१ तिमोथि 1:10 - बान्‍तावा राई

¹⁰ ताङ्‌लान कामुचिओ निम्‍पाङ, दुवाछा-दुवाछा अ़त्‍लोकाच़चिओ निम्‍पाङ, हारुक काइन्‌चिओ निम्‍पाङ, म़ना काम़प्‌चिओ निम्‍पाङ, सोज्‍जे सालुम्‍स़ङ काप़चि खोन्‍कि अ़छ़ङ चिन्‍माय़ङ्‌ओ अ़देङ्‌सालाप्‍पादा दियाकोछाङ काचि कामुचिओ निम्‍पाङ मुवा ओ।

१ तिमोथि 1:10 Referans Kwoze

२ तिमोथि 4:3

देकिनालो ग़रि तायाङ, मोन ग़रि मोचिआ अ़नुवाक चिन्‍माय़ङ ऩआङ्‌तुन, मेन मोचिआ अ़चुऩङानुओ चिन्‍माय़ङ ओन्‍ङा एन्‍मा म़लाम खोन्‍कि मोचिआ आप्‍पि अ़चुऩङानुओ य़ङ खाकाएत ब़द्‍धे काचिन्‍पाचि म़कोउचि।

रोमि 1:26

ओवात्‍नि म़नाचिआ मो य़ङ्‌चि म़मुचिओसा, निनाम्‍हाङ्‌आ लेजो कात्‌ओ पोक मित्‍माचिदा मोचि म़छिरुदोचि। मोचिओ अ़चुरादा मेत्‍छामाचिआ दुवाछाएनान इम्‍मा अ़छिराकि मेत्‍छामाचिएनान इम्‍मा अ़पुङ्‌सा।

खाङ्‌मुमा 21:27

थुबाछाओ ह़ङ्‌म़ङ्‌ओ छाप्‍लाखादा अ़चुऩङ म़छाप्‍ताओचि मोदा वाङ्‌मा म़ऱ, मेन म़पोप्‍ताओचि, चिप्‍माकात्‍तुओचि खोन्‍कि सोज्‍जे काचेप्‌चि मोदा वाङ्‌मा ऱमाइऩऱनिन।

१ तिमोथि 6:3

साङ्‌आ सोज्‍जेओ य़ङ्‌चि चिन्‍तुचि खोन्‍कि आन्‍हाङ्‌पा येसु ख्रिस्‍तओ अ़छ़ङ य़ङ्‌चि खोन्‍कि साम्‌योक्‍मिवात्‍निओ चिन्‍माय़ङ्‌एनान अ़तोङ्‌निन्‌नालो,

यहुदा 1:7

मोवात्‍निङा सदोम खोन्‍कि गमोरा खोन्‍कि मोसोओ अ़च़क्‍चिदात्निओ सहराचि आन्‍को निम्‍पाङ अ़मात्‍ऩङ म़लिसायुङ्‌सा। मोचि अ़चुताकावा ताङ्‌लान म़मुवाकि पोक मित्‍मादा म़धा। मोवात्‍नि लिसाओसा मो सहराचि अ़धुन अ़लुक्‍निन्‌ओ मिआ म़लुक्‍तुचि।

तितस 1:9

आन्‍कान्‍काआ चिन्‍तुम्‍च़म्‍काओ अ़नुछ्‍याओ तायादा युङ्‌युङ्‌ओ खोन्‍कि नि म़नाचिछाङ ओ ताया प़चिकि राक प़मा काऱ लिमादोत। ओ ताया आन्‍कान्‍काआ चिन्‍निओवात्‍नि लिमादोत। खोन्‍किना ओसोओ देङ्‌सा काच़चिओ अ़चुफिमाछाङ खाङ्‌मेत्‍मा काऱ लिमादोत।

खाङ्‌मुमा 21:8

मेन अ़चुक़मा काकात्‌चि, साकोङ्‌छ़ङ मान्‍मुकादाचि, चिप्‍माकात्‍तुओचि, म़ना कासेत्‌चि, पोप्‍कामुचि, म़क्‍फेङ कामुचि, सेम्‍पोक काब़क्‌चि खोन्‍कि म़ना काम़प्‌चि झारा मो म़नाचिओ अ़चुपाङ्‌यि लेत्‌याङ्‌ओ गन्‍दक्‌ओ मिराक्‌दा लि। ओ ह्‍वादुओदु स़मा ओ।”

हिब्रु 13:4

झारासाआ सायाकाम्‍माय़ङ साया मेत्‍मादोत खोन्‍कि खिम्‍हाङ्‌मा खिम्‍हाङ्‌पा सोम्‍कुवा मुकामु लिमादोत, देकिनालो काचान्‍चाचि खोन्‍कि ताङ्‌लान कामुचि निनाम्‍हाङ्‌आ छ़ङ म़छेन्‍तुचि।

खाङ्‌मुमा 22:15

मेन मो सहरा बुङ्‌खाया ना कुतिवाचि, म़क्‍फेङ कामुचि, पोप्‍कापोप कामुचि, म़ना कासेत्‌चि, सेम्‍पोक काब़क्‌चि खोन्‍कि सोज्‍जेओ ऩङाकानुचि खोन्‍कि मोवात्‍निङा काच़चि म़युङ।

२ तिमोथि 1:13

ख्रिस्‍त येसुएदा याक्‌याङ्‌ओ साकोङ्‌छ़ङ खोन्‍कि सोम्‍तुक्‍मादा अ़ङ्‌का चिन्‍नाओ अ़नुछ्‍याओ य़ङ्‌चि खाना त़ङ्‌मा अ़मात्‍ऩङ्‌ओ निम्‍पाङ रात्‍तुयुङ्‌सु।

युहन्‍ना 8:44

खानानिन आम्‍नुओ पापा सैतानाओ अ़छाचि ओ, खोन्‍कि आम्‍नुओ पापाओ अ़चुमिन्‍माचि तामालामानि खानानिन त़मिनिन। मो ना बुयादाङ्‌काङा कासेत्‍पा ओ, खोन्‍कि अ़छ़ङ्‌लिप्‍पा देम्‍खाछाङ अ़वाङ्‌निन, देकिनालो मोएदा अ़छ़ङ मात्‍द़ङ। मो सोज्‍जे चेप्‌हिदा मो अ़मिन्‍मालाम्‍पा चेप, देकिनालो मो सोज्‍जेओ खोन्‍कि झारा सोज्‍जेओसोओ अ़पा ओ।

तितस 1:13

ओ य़ङ अ़नुछ्‍या ओ। खोन्‌ओसा मोचि चात्‍लो रेन्‍तुचि खोन्‍कि मोचि अ़छ़ङ साकोङ्‌छ़ङ मुमा म़ऱने,

खाङ्‌मुमा 18:13

खोन्‍कि बेला, सुङ, नाम्‍नुसाम, मुर्र, नि नाम्‍नुओ सुङ, अङ्‌गुरा माङ्‌वा, आक्‌वा, बुत्‍थ़, छुमाचा, पित्‌चि, भेराचि, युक्‌वाचि, ऱथाचि, हारुक्‌चि खोन्‍कि म़नाचि ऩखिरुन्‍चिन।

१ तिमोथि 4:6

ओ य़ङ्‌चि खाना येसु ख्रिस्‍तएदा साकोङ्‌छ़ङ कामुचि त़चिन्‍तुचिनालो खाना त़खेङ्‌सुओ साकोङ्‌छ़ङ्‌ओ अ़छ़ङ य़ङ खोन्‍कि अ़नुवाक चिन्‍माय़ङ्‌दा त़पोन्‌कि खाना नुलोक ख्रिस्‍त येसु काब़त त़लि।