१ युहन्‍ना 4:14 - बान्‍तावा राई

¹⁴ निनाम्‍हाङ पापाआ अ़चुओ छा हेन्‍खामादाओ म़नाचि लेइसि अ़य़साओ आन्‍कान्‍का खाम्‍का खोन्‍कि अ़चुसालुम्‍स़ङ प़म्‌योम्‍च़म्‍का।

१ युहन्‍ना 4:14 Referans Kwoze

१ युहन्‍ना 4:10

सोमातुक्‍मानिओ ओङा ओ, आन्‍कान निनाम्‍हाङ सोमातुक्‍तुम्‌ओ माआङ, मेन खोक्‍कोसाआ आन्‍कान सोमाम़तुक्‍ता ओ, खोन्‍कि आन्‍हेवा लेत्‍मा निम्‍पाङ हेन्‍खोक्‌वा लिसि अ़चुछा अ़य़सा।

युहन्‍ना 4:42

मोचिआ मो मेत्‍छामा अ़लोवा, “ओन्‍ग़रि खाना त़य़ङाओ य़ङ्‌आ ओन्‍ङा आन्‍कान्‍का साकोङ्‌छ़ङ मुन्‍काओ माआङ, मेन आन्‍कान्‍का आप्‍पि एनुम्‍काओसाआ अ़नुछ्‍या खोक्‍को हेन्‍खामादाओ कालेन्‍पा ओ निकिना आन्‍कान्‍काआ सिन्‍तुम्‍का।”

युहन्‍ना 1:14

मो य़ङ पोक लिसाकि आन्‍रादा म़याआ। युहन्‍नाआ खोक्‍कोसोओ अ़चुतुक्‌वादा सालुम्‍स़ङ प़याङ्‌सा म़लोचि, “साङ्‌कोओ अ़चुतुक्‌वादा अ़ङ्‌का खानानिन लोनानिन, खोक्‍को ओङा ओ, अ़ङ्‌कादाङ्‌का आदेङ म़ताओ तोक्‍पो म़मुयाङ, देकिनालो खोक्‍को अ़ङ्‌कादाङ्‌का बुयाङा म़युङाङा।” आन्‍कान्‍का खोक्‍कोसोओ अ़चुसाम खाम्‌युङ्‌सुम्‍का। खोक्‍को निनाम्‍हाङ पापाओ अ़क्‍छा ओन्‍ङा अ़चुछा खान्‍तुलो तोक्‍पो म़मुवाङा। मो य़ङ सोम्‍तुक्‍मायु खोन्‍कि अ़छ़ङ्‌आ भेप्‍तुओ म़मुवाङा।

युहन्‍ना 1:29

अ़माङ्‌कोलेन युहन्‍नाआ येसु म़बानाङाओ खाकि य़ङा, “खानुम, हेन्‍खामादाओ हेवा काखुन्‍खात निनाम्‍हाङ्‌ओ अ़चुथुबाछा!

१ युहन्‍ना 5:9

आन्‍कान म़नाओ अ़सालुम्‍स़ङ लोउम्‌नालो निनाम्‍हाङ्‌आ म़पुवाओ अ़चुसालुम्‍स़ङ तोक्‍पो मुयाङ। देकिनालो ओ निनाम्‍हाङ्‌ओ अ़चुसालुम्‍स़ङ ओ, खोक्‍कोसाआ अ़चुछाओ अ़तुक्‌वादा सालुम्‍स़ङ अ़पुवायुङ्‌सा।

१ पत्रुस 5:12

सोम्‍कुवा मुमा खान्‍तुओ निछा सिलास्‌ओ अ़फामालाम्‍पा ओ थुत्‍मेत्‍लो छाप्‍लावा अ़ङ्‌का छाप्‍तुङ्‌योङ। खानानिन राक प़नानिन खोन्‍कि खाएत्‍नानिन, निनाम्‍हाङ्‌ओ अ़छ़ङ अ़चुसोमातुक्‍मा ओङा ओ। ओदाङा खानानिन युङायाक्‍तानिन।

युहन्‍ना 12:47

साङ्‌आ अ़ङ्‌य़ङ एनु, खोन्‍कि मोवात्‍नि अ़च़निन, अ़ङ्‌का मोसोओ अ़छ़ङ अ़छेन्‍ऩङ। देकिनालो अ़ङ्‌का हेन्‍खामाओ अ़छ़ङ छेइसि ताङ्‌ओ माआङ, मेन हेन्‍खामा लेइसि ताङ्‌ओ।

युहन्‍ना 5:39

खानानिन साम्‍कालिन्‌दा त़लामुम्‌योम, देकिनालो मोदा अ़लुक्‍निन्‌ओ ह़ङ्‌म़ङ तोक्‍तुम्‌नि खानानिन त़मिनिन। अ़ङ्‌तुक्‌वादा सालुम्‍स़ङ काप़ मो साम्‍कालिन्‌ङा ओ!

युहन्‍ना 3:34

देकिनालो साङ निनाम्‍हाङ्‌आ अ़छुत्‍तायुङ्‌सा, निनाम्‍हाङ्‌ओ अ़चुय़ङ मोसाआ चेउ, देकिनालो निनाम्‍हाङ्‌आ च़लोक सेङ्‌लावा अ़प़।

छाम्‍माय़ङ 18:5

खोन्‍किना सिलास खोन्‍कि तिमोथि माकेदोनिया धिखाहुप्‌दाङ्‌का तादिसाचि, खोन्‍कि पावल्‌आ यहुदिचि येसुङा ख्रिस्‍त म़मुयाङ्‌नि य़ङ्‌याङ्‌सा निनाम्‍हाङ य़ङ खाएत्‍मा काचिदा झारा अ़ग़रि पाउ।

युहन्‍ना 10:36

अ़ङ्‌का ‘निनाम्‍हाङ्‌ओ अ़चुछा ओ’नि य़ङाङ्‌हिदा देत्‍नि निनाम्‍हाङ्‌ओ अ़चुसाया पेप्‍तुङ्‌नि त़लोनि? अ़ङ्‌का पापा निनाम्‍हाङ्‌आ ऩछेन्‍ताङ्‌कि हेन्‍खामादा ऩय़साङ्‌ओ म़ना ओ।

युहन्‍ना 3:32

खोक्‍कोसाआ अ़खाओ, खोन्‍कि अ़एनायुङ्‌साओ, मोसोओ अ़सालुम्‍स़ङ खोक्‍कोसाआ अ़प़, मेन खोक्‍कोसोओ अ़सालुम्‍स़ङ साङ्‌आछाङ अ़लोउन।

युहन्‍ना 3:11

अ़ङ्‌का खाना लोना, आन्‍कान्‍का दि लेसुम्‌योम्‍का, मोङा आन्‍कान्‍का य़ङिन्‍का, खोन्‍कि आन्‍कान्‍का दि खाम्‌युङ्‌सुम्‍का मोसोओ अ़सालुम्‍स़ङ आन्‍कान्‍का प़म्‍का, खोन्‍नुछाङ खानानिन आन्‍काओ सालुम्‍स़ङ त़लोइमिन।