२ कोरिन्‍थि 11:11 - बान्‍तावा राई

¹¹ देकि खानानिन्‌एदाङ्‌का छेन्‍बि अ़लोक्‍ऩङ? दि अ़ङ्‌का खानानिन सोमाअ़तुक्‍नान्‍निमिन निकिना ओ? निनाम्‍हाङ्‌आ अ़सिन्‌याङ, अ़ङ्‌का खानानिन सोमातुक्‍नानिन!

२ कोरिन्‍थि 11:11 Referans Kwoze

२ कोरिन्‍थि 12:15

अ़ङ्‌का आम्‍नुओ निम्‍पाङ अ़न्‍नुनु अ़ङ्‌ऩङानुयाङ्‌सा अ़ङ्‌सामाचि याङुङ्‌च़ङ, खोन्‍कि अ़ङ्‌का आप्‍पि अ़ङ्‌ह़ङ्‌म़ङ्‌छाङ प़नानिन। अ़ङ्‌का खानानिन च़लोक सोमातुक्‍नानिन्‌नालो दि खानानिन्‌आ अ़ङ्‌का चुक्‍लो सोमात़तुक्‍ङाऩङ?

२ कोरिन्‍थि 7:3

खानानिन लाहिपाक्‍मा निम्‍पाङ अ़ङ्‌का ओ लोनानिन्‌ओ माआङ। देकिनालो अ़ङ्‌का बुयाङा लोनायुङ्‌नानिन, आन्‍काओ साकोङ्‌वाचिदा खानानिन त़याइन्‌येन। आन्‍कान्‍का स़न्‍का, खोन्‍कि ह़ङिन्‍कानुछाङ खानानिन्‌एनान युङिन्‍का।

खाङ्‌मुमा 2:23

अ़ङ्‌का मो कात़ङ्‌चि सेरुङ्‌च़ङ। खोन्‍कि झारा साम्‍भुङ्‌चिआ अ़सिन, अ़ङ्‌का खोङा ओ, झारासोओ अ़चुमिन्‍माचि खोन्‍कि अ़चुसाकोङ्‌वाचि लामुङ्‌च़ङ, खोन्‍कि खानानिन झारासा त़मुम्‌ओ आम्‍नुओ काचिचिओ सिरिफा अ़ङ्‌का लानाप़नानिन।

हिब्रु 4:13

निनाम्‍हाङ्‌ओ अ़चुखाङ्‌मादाङ्‌का मुन्‍माय़ङ दित्‍छाङ अ़कुम्‍निन। खोक्‍कोसोओ अ़चुबुदा झारा य़ङ्‌चि ऩदिप्‍निनिन, खोन्‍कि छेङ्‌छेङ्‌छेङ्‌वा म़मुयाङ। आन्‍कान मुम्‌ओ अ़छ़ङ य़ङ खोक्‍को खाएत्‍मादोत।

२ कोरिन्‍थि 11:31

हाङ्‌पा येसुओ अ़चुनिनाम्‍हाङ पापा, खो अ़धुन-अ़धुन म़चोन्‍ने। खोक्‍कोसाआ अ़सिन्‌याङ, अ़ङ्‌का अ़म़प्‍ऩङ।

छाम्‍माय़ङ 15:8

आन्‍साकोङ्‌वादाओ य़ङ कासिन निनाम्‍हाङ्‌आ निरावाचिछाङ आन्‍कान म़पुवावाङा सेङ्‌लावा म़प़चिकि खोक्‍कोसा मोचि म़लोउचिओ काचि खाङ्‌अ़मुसा।

युहन्‍ना 21:17

खोक्‍कोसाआ मो सुम्‌कादुओदु अ़लोवा, “युहन्‍नाओ अ़छा सिमोन, दि खाना अ़ङ्‌का सोमात़तुक्‍ङा?” पत्रुस्‌ओ अ़राक सुवा, देकिनालो खोक्‍कोसाआ सुम्‌कादुओदु “दि खाना अ़ङ्‌का सोमात़तुक्‍ङा?” निकिना खो अ़सेना। मोसाआ खोक्‍को लो, “हाङ्‌पो, खानानिन झारा त़सिन्‍तुम्‌योम, अ़ङ्‌का सोमातुक्‍नानिन निकिना खानानिन त़सिन्‍तुम्‌योम।” येसुआ खो अ़लोवा, “अ़ङ्‌भेराचि चान्‍तुचि।

२ कोरिन्‍थि 11:10

देत्‍नि ख्रिस्‍त अ़छ़ङ म़चेवा, खोन्‍कि खोक्‍को अ़ङ्‌काएदा म़युङ्‌याङ, मोवात्‍निङा अखैयाओ धिखाहुप्‌चिदाओ अ़ङ्‌तोक्‍पो लिमा साङ्‌आछाङ छेक्‍मा अ़ऱन।

रोमि 1:9

अ़ङ्‌का झारा अ़ङ्‌साकोङ्‌वाआ खोक्‍कोसोओ अ़चुछाओ अ़चुनुय़ङ्‌खान खालुमादा खोक्‍को ब़रुङ, खोन्‍कि अ़धुन अ़ङ्‌यामात्‍मादा अ़ङ्‌का खानानिन मित्‍नानिन्‌ओ य़ङ निनाम्‍हाङ अ़ङ्‌सालुम्‍स़ङ म़युङ्‌याङ।

२ कोरिन्‍थि 2:17

देकिनालो ब़द्‍धे निचिवा आन्‍कान्‍का निनाम्‍हाङ्‌ओ अ़चुय़ङ काखित काइन्‌चि माआङ, मेन निनाम्‍हाङ्‌आ ऩछुत्‍तिन्‍काओ अ़चुमिन्‍मा सेङ्‌याङ्‌ओ म़नाचिवा आन्‍कान्‍का निनाम्‍हाङ्‌ओ अ़चुबुदा ख्रिस्‍तओ अ़चुतुक्‌वादा चेविन्‍का।