१ थेसलोनिकि 2:1 - बान्‍तावा राई

¹ अ़ङ्‍ब़ब़, नाना खोन्‍कि निछाचि ओ, खानानिन्‌एनान आन्‍काओ तुप्‍मा सोज्‍जे मान्‍लिओ खानानिन्‌आ त़सिन्‍तुम्‌योम।

१ थेसलोनिकि 2:1 Referans Kwoze

२ थेसलोनिकि 3:1

हान अ़लुक्‍मादा, ब़ब़, नाना खोन्‍कि निछाचि ओ, हाङ्‌पाओ अ़चुय़ङ च़क्‍नि फेयाङ्‌साखात्‍ने निम्‍पाङ आन्‍कान्‍का यामात्‍निप़नि, देत्‍नि आम्‍नुओ रादाछाङ फेसायुङ्‌सा।

१ थेसलोनिकि 2:13

खोन्‌ओसा आन्‍कान्‍का अ़धुन निनाम्‍हाङ आलाङ प़म्‍का, देकिनालो खानानिन्‌आ आन्‍कान्‍काएदाङ्‌का त़एनुम्‌ओ निनाम्‍हाङ्‌ओ अ़चुय़ङ खानानिन्‌आ म़नाओ अ़य़ङ्‌वा मान्‍लोक्‍त़दोम, मेन अ़नुछ्‍या निनाम्‍हाङ्‌ओ अ़चुय़ङ्‌वात्‍तिङा त़लोउम। मो य़ङ्‌आ खानानिन साकोङ्‌छ़ङ कामुचिएदा काचि मुङु।

फिलिप्‍पि 2:16

ह़ङ्‌म़ङ्‌ओ नुय़ङ्‌खान नुलोक लावायुङ्‌सानुम। मोवात्‍नि अ़ङ्‌का सोज्‍जेङा मान्‍लोत्‍ङा माङ्‌लो अ़ङ्‌का सोज्‍जेङा काचि मान्‍मुङा निकिना ख्रिस्‍तओ अ़चुलामातामा लेन्‌दा अ़ङ्‌का तोक्‍पो लिमा ऱङाने।

१ कोरिन्‍थि 15:58

खोन्‌ओसा, अ़ङ्‌का सोमातुक्‍नाङ्‌नानिन्‌ओ अ़ङ्‍ब़ब़, नाना खोन्‍कि निछाचि ओ, नुलोक युङानिन। दिसाआछाङ ओह्‍यात्‍नि-मोह्‍यात्‍नि त़मुन्‍मिन्‍ने। हाङ्‌पाओ अ़चुकाचिदा अ़धुन पोइसा खारानिन। देकिनालो खानानिन त़सिन्‍तुम्‌योम, निनाम्‍हाङ्‌एदा आम्‍नुओ काचि सोज्‍जे अ़लिनिन।

१ कोरिन्‍थि 15:2

अ़ङ्‌का खानानिन खाएत्‍नानिन्‌ओ य़ङ्‌दा नुलोक त़युङिन्‌नालो ओ नुय़ङ्‌खान्‌लाम्‍पा खानानिन त़लेरिन्‌युङ्‌सिन। माङ्‌नालोना खानानिन मोहाङा साकोङ्‌छ़ङ त़मुम।

१ थेसलोनिकि 3:5

खोन्‌ओसा, अ़ङ्‌का च़लोक आङ्‌मा मान्‍ऱङाकिना आम्‍नुओ साकोङ्‌छ़ङ्‌ओ अ़तुक्‌वादा सिन्‍मा निकिना अ़ङ्‌का तिमोथि छुत्‍तुङ। सैतानाआ खानानिन चिन्‍माखाङ्‌मादा ऩधान्‍तिन्‌कि आन्‍कान्‍का मुम्‍काओ काचि सोज्‍जे लिसा हे निकिना अ़ङ्‌क़माकारा।

गलाति 4:11

आम्‍नुओ निम्‍पाङ अ़ङ्‌का मुङ्‌ओ अ़ङ्‌काचि सोज्‍जे लिसा निकिना अ़ङ्‌का अ़ङ्‌क़मा कात्‌याङ।

गलाति 2:2

निनाम्‍हाङ्‌आ खाङ्‌ऩमेत्‍ताङ्‌वा अ़ङ्‌का मोदा खाराङ, खोन्‍कि मोचिओ अ़चुबुदा मो नुय़ङ्‌खान खालुसुङ, मो अ़ङ्‌का निरावाचिओ अ़चुरादा खाएत्‍तुङ्‌युङ्‌सुङ्‌योङ्‌च़ङ्‌ओ। मेन साम्‍भुङ्‌दाओ बुसुवावाको म़काराङाओचिओ अ़चुबुदा अ़ङ्‌का मो सुकुलादा खालुसुङ, देकिनालो अ़ङ्‌का खाक्‍को लोत्‍मा लोराङ माङ्‌लो लोत्‍ङाङा, मो सोज्‍जे अ़लिनिन्‍ने।

२ कोरिन्‍थि 6:1

निनाम्‍हाङ्‌एनान अ़क्‍नि काचि कामुओसा आन्‍कान्‍का खानानिन लोनिङ्‌नि, निनाम्‍हाङ्‌ओ अ़चुसोम्‍तुक्‍मा त़तोक्‍तुम्‌युङ्‌सुम, हान निनाम्‍हाङ काचि मुमा खानानिन्‌एदा पुवानुम।

१ कोरिन्‍थि 15:10

मेन अ़ङ्‌का देत्‍नि मुङाङा, मो निनाम्‍हाङ्‌ओ अ़चुसोमातुक्‍मालाम्‍पा मुङाङा, खोन्‍कि निनाम्‍हाङ्‌आ अ़ङ्‌का सोमा ऩतुक्‍ताङ्‌ओ सोज्‍जे मान्‍लि। मेन अ़ङ्‌का ना मोचि झाराएदाङ्‌का च़लोक काचि मुवाङ। खोन्‍नुछाङ ओवाको च़लोक काचि मुमा ऱङाओ ना अ़ङ्‌सावाआ माआङ, मेन अ़ङ्‌काएदा कायुङ निनाम्‍हाङ्‌ओ अ़चुसोम्‍तुक्‍माआ ओ।

२ थेसलोनिकि 1:10

मो लेन खोक्‍कोसोओ अ़चुम़नाचिएदाङ्‌का साया मेत्‍लुसि खोन्‍कि खोक्‍कोएदा साकोङ्‌छ़ङ कामुचिएदाङ्‌का चोन्‍लुसि म़ता। खोन्‍कि खानानिन्‌छाङ मो साकोङ्‌छ़ङ कामुचिएदा त़याइन, देकिनालो आन्‍काओ सालुम्‍स़ङ्‌दा खानानिन साकोङ्‌छ़ङ त़मुम।