ङ्‌चिदा याक्‌याङ।

गलाति 6:12

ख्रिस्‍तओ अ़चुक्रुस्‌ओ अ़तुक्‌वाआ दुखादा ऩछुक्‍निन्‍ने निम्‍पाङ पोक्‌दा नुलोक खाङ्‌मुमान्‍चिन कालाम्‌चिआ खानानिन सिप्‍मायाम्‍बुन पाक्‍मा राकाङ्‌थेत्‍नि ऩमुन।

गलाति 5:10

अ़ङ्‌का हाङ्‌पाएदा सोम्‍कुवा मुङाङा, खानानिन सोज्‍जेओ चिन्‍माय़ङ त़त़ङ्‌तिमिन। खानानिन दुखा काप़ साङ्‌आनुछाङ दन्‍दा आङ्‌मादोत।

गलाति 4:25

हागार अरब हेन्‍कोप्‌ओ सिनै भ़ऱ ओ, खोन्‍कि आइमित्‌ओ यरुसलेम्‌एनान तोङ्‌माखाङ्‌मा ऱम। देकिनालो मो अ़छाचिएनान हारुक्‌दा याक्‌याङ।

१ कोरिन्‍थि 4:11

आइमित्‌छाङ आन्‍कान्‍का सास़न्‍का खोन्‍कि वामित्‍मा स़न्‍का, आन्‍काओ कालाङ्‌द़क मुन्‌येन्‍का, आन्‍कान्‍का धात्‍खावा चान्‌युङ्‌सिन्‍का खोन्‍कि आन्‍काओ खिम मात्‍द़ङ।

मर्कुस 12:40

मोचिआ मेन्‍मित्‍माचिओ अ़चुखिम्‌चिदाओ चासुम्‍छेन्‍बिचि म़च़न्‍तुखात्‍तुप़चि, खोन्‍कि खाङ्‌मुमाओ निम्‍पाङ ब़द्‍धे मेत्‍लोदा याम़मात। ओ म़नाचिआ ब़द्‍धे चाअ़त्‍लो दन्‍दा अ़तोक।”

२ कोरिन्‍थि 10:5

निनाम्‍हाङ्‌ओ अ़चुतायाओ अ़देङ्‌सालाप्‍पा म़लोन्‌ओ दुम्‍छ़न्‍माचि खोन्‍कि ऱक्‍भाक्‌एनान लाम्‍काछेक य़ङ्‌चि आन्‍कान्‍का लुक्‍तुम्‍च़म्‍का, खोन्‍कि आन्‍कान्‍का झारा मिन्‍मा क़म्‍तुम्‍का खोन्‍कि मो ख्रिस्‍तओ अ़चुलोमाय़ङ्‌वा मुमेत्‍तुम्‍च़म्‍का।

२ कोरिन्‍थि 11:3

मेन देत्‍नि प़ओ अ़चाप्‍चाआ हब्‍बा म़प्‍तु, मोवात्‍निङा ख्रिस्‍तएदा आम्‍नुओ अ़छ़ङ खोन्‍कि सेङ्‌याङ्‌ओ ब़क्‍मालाम्‍पा आम्‍नुओ मिन्‍माचि फेन्‍मादा म़छुक हे निकिना अ़ङ्‌क़मा कात्‌याङ।

२ कोरिन्‍थि 12:16

मेन खानानिन काङ्‌मादोत, अ़ङ्‌का खानानिन दुखा मान्‍प़दानानिन। खोन्‍नुछाङ अ़ङ्‌का चाप्‍चा मुवाङ्‌कि धान्‍नानिन्‌नि खानानिन्‌एदाओ साङ-साङ त़य़ङिन्‌येन।